اقوى برودكتس للشعر المتساقط والمتقصف تجربه منقــوله

[احساس ملكه]

الســـــــــــــــــلام​

هالموضوع تجربه منقـــــــــــــــــــــــوله من احد الاخوات فى منتدى ثااني بس جدااا عجبنى كل شى من ناحيه الترتيب والتصوير موضــوع قـــمه بصراحه:rerrerek: الله يعطيها العااافيه وفى جم طلب اخـــــــــر الموضوع الى بتستمتعـــون فيه اكيـــد :eh_s(15):​

السلام عليكم صباايا ​

كيفكوون .. ؟ ان شاء الله منااح ​

احم .. حلت لي السالفه على الريفيوات ههههههه​

المهم عشان خاطر اللي ودهم اسوي موضوع بقسم الشعر حبيت اسوي لكم هالريفيو الخفيف​

وبتكلم فيه عن منتجات اشوفها متداوله بين بنات اليوتيوب الأجانب وايد ​

واحنا قلة قليله من المواقع اللي شفتها متكلمه عن منتجات هالماركه المتخصصه بعناية الشعر​

مع انها متوفره عندنا بالخليج وبأكثر مكان يحبون يروحون له البنات ( محلات نزيه )​

واهي .. Macadamia Natural Oil ..​

​

​

الموضوع بشكل عام راح يكون عرض لكل منتج وشنو فايدته ​

وبالأخير بقول لكم تجربتي مع منتجين جربتهم من هالمجموعة​

بس بالأول خلونا نشوف شنو المكونات الأساسيه اللي معتمدينها بهالمنتجات ​

وشرح عنها من الموقع الخاص فيهم​

زيوت مكاداميا الطبيعيه خليط من الخصائص الفريدة من زيت جوز المكاداميا وزيت بذور الأرقان النادره​

اللتي تجدد , تغذي , تنشط وتعالج حتى اصعب مشاكل الشعر​

​

مدى فعالمكاداميا​

خفيف الوزن بشكل ملحوظ , فتكوين زيت المكاداميا الفريد يعطيها التشابهه الغريب والتوافق ​

