اقول لهلي ولا أسكت احترت !!!ساعدوني

[على الطيب تربيت]

السلام عليكم


بدش بالموضوع سيدا مدري بتفهمون قصدي او لأ

ألحين تعرفون تمر مشاكل بين الزوجين وعادي هذي ملح الحياة

بس بسألكم لاني بأول سنه زواج ..

إن صارت بينج وبين زوجج مشكله واحترتي موعارفه منو الغلطان ووقف التفكير عندج وضرب مخج وودج تعلمين امج او اختج الكبيره وتاخذين رايها ..


بس في مشكله وهي ان تخافين ان خلاص يظلون الأهل ماسكينها عليج أن رجلج مو زين او مو كفو أو مايستحي ولو شنو سوالج وقدملج من خير وحب وسلام يبقى في نظر أهلج مو زين وبيظلون يعايرونج عليه طول العمر

ويرددون عليج اخاف سوا كذا ولا قال كذاك ....



انتي داخل نفسج تبين حل منهم حتى ترتاحين بس ماودج تشوهين بصورة زوجج عندهم ..

وتخافين امج يفلت السانها وتعلم اختها او صديقتها علبون ثقه وهلم جرا الحريم وسوالفهم ...


مدري شنو السواة .... تخافين تتكلمين ويظل ينظرهم موزين طول العمر

وتخافين تسكتين وتطلعين ساكته على غلط كبير



هايالغاليات فهمتوووني ....

عطوني رايكم ...

 

[اميره1980]

بالنسبه لي مستحيل اقول حق امي او اختي اي مشكلة بيني و بين ريلي الا اذا كان الموضوع عادي يعني اسمها مو مشكلة احب امشي حياتي بطريقتي الخاص الا لا سمح الله اذا وصلت حدها و شغلات ما ينسكت عليها حزتها ادخل الكبار بالعايلة

 

[ترجمة احساس]

رد : اقول لهلي ولا أسكت احترت !!!ساعدوني

حاولي تحلين مشاكلج بروحج لاتدخلين احد بينكم الله يوفقج ويسخر زوجج لج

 

[هاناا]

لا تقولين مشاكلج لاي احد

 

[ضوء امل]

رد : اقول لهلي ولا أسكت احترت !!!ساعدوني

صباح الخير يا حلوه بما انى باجازه وقاعده ومتفرغه وبما ان موضوعج حلو ولطيف حبيت ارد واقول رايي
شوفي حبوبه وعلى قولتج المشاكل هى ملح الحياة الزوجيةوياما بتشوفين بس ياريت تعتمدين على نفسج في حل مشاكلج مع زوجج يعنى مو علي اقل شي تركضين وتشكين للوالده طوفي الشغلات البسيطه التافه لاادققين فيها الا اذا صارت مشكله عوده الله لايقول تمس السمعه والكرامه ولا ينسكت عنها اهنى استعينى باهلج وهذا رايي اتمنى انى فدتج وتقبلى مرورى وحياه سعيده باذن الله

 

[ضايعة بدنيتي]

رد : اقول لهلي ولا أسكت احترت !!!ساعدوني

نصيحة لا تعلمين احد بمشاكلك الا في الشدييييييييييييد القوي .. اما مشاكل الحياة العادية مهما حسيتيها صعبة لا تخلين احد يعرف فيها .. وكلش كلش اذا حسيتي انم محتاجة تتكلمين استشيري احد غريب وعقلاني ويكون موضوعي وما يعطيك حلول بحكم عاطفته مثل ما اهلك بيسوون

موفقة حبوبة

 

[حبـ admant ـك]

حبيبتي تحملي تدخلين اهلج
صدقيني عقب فتره بتجوفين ان المشكله تافهه
تبين تفضفضين كتبي مشكلتج في المنتدى
ولا كتبيها في ورقه وكتبي كل اللي بخاطرج وبعدين شقيها هالطريقه نفعت مع واايد
تحسين ان هم وانزاح
ولا تحطين ببالج هالموضوع تنازلي اذا السالفه ماتسوه
وعيشي حياتج واستانسي

 

[انا لحبيبي .]

رد : اقول لهلي ولا أسكت احترت !!!ساعدوني

على حسب المشكله .. بس كل انسان بكون واقع بمشكله بحس انه هاي المشكله اكبر مشكله

انتي حاولي شوفي الموضوع بستاهل ولا لأ .. واذا ما بستاهل حلي مشكلتك لحالك بدون علم الاهل

واذا بدك رأي حد شوفي اقرب انسان الك وأمين على اسرارك حاولي اطرح حلول للمشكله .. وشوفي احل حل بناسبك

 

[يازمان العجايب]

رد : اقول لهلي ولا أسكت احترت !!!ساعدوني

مهما يصير خليه بينج وبينه
الا اذا فيها اهانة وضرر
تكلمي​

 

[Zaina-al-zaina]

