اقوى قروب لزياده الوزن {{ صاحبات الاراده فقط الى يسمح لهم بتسجيل }}

[أأأحبه]

السلام عليكم ورحمة الله وبركاته



شخباركم بنات !
إن شاء الله كويسات !
:eh_s(7):

بنات نفسي اعمل قروب للعسسقولات امثالي ,,,
بس ابيه قروب قوووي فيه بنات جادات وعندهم اراده قوية
ماابيه بعد اسبوع او اسبوعين يطفي الحماسس واتفاجئ ان دخول البنات قل او انعدم
من جد بنات لاتحبطوني شاركوني الحمآس :eh_s(2):


الحين بتكلم لكم عن شروط القروب
التسجيل راح يكون عن طريق الرسايل الخاصه
<<< علشان تجمعنا يكون مرتب ونسجل على طول نظام اكلنا اليومي

البيانات معروفه
اسم العضوة -
طولها -
وزنها الحالي -
الهدف الاول والهدف الثاني واذا كان في ثالث على حسب الى ناقصها

راي الشخصي
ان الهدف يكون اربعه كيلو اربعه كيلو
علشان يكون الهدف سهل والوصول اسرع

التواجد في القروب
شبه يومي وممنوع الغياب لأن حتى لو كانت عندك ظروف ماراح تتعبين نفسك كثير اذا كتبتي لنا وش اكلتي في يومك كامل وطلعتي :rgewrg:

اتمنى اتمنى التواجد اليومي علشان حماسنا مايخف

وللى حابه تتواصل عن طريق الواتس آب هم ترسلي ولو صرنا قروب راح اعمل قروب خاص فينا
ع الواتس اب

الانظممه الغذائية
ماراح تكون روتينيه كلن على راحته علشان مانمل وتلوع كبودنا
والافضل نزود يومنا بفتامينات والى مضطره لفواتح الشهيه





المشاركه راح تكون على هالترتيب
اليوم :
وجبة الفطور :
وجبة الغداء :
وجبة العشاء :
الاكلات الاضافيه :

الطول :
الوزن الحالي :
الهدف :



بالنسبه لقياس الوزن راح يكون كل اسبوع يوم جمعه اول ماتصحين من النوم بعد دخولك دورة المياه لان الطريقة الصحيحه لقياس الوزن الحقيقي ~~
وفي النهايه قروبنا مايسمح للعضوة بالاستمرار اذا ماحصلت في اسبوع على كيلو واحد على الاقل
لان راح تلاقوا تهزيئ وعقاب لو نظامكم الغذائي اليومي قل عن المعتاد :eh_s(4):




راح نبدأ نشاطنا
لما نتجمع عشر بنات ع الاقل وراح اعطيكم خبر برساله
اي استفسار او ملاحظة على الخاص لو سمحتوآ




اتمنى من الله يكون قروبنا اقوى قروب في المنتدى وان ربي يوصلنا للى نبغاه بصحه وعافيه ​

 

[فجر_الكويت]

موفقه خير يارب

 

[&موناليزا&]

موفقات حبوباااااااااااااات

ورفع لعيوووووووووونكم عزيزاتي

 

[طموحه بزياده]

مرحبااااااااااااااا



عاد انا من 5 ايام باديه هدف اني امتن بروحي

بس دام موضوعج فرش بشترك وياكم


انا صراحه مو عصله انا رشيقه بس شسوي ضعفت 5 كيلو لاني مريت بازمه نفسيه والحمدلله عدت ع خير والضعف بين على وجهي وصدري


واحس شكلي كأني مراهقه صغيره ام 14

مع ان عمري 21 واتمنى يكن شكلي انثى فيني انوووووثه خدود وصدر



وهدفي ابي ازيد 6 كيلو ابيه يبين ع وجهي وصدري ابي اكون رزه وكلي انوثه <<<< ذابحني اكون انثى