لي الزيوت الطبيعيه اللتي تنتجها فروة الرأس​

ولهاذا فهي فعاله جدا ويمكن لفروة الرأس امتصاصها بشكل سريع ​

واستعادة الصحه والنعومه واللمعان​

ويعمل ايضا زيت المكداميا على حماية الشعر من الحراره والمواد الكيميائيه ​

واضرار الأشعة الفوق بنفسجيه ​

​

مدى فعالية زيت بذور الأرقان​

زيت بذور الارقان غنية بشكل استثنائي بفيتامين e الطبيعي , أوميغا 9 ​

لينوليك الأوليك والأحماض الدهنيه غير المشبعة​

وهذي هي المكونات اللي جعلت شعر المرأه المغربية ​

لامعاُ سميكاُ من عدة قرون .. واحد من اثمن المطريات واكثرها ترفاُ على الأرض ​

فيجدد الشعر من الجذور إلى الأطراف ويزيده قوه ومرونه وصحة​

وبشكل عام المنتجات هذي متخصصه في معالجة هذي المشاكل :​

- الشعر التالف ( مواد كيميائيه - تغيرات الجو - الشمس )​

- الشعر المتجعد​

- الشعر الجاف​

- مشاكل الشعر بعد الصبغات , كثرة استخدام الستريت , الفير​

- الشعر الصعب تسريحه​

- التشابك بالشعر​

- الشعر العديم الحيويه ​

- الشعر الهش والمفتقر لليونه​

- الشعر المتطاير ​

- سمك الشعر وكثافته​

ونبدأ بالتعرف على هالمنتجات اكثر وبالتفصيل ​

Heali Oil Treatment​

​

زيت معالج مثالي لجميع انواع الشعر , ومفيد خصوصا للشعر الجاف والتالف​

- تغذية مكثفة لشعر خالي من التشابك والتجعد​

- شعر فائق النعومة سلس ولامع​

- حماية طبيعيه من اشعة الشمس ويحافظ على لون الصبغات بشكل اطول​

- يجعل الشعر يجف بشكل اسرع بطريقة مذهلة بنسبة 40-50%​

( يستخدم على الشعر الجاف أول المبلول )​

Healing Oil Spray​

​

بخاخ زيت يمتصه الشعر فورا لخفته ويرطبه ويجعلة لامعاُ​

- مغذي مكثف​

- الانتهاء من مشكلة التشابك والتجعد لشعر الطويل​

- لمعان وسهولة اكثر بالتسريح​

- سريع الامتصاص​

- خفيف الوزن و غير دهني​

- يحفظ لون الصبغات بشكل اطول​

- حماية طبيعيه من اشعة الشمس​

- يقلل من وقت التجفيف 40-50%​

( يستعمل بعد غسل الشعر )​

Nourishing Leave-In Cream​

​

يعمل مثل الكونديشنر لخامة الشعر الصعب التحكم فيه وفي تسريحة​

- عدم تشابك الشعر وعدم تطايره​

- يضيف نعومه حريريه ولمعاناُ للشعر​

- حماية من الأشعة الفوق بنفسجيه وحماية الصبغات وحفظ لونها​

( يستعمل بعد غسل الشعر أو اي وقت تحسون ممكن انكم تحطون كريم على شعركم لتسريحه )​

Rejuvenating Shampoo​

​

شامبو إعادة الاحياء صمم ليضيف الرطوبه والحماية لجميع انواع الشعر وهو ممتاز للشعر الجاف والتالف​

- خالي من السلفات والبارابيين​

- ينظف بلطف ويعالج الشعر التالف​

- يغذي ويرطب بدون الشعور بتراكم الشامبو بالشعر ​

( هههههه عاد هذي ماعرفت شلون اكتبها لكم عدل بس القصد ​

ان مرات الواحد لما يغسل بالشامبو يحس ان الشامبو دسم ​

ومايروح من الشعر بسرعه هذا لأ العكس )​

- يقوم ببناء حمايه من العناصر الموجوده ​

Moisturizing Rinse​

​

كونديشنر يومي يغذي ويمنع تشابك الشعر ويجعله سهل التسريح ​

( يستعمل بعد الشامبو وقت غسل الشعر )​

Deep Repair Masque​

​

قناع يقوم بأعادة بناء الشعر التالف والمتضرر وتلميعه وتحسين مرونته​

يجمع بين زيوت المكداميا وزيت شجرة الأرقان مع الشاي وزيت البابونج​

وزيت الصبار والطحالب المستخرجه ​

فيقوم بتغذيه وتكييف الشعر بشكل عميق وطويل الأمد​

( يستخدم على شعر مبلول تحطون شويه منه على شعركم كله ​

وتخلونه من 5 لي 7 دقايق بعدين تغسلونه​

أو ممكن تضيفون معاه شويه منHealing Oil Treatment لزيادة الفعاليه ​

وحق الشعر الشديد التلف ويبيله علاج مكثف ) ​

فى تكمــــــــــــــــــــــله للموضوع .:eh_s(4):​

 

[احساس ملكه]

والحين راح احط لكم تجربتي



بس خلني أقولكم نوع شعري ومعاناته



طبيعة شعري ويفي ناعم قبل كان طويل بس الحين متوسط الطول



والسبب اني قصيت اطرافه بسبب التقصف



ومع الصبغات والستريت والستشوار و هالاشياء هذي



انتلف وصار كلش مافيه حياة ويتساقط بالهبل



وصارلي فتره طويله مو صابغه شعري والسبب اني ابي اريح الشعر واعتني فيه فتره



لأن اذكر وصلت لمرحلة صرت لما استشور شعري اطرافه احسها خفيفه حيل



وصايره ستريت بشكل غبي !!



وان خليته عادي على طبيعته وما استشورته



احس بعد الاطراف تصير منفوشه ومادري شلون صايره



مشكلة التقصف والتساقط هذي حليتها بس من منتج ثاني غير اللي كتبت عنهم الحين



وبقولها لكم بأخر الموضوع



بس من ناحية حيوية وصحة شعري وشلون تغير كل هذا بعد ماجربت هالمنتجين

أخذتهم من محلات نزيه وكان بعد متوفر السييت كامل بكل المنتجات



وسعره 55 دينار كويتي بس قلت بالأول اجرب منهم هالمنتجين



واشوف اذا عجبوني راح أخذ السيت كله





Rejuvenating Shampoo



​

​

​

وسعره 8 دنانير



حجمه حلو ومايحتاج تحطون على شعركم كميات وايد



شويه منه تكفي لغسل الشعر



ريحته حلوووه حبيتها انا وايد



وعشان ماكو سلفات ولا بارابيين



مراح تشوفون ان شعركم فيه رغوه وايد لما تفركونه بالبدايه



ويفضل تخلطونه بإيدكم عقب حطوه على شعركم عشان تحسون بالرغوه



من ناحية ملمس الشعر بعد ماتحطون الشامبو فاا شي عجيييييييب !!



