اقساط الغانم .. ؟؟ .. صج ؟؟

[هــلا الكويت]

السلام عليكم

بنات انا سمعت ان الغانم مسوي عرض الحين

تاخذين الشغلة منهم اقساط بقيمتها فقط من دون فوائد عليها

يعني مجرد انج تقاسطينهم على راحتج خصوصا الموبايلات .. صج هالكلام ؟؟؟

جربتوهم ؟؟ ​

 

[~ غـــيـــر البِشـــر }}]

اي رحتهم قبل اسبوعين كان ها العرض مدري خلص ولا لا

 

[أم رفيف]

اي حبيبتي العرض حلو شفتهم من أسبوع فالأفنيوز

 

[ليالي العمر]

العرض موجود للحين واعتقد راح يطول لان بدولوا حتى ملابس العمال كلهم

يعني الاقساط يدون فوائد

واول دفعة بعد 6 اشهر

ولما تشتري فوق ال50 دينار تربحي كوبون مشتريات بعد

يعني روعة و

واليوم ان شاء الله راح اروح انا واختي نشتري لابتوبات

 

[**(فـيـلا دانـتـيـل)**]

حبيبتي الفايدة طايحة بالديرة كلها
اولها البنوك
يعني اول تاخذين قرض مثلا 15 الف
مع الفايدة يصير 21 الف تقريبا

اما الحين إذا تاخذين قرض ب 15 الف
مع الفايدة يصير 17 ونص بسسسسسسسسسسسسسسسسسسس!!!
الفايدة وايد طااااااااااايحه
وهذي فرصه للي يبي يشتتري عقااار
<<<

 

[اريج الكويتية]

واالله كله جذب بجذب ما كو فايدة من كلامهم يفكرون بالربح وبس يقولون الدفع بعد 6 اشهر وست اشهر من غير فوايد ولا اقساط شكو ولا شي يديد غير انهم اخرو الدفع ولما تتبدين الدفع يدفعوج بفايدة ترى الفايدة عندهم توصل 39% يعني ربا بربا

 

[هــلا الكويت]

اي انا سمعت ناس قالو نفس كلام اريج عشان جذي بتاكد .. ابي منو جربهم فيكم ؟؟ شنو شرت ؟؟ و بكم طلع عليها ؟؟

 

[بطة الزلبطة]

والله حبيبتي السالفة كلها نصب انا توني ماخذة منهم تلفزيون سعره النقدي 286 وقالولي اذا بتدفعين كاش لازم قبل لا تخلص ال6 اشهر ادفع 380 لاحظوا ان ماشالله بدون فوايد عيل لو بفوايد جم ادفع واذا مروا ال 6 اشهر راح تقسطين المبلغ وكله يصير 420 دينار ولما سالته شلون تقولون بدون فوايد عيل هالزيادة شنو قالي احنا ناخذ 40 رسوم المعاملة والباجي مادري شنو خربط فوق راسي ووالله لو ان مو ضروري لاني مسوية داري سبرايز حق ريلي اللي كان مسافر جان ما خذيته وسلامتكم

 

[ندى ودموع]

ماحب الغانم ,,

ولا احب اشتري شي بالاقساط

الكاش اريح

 

[keka89]

واي نصابين