الطول : 161
الوزن الحالي : 55


الهدف الاول : 58

الهدف الثاني: 61


بعطيج نبذه عن الاكل اللي اكله


باليوم الواحد


2 سنيكرز الكبير

فيتامين سي الفوار اقطه حبه وحده في قلاص ماي ( للبشره)

2 كبسولة زيت السمك ماركة سيفن سيز علبته لونه ازرق ( للبشره والاظافر والشعر يقويهم وهو سبب شفائي من حب الشباب لاني استمريت عليهم من زمان مدة 3 شهور )

( والبنات حيل يمدحون كبسولات زيت سمك القد اهيا من نفس ماركة سيفن سيز ومعروفه انها تمتن وتساعد ع زياده الوزن )

ان شاء الله اذا خلصت الي عندي راح اشتري كبسولات زيت سمك لقد اللي علبته لونه احمر ويا اصفر




عسل معجزة الشفاء مع غذاء ملكات النحل سعره ب 7 دنانير تقريبا اشتريهم من الجمعيه
ومعروف غذاء ملكات النحل يمتن
واهم شي ان عسل وغذاء ملكات النحل غني عن تعريف عن فوائده للجسم والصحه



واشرب باليوم 2 كوب حليب التموين البودره معرووووووف يمتن لانه كامل الدسم واخلط وياه البودرة المسمنه شريتها من تاجره اهني بالمنتدى


واكل وجبه الغدا عيش ودجاج اكثر كميه ع قد ما اقدر


والعشا مره معكرونيا ومره اسوي همرجر بالبيت ويا صمون مدور مع عصير منجا



وان شاء الله ناويه اضيف اضافات من عندي مثل ككاو باونتي وكرواسان ( مع اني ماحب الكرواسان)




وننتظر باقي البنات



مع تحياتي


طموووووحه بزياده

 

[freakiya]

انا انا ابي ادش
عاد اليوم و انا انظف شقتي يت فبالي اسوي زين لقيتج
طولي احم 148
وزني 35
الهدف الاول 39 على كلامج 4*4
الهدف الثاني 43
الهدف الثالث 47

بس يبيلنا توقيييييييييع و متى نبدي؟ حدي مستعيله

 

[فدوووو]

بالتوفيق حبوباات

 

[al39laa]

الاسم : al39laa
الطول : 162
الوزن : 47

الهدف الاول 50
الهدف الثاني 52 او 54


لووول جذبني اسلوبج جنه غصب طيب نمتن وهذا المطلوب لان في بعض البنات مايمشون الا بالزف وانا منهم

 

[رمضانه]

انا رمضانه
طولي 167
وزني 57
الهدف الاول 60
الهدف الثاني 64
باديه من يومين
الريوق توست وجبن وطماط وخيار 4شرايح توست وعصير مانجا
السناك سنيكرز وبطاط وعصير او سلطة فواكه
الغدا صحن عيش ودياي او مرق وسلطه ولبن
بعد الغدا بساعه او ساعه ونص حليب انشور 6قفشات مع عصير مانجا وقفشتين برد كي دي دي باللوز عجييييييييييييب
المغرب مكسرات وحليب انشور 3قفشات ونسكافيه وربع علبة كريمه وعلبة حليب سايل وقفشة ككاو بودر وسنيكرز الصغار عشان اكل بدون ما احس او تويكس
العشا صمونة همبرجر او بيض بالجبن شريحتين جبن وبطاط شوي وعصير او بيبسي
قفشة رهش قبل ما انام
طبعا انا ابدي بكميات صغيره وشوي شوي ازيد وتنفتح شهيتي

وباجر اكتبلكم شنو كليت
يومين زدت كيلو كنت 56صرت 57

حليب انشور في سعرات حراريه كبيره وعباره عن وجبه
المنجا سعراتها عاليه والسنيكرز والنوتيلا وزبده الفول السوداني

ابدو بحليب انشور بين الوجبات اول شي ولو تاكلين نص صحن عيش وصمونه الصبح وبليل همبرجر وبطاط بتنفتح شهيتج
اشوفكم باجر باااااااااااااااااااااااااااااااااااااااااااااااااااااااااااااااااااي