امبيه انا أكييف وانا اغسل شعري تحسون شعركم صار زبده



وينظف زين وماتحتاجون انكم تردون تغسلونه مره ثانيه بالشامبو بعد



يعني مره وحده تكفي تحت الشور لأن مرات في بعض الشامبوات لما تستخدمونهم



تحسون ان من أول مره ماينظف الشعر عدل وتردون تحطون مره ثانيه عليه شامبو



وبعد ما اطلع وقبل ما امشط شعري ايي دور المنتج الثاني





Healing Oil Treatment ​

​

​

​

​

وسعره 15ونص دينار كويتي



أحط منه نص ضغطة وافركه بأيدي وابدأ امسح بشعري شوي شوي واوزعه عليه كله



يمكن تحسون ان شعركم يمكن صار جنه مدهن أو مزيت لأن قوام هالزيت شويه ثقيل



بس مو ذاك الثقل يعني امممم شلون اوصفه جنه هلامي .. شويه وبتحسون ان الشعر تشربه أصلا



وبعدها انشف شعري بالهوا عادي .. وعقبها شوفوا شلون بتكون شعوركم



امبييه والله نعوومه فائقه و لمعه حلووه



واللي شعرها ويفي او كيرلي بتشوف ان الشعر لف بشكل طبيعي



والشعر كله حيويه وصحي حيل وبالذات اذا حطيتوا الهيلنق أويل بعد قبل لاتدخلون الشور بنص ساعه



سويتها جم مره الشعر يصير قمه بالنعومه



ومرات على ثاني يوم اذا بغيت اسويه بالستريت ارش عليه شويه من الحمايه مالت الشعر



وابدي اسويه بالستريت يطلع عجيب



يعني من اول مره بتحسون بفرق حلو بس داوموا على هالوضع تقريبا شهر



ومتأكده 100% النتايج بتعجبكم على شعركم







وبالنسبه لعلاج تقصف الشعر اللي أزمني سنين



أهو هالزيت البطل



Mira Hair Oil Herbals

أول ماسمعت عنه قلت انا جربت اشياء وايد للتقصف يات على هذا ! نجربه .. ..



طلبته من وحده عندها صفحه عالفيس بوك تبيعه



بس الظاهر التوصيل للكويت بس مو لباقي الدول



بس ممكن اللي تبي تطلبه من مواقع ثانيه أمازون أو موقع mira نفسه



طريقة استخدامه ملعقتين صغار تدهنين فيهم الجذور والأطراف بس



وتخلينه ساعه او ساعتين او طول الليل مثلا وانتي نايمه مرتين بالأسبوع



ويفضل استخدام شامبو فيه مكونات طبيعيه اكثر نفس الشامبو حق مكاداميا



قبل لا أبدي باستخدمه رحت الصالون قصيت أطراف شعري وبديت استخدمه



اليوم اللي كنت احطه فيه كنت أعاني بغسيله لأن مايروح بسرعه



يعني مرات اغسل شعري 3 مرات هااا يالله احس انه نظف



وريحته عاديه مو قويه كلش .. بس الصراحه ماخفف التقصف والتساقط اللي عندي غيره !