رد : اقول لهلي ولا أسكت احترت !!!ساعدوني

رايي من راي البنات ، لاقولين لاهلج مشاكلج ،،،

انا اول زواجي مريت بمشاكل تعوووووووووور القلب ، وكنت استخير ربي في " الطلاق "
لاني كنت متضايقه من ريلي ، بس سبحان الله عدت الامور ، وكل ما مر بمشكله وتعدي
اقول الحمد الله اني ماقلت لاحد ، واذا كلش ابي استشاره ادخل المنتدى وافضفض او اكلم احد بالموضوع
بس ما ابين ان المشكله مشكلتي ،،،

وترى ما فيها شي اذا بجيتي ، تطلعين شوي من الهم اللي بصدرج ،

وانصحج من كل قلبي بالدعاء وازياده الصلاة والاستغفار ،،،

وانصحج انج ما يطلع من لسانج الا كل طيب حتى لو كنتي معصبه حيل
من ريلج وراكبه الغلط ، لان بعدين راح يتذكرها عليج لا سمح الله ،،،

الله يوفقج ويهون عليج وعلى كل وحده مهمومه يارب .

.

 

[noo7a]

رد: رد : اقول لهلي ولا أسكت احترت !!!ساعدوني

عمري ما تكلمت عن مشاكلي مع ريلي جدام اهلي
عشان يكونون دايما راسمين له الصوره الحلوه
لان مهما كان حتى لو شي تافهه و بسيط الاهل مايرضون على بنتهم و بالاغلب حتى لو اهي غلطانه بينحازون لها

واذا كلش كلش حسيتي انج بتطلعين الي بقلبج حق احد شوفي وحده من اقرب خواتج لج بس امج لا

 

[أنهار الورد]

حبيبتي لا تخلي مشاكلج تطلع برا بيتج حتى لو لاهلج
اصلا حتى لو فيه مشكله بعد ماتجلسي وتروقي فكري بينج وبين نفسج منو الغلطان فيكم وكل شئ له حل
حلي مشاكلج بروحج احسن من يتدخل فيها احد
الله يوفقج

 

[مسس كارميلا]

كلش ولا تقولين لهلج
خصوصا امج بتضل بتشوفه غلطان بحقج على طوووووووووول وماراح تنسى
انا من راي تستشيرين استشاريه
اذا السالفه جااايده مو مشكله عابره
اول شي مو من اهلج ولا تعرفج
وعندها خبره وسرج بالامان
ولا من شاف ولا من دري

 

[مفرفشه عالاخر]

دام خايفه من اهلج وامج ماتمسك لسانها لاتقولين خاصه خواتج راح تحسفييييييييييييين

 

[اشتياق]

عيل قولي مشكلتج اهني وردودنا سداده
على وزن رقبتي سداده خخخخخخخ

 

[!الجادل الصعب!]

على حسب اذا المشكله عجزت آحلها ممكن آستعين بشخص آثق فيه .. !

 

[الجفووول]

بالعكس اذا كانت المشكله مستفحله

مالي الا امي .. وامي حبيبتي دايما تكون محايده وتقولي الراي السديد
لانها تخاف على مصلحتي



بس انا معاج بنقطه انه ممكن يمسكونها على زوجج وياخذون فكره سيئه عنه لانه جرح بنتهم وينسون كل الخصل الطيبه اللي فيه

 

[قهوة عربية]

نصيحة حبيبتي ...لاتقولين مشاكلج لأحد حتى أقرب الناس لج ( أمج وخواتج ....وصديقاتج )

انتي حليها بنفسج أو مع زوجج ....

مو شرط تنحل بيوم أو يومين ....حتى لو تاخذ وقت .....مع الأيام بتنحل وبتنسينها ....

لكن الأهل ماينسون .....



والمشاكل حبيبتي .....إذا ناقشتيها مع زوجج بهدوء وعقلانية ....بتشوفين انها تافهة وماتسوى ...

هي دايما الحياة جذي أول خمس سنين من الزواج ....

ماتكونون خذيتي على طبع بعضكم ....وكل واحد يتحسس من الثاني .....ويحاول يداري شريك حياته ...ليما تألفون على بعض وكل واحد يعرف طبع الثاني ويتجنب اللي يزعله




بعدين لابد تعتمدين على نفسج في حل مشاكلج وتدبير أمور حياتج ....مو كل صغيرة وكبيرة تقولينها لأهلج

باجر ماراح تقدرين تعتمدين على نفسج أو احساسج أو عقلج ....وماراح يكون عندج رد فعل طبيعي أو تصرف لأي أزمة .....

بتصيرين كله متكلة ان أهلج أو صديقاتج بيحلون مشاكلج ...


حبيبتي ....باجر بيكون عندج عيال ومسؤولية وتربية وبتواجهين مشاكل كبيرة ....تتطلب منج حلول سريعة ومواقف حازمة ....خصوصا مع تربية الأولاد الله يحفظهم ....


وإذا تعسر عليج شي ....ممكن تطرحين مشكلتج هني بالمنتدى والاخوات ماراح يقصرون .....على الأقل مايعرفونج ...ولايعرفون هويتج ....يعني مافيه احراج لج أو عليج ....


موفقة عمري

 

[ام الوردة]

البنات ماقصرواااا

 

[مزاجية 333]

الجي الى الله هو خيرررررررررر معيين يارب تتسهل امورج مع زوجك