اقروا مششكلتى وساعدونى الله يساعدكم

[بطة فوشيه]

مسسساء الخير
كيفكم بنات اشتقت لللمنتدى موت الله لاايحرمنى منكم
بنننننننننننننننننات انا مرررررررره متضايقه انا سبق وصارت معي مشاكل مع زجي على شات ومسن ومكالمات بعدين تفاهمنا ورجعا اوكي الحين انا حامل وكلة اشوفه يتهرب مني ويقول نامى ارتاحى عند اهلك حسيت الموضوع في شئ ومرا قلت مراح انام وعصب وجيت الشقه قعدت طول الوقت على اعصابة وزهقان بعدين دخلنا ننام ماحسيت باول الفجر الا لحالى ب السرير قمت رحت ورة مياة الا اشوفه قاعد ب الصالون ع الاب توب ومندمج وعيون حممرا من قله النوم قلت شفي قال م جانى نوم وقمت بعدين قال وحى نامى قلت طيب شوى قعدنا دقايق الا جواله يرن وقال رجعى نامى وتركني وطلع الا الظهر حي اقتهرت ليه يعني وبعدين جلست وكذا مو معطتة وجه ولاسويت اكل وحس واقهر وقال شفيك قلت ليه انت تسويكذا انت رجال متزوج ليه تدخل شات ومسن واذا جي تسكرهم وبرن جوالك قال م في شى وقمت اصرخ وعصبت وشديتوقلت بقول لاخوى قال لا بقولك كل شى انا اسوى كذا احميك هذول من قبل الزواج اعرفهم وهم يعرفون بيتنا لو تركتهم بيفضحونى استحملينى بتركهم ةانا من قال كذا انا منهاره وكله افكر تونى بالشهر الرابع وتنزل معى مويه من التعب والتفكي قمت ارهق نفسي بشغل البي والكليه عشان مافكر واتعب وش تسوون لو انكم مكانى تكفوون تعبت احس مافى حل

 

[الوردة المكنونة]

والله لا تعبين نفسج ولا شي هدي اعصابج وريحي كثر ما تقدرين ترى الريال ما يهمه الا نفسه وخرابيط الماسنجر والنت مرده يمل منهم واغلب الرياييل عندهم هالشغلات

 

[مدمنــــة قهــــوة]

شوفي حبيبتي

انتي حامل وموزين لج التفكير والتعب والعصبية وخاصة ينزل عليج ماي

ولا عصبتي ولا انقهرتي ماراح تنحل المشكلة

اهوا قالج استحمليني شوي ماعليه نطريه للاخر يمكن كلامه صح

وكل شي بالتفاهم ينحل ،، وقوليله يراعي مشاعرج خصوصا وقت الحمل

ولا تظلين تهددينه باخوج كل شوي لانه بيزهق وماراح يعتبر لج اعتبار

الجأي لهالشي لازاد عن حده وتطور لان كل الرجاجيل جذي ماسنجر وشات وما يهمهم شي

والله يصلح مابينكم يارب

 

[Mjnont '3lay]

حبيبتي انتي حامل لازم تكونين بفترة نقاهه فكري في نفسج وفي اللي ببطنج وبسسسسس
نصيحه مني لج اذا مو قادره تسكتين وتهدين بالج وما ترهقين نفسج مني لي يوم الولاده روووحي بيت اهلج اجلسي فيه لين الولاده وببيت اهلج استخيري وفكري عدل شنو رح تسوين وعطي زوجج فرصه اما يتعدل او تدخلين اخوج الكبير او ابوج بالسالفه يتفاهم وياه بس حاليا لا تفكرين بشي ابدااا واذا التفكير وتصرفات زوجج تاعبتج روحي مثل ما قلت لج اقعدي ببيت اهلج لين موعد الولاده وبعد النفاس خلي زوجج يجي عندكم البيت واقعدي انتي وياه وتفاهمو اما يترك طيشه او يتركج ببيت اهلج انتي والبيبي ويعيش حياته وساعتها خلي الرجال من اهلج يتصرفون بالموضوع ويتفاهمون مع زوجج

 

[ككوته]