اللي انا بعد شهر وشويه تقريبا من استخدامي له أقول حق امي شوفي شعري ماكو ولا تقصيفه



مو مستوعبه هالشي حسيت عمري شي غريب علي ههههههههههههه



هالزيت يصير تستخدمونه على شعر اليهال عادي بدون ماتحاتون مثلا انه ممكن يأثر عليهم



غير جذي حتى اللي صابغه شعرها ممكن تستخدمه بدون ماتخاف ان ممكن لون الصبغه تتغير



الزيت طبيعي 100%



واللي حابه تتأكد عنه أكثر في ريفيوات وايد لأجانب



كاتبين عنه بالبلوقات وحاطين فيديوات عاليوتيوب







والحمدالله خلصت الريفيو حقي احس اني طولت عليكم فيه هههه وقرقت وايد



وان شاء الله انكم تستفيدون من الموضوع



وتحبون المنتجات وتلاقون نتيجه حلوه وتناسبكم نفس ماصار معاي



ونطروني بريفيو يديد ان شاء الله بالأيام القريبه البعيده اذا الله أراد هههههه



تحياتي لكم حبايبي

​

​

​

 

[احساس ملكه]

وهاذى فيديوات فيها تجارب عمليه لزيت


Mira Hair


​

http://www.youtube.com/watch?v=ac0bCrjHYdg&feature=related



http://www.youtube.com/watch?v=KigEXxgLjFI&feature=related

الحين بنااات عقب عالتجارب المشجـــــــــــــعه منو تعرف وين محلات نزيه بالكـــــــويت ؟

وهالزيـــــــــــــــت المعجــــــــــــــزه وين احصل احد يبيعه ؟ :eh_s(22):

​

 

[barbie_girl]

ماعندي فكره اذا نزيه له فروع عندكم

دايم امر من عنده واشوف هالمجموعه اتردد اخذها لان مكوناتها ماتناسب شعري الدهني شكلها حلو للشعر الجاف والتالف

يعطيك العافيه

 

[احساس ملكه]

ال 78 وحده الى دشت ولا علقت عل الاقل رفعوا الموضوع

صج تكرهون الوحده تتعب وتبحث وتنقل وتدور لكم الزين من المواضيع:bbbiu:

 

[احساس ملكه]

ماعندي فكره اذا نزيه له فروع عندكم

دايم امر من عنده واشوف هالمجموعه اتردد اخذها لان مكوناتها ماتناسب شعري الدهني شكلها حلو للشعر الجاف والتالف

يعطيك العافيه

الله يعافيج حبيبتى

وجاااااااااااااارى البحث عن الزيت المعجزه

 

[أم*سلمان]

آب

لعيونج

 

[دروبك يالسهر]

ااااااااااااااااااااااب

 

[ام شريفه]

مشكوره سامعه مدح عليه باليوتيوب بعد

و شفت السيت بصالون كل ديور بالجابريه هم نفس السعر

 

[احساس ملكه]

بناات و تاااااااجرات ابى هالزيت اااذا موجود بالكووويت ابي ووحده تطلبه من برره

 

[احساس ملكه]

ااااااااب

 

[اخت-اخوها]

في صالون بالشعب يسوي جلسات ميكاديميا 5 جلسات 20 دينار صج صج عجيب ما شالله انا مشتركه فيه

 

[فدوووو]

اب اب

 

[فدوووو]

محلات نزيه بالمدينه المنورة والا انا غلطانه؟

 

[مهـآآآآوي]

احساااااااااااس ملكه مشكووورة على الموضوع الرائع ولعيونج غطست واتيت باالتالي الانكم غالين علي

دخلووووووووووووووو ها الرابط ونبي دعوة حلوووووووووووووووة ياحلواااااااااات


http://nazih.com/ar/retail/index.php?country=Kuwait&country_ar=%D8%A7%D9%84%D9%83%D9%88%D9%8A%D8%AA

 

[مهـآآآآوي]

اب اب اب

 

[احساس ملكه]

في صالون بالشعب يسوي جلسات ميكاديميا 5 جلسات 20 دينار صج صج عجيب ما شالله انا مشتركه فيه

شاسم الصالون تكفيييين .

 

[عبقرية]

شفت الموضوع في منتدى شمواه


اشكرك ع النقل​

 

[@عسايل@]

مشكووره غلاتي..*

 

[احساس ملكه]

احساااااااااااس ملكه مشكووورة على الموضوع الرائع ولعيونج غطست واتيت باالتالي الانكم غالين علي

دخلووووووووووووووو ها الرابط ونبي دعوة حلوووووووووووووووة ياحلواااااااااات


http://nazih.com/ar/retail/index.php?country=kuwait&country_ar=%d8%a7%d9%84%d9%83%d9%88%d9%8a%d8%aa

. حبيبتي العفو ومشكووره علي الرابط. 