 

[أأأحبه]

فجر_الكويت
تسلمين حبيبتي وربي يوفقك ويحفظك وين ماكنتي

طموحه بزياده
مراحب ياقلبي
و الله لا يعيد الازمه مره ثانية والله يبعد عنك كل هم
وحلو انتي اطول مني بـ 1 سم يعني نفس
الهدف انا راح يكون هدفي الاخير 58 واذا حسيت يبيلي زياده راح اوصل لـ 60 ان شاء الله

freakiya
حبيبتي انتي
حياك ياقلبي واتمنى الحمآآس هذا يدوم ونوصل لاهدافنا بصحه وعافية
انا فكرت نتجمع عشر بنات على الاقل بس دام الكل متحمسسس
نبدأ من بكرة لأني بعد متحمسسة ابدأ


فدوووو
تسلمين حبيبتي وربي يوفقك ويحفظك وين ما كنتي

al39laa
ههههه حبيبتي ايه هذا الى يبيلنا صصصراحه وانا مستغله وقت ارادتي فا اببي من يشجعني

رمضانه
شششطورة ياقلبي واتمنى نشاطك يدووووم الى النهاية

 

[يا قلبي أرتاح]

موفقين

 

[منتهى الرقة86]

:eh_s(16)::eh_s(16)::eh_s(16)::eh_s(16):


قاعده اقرا مستااااااااانسه ابي اشارك لمى قريت الاوزان انصدمت

على بالي بتبدون رجيم :krkrkr:


سبحان مغير الاحوال قبل ماااااخليت خلطة ما استخدمتها عشان امتن والحين ادور النحف

عساكم على القوة :ggdw:

 

[تويتي الحلوه]

انا انا بعد بكون ويآكمَ ي حلوآتَ

الطول : 150
الوزن الحالي : 43
الهدف : 50


ان شآء بجرب العدس من رآح تجربه معآي ؟

 

[أأأحبه]

ياقلبي ارتاح
مشكورة حبيبتي ربي يوفقك ويحفظك وين ما كنتي

منتهى الرقه
هههههـ حبيبتي انتي
ان شاء الله توصلين للى تبينه
والصراحه السمنه الزايد مو حلوة ولا النحف الزايد حلو يكون عندنا وزن مثالي وجسم ووجه صحي

تويتي الحلوة
حبيبتي حياك ونبغى همه ونشاط زين !!
اكتبي طريقة العدس علششان الكل يستفيد

 

[أأأحبه]

بنآت بليييز خلونآ ننتظر اربع بنات يشاركون معآنآ ونوقف التسجيل
علشان يكون عندنا فريقين ويكون النشاط افضضضل


أتفقنآ ~~~​

 

[a7la pinkiya]

اناا شريت عسل من واحد يمني يفتح الشهية عاد انشالله امتن عليه مع الوقت لان وايد بنات مادحينه وبنات الي اتعرف اشياء اتكبر الصدر والمؤخره كتبوا عاد خل نستفيد p:

 

[أأأحبه]

^
^
حبيبتي تبي تكونين معانا في القروب
اذا اوك سسجلي طولك ووزنك وهدفك علشان تكونين من ضمن البنات الى سجلوا

 

[تويتي الحلوه]

أاحببه هذي طريقه العدسَ
http://www.q8yat.com/t877864.html

 

[freakiya]

يلا متى نبدي ببط عين ريلي و بمتن لوووول دام السالفه فيه شر اكيد في همه و حماااااس

 

[تويتي الحلوه]

تبون اسوي لكم شسمه شعآر ؟

 

[أأأحبه]

^
^
^
ياليت ياقلبييي تسسوين فينآ خير بس خلينا نكتمل علشان الكل يكون عنده الشعار
ولأن راح نكون فريقين
ومششكورة ع طريقة العدسس

freakiya
هههههههه ان شاء الله يارب تسمنين وتبطين عيونه الثنتين << امزززح
يلا باقي كم بنت تشترك ونبدأ