حبيبتي لاتفكرين بنفسج بس وبزوجج انتي اللحين مسؤوله عن روح في بطنج راح تتحاسبين اذا صار فيها شي اما مشكلتج مع زوجج ان شاء الله ازمه وتعدي وعلى قوله البنات اغلب الرياييل عندهم هالسوالف وبالنهايه بيمل

 

[Omhamood]

استغفر الله الله يسهل الامور

اب

 

[شهد العسل ومر]

رجال هاذولا هم يقهرون دايم نسامحهم على غلطاتهم لو وحده فينا تغلط غلطه باهله ولا شي قلب الدنيا فوق راسك

 

[امـ خــزامـى]

ياقلبي الله يهووووون عليك ويسر امورك ويسخرلك

شوفي ياقلبي صارلي نفس حالتك باول زواجي بس انا يوم شفت الوضع اجلت الحمل عشان
مااظلم نفسي واظلم البيبي اللي بينولد باسره متفككه

اللي بخختصره لك والفائده من تجربتي ان الحمدالله بصبري واصراري وتحملي كسبت المعركه
وفزت على بنات ابليس
وللمعلوميه ترى انا كان فيه كذا بنت من اقاربه تخيلتي الوضع كيف

انا كان يحبني بس انا خليته يحتررررررمني اكثر
يعني صرت اذكره واحرصه على صلاته وترى هذي اهم نقطه
واراقبه من بعيد من غير لايحس
ومااعطيه فرررررصه ابد يختلي بروحه
لاتفكرين ابد انك تغصبينه وتجلسين وانت مكشره وتحسسينه انك مسويه حضر تجول

لا كل يوم سوي اكشن وحركه جيبي بلايستيشن وحاولي تلعبين معاه اي لعبه حماس ويحبها
طبعا غير الكوره لان مستحيل يقتنع ويلعب
وابدأي انت بالعب لاتقولين وش رايك نجيب ونلعب لا انت اشتري والعبي وبحماس يوم يومين الا تلقينه جالس
معك يلعب

ومره اذا مليتي من البلايستيشن تابعي مسلسل اجنبي يكون اكشن وعصابات يعني شي ممكن يتحمس له
او فيلم رعب او دراما تسوين لك جو تسكرين الاضاءه وتحطين مكسرات وشاهي
ولا بارد وكيك وشيبس اللي تشتهينه او بالاحرى اللي هو يحبه

واذا تعرفين لعبة الورق الاونو
اشتريها وفي يوم قببل لايجلس على اللاب تبعه على طول جيبيها وقولي بنلعب اونو
بس اللي يخسر ينفذ اي طلب للفايز

انت بكل الاحوال اشغليه بالاكشن والحركات اللي فيها حماس واكل

واشدد على نقطه بكل الاحوال خليه يحس انه انت حابه تلعبين او تتفرجين وان بتدلعين عمرك وبتتستانسين

انتبهي تبينين له ان كل هالاكشن عشان تلهينه

يعني اذا رفض يتابع الفيلم انت كملي تابعي لحالك وحتى اللعب بالبلايسيشن
خليه يتاكد من نفسه انك انت بجميع الاحوال مستانسه ومتحمسه ومدلعه نفسك

وبكذا وربي بينسى اليوم اللي مسك فيه هالطريق

ونصيحه اخيره

لو اتبعتي هالطريق واستفدتي وترك خرابيطه تااكدي ان لابد في يوم بيتصلون عليه او بيفتح المسن وبيلقى احد منهم شابك
بيسولف معهم بس انت لاتتحطمين
لان هذي اهم مررررحله ولازم تتحملين
اذا كلمهم بيحس انه مراهق وبيتفشل من نفسه وبيااأنبه ضميره
وثانيا بيعرف تفاهتهم وكيف انهم بنات رخيصات ومو محترمات


ومبروووووك حبيبتي اذا عدت هالمرحله زوجك بيكون لك ومااحد يشاركك فيه
وبالعكس بيحببببببببببك وبيحترمك اكثر واكثر


لاتنسيني من دعواتك حبيبتي

 

[وردة وطني]

حياتي انتبهي لنفسج ولي بطنج اغلب الرياييل جذي الأمن رحم ربي

وصدقيني بيتعدل ريلي كان جذي وعطيتها طاف


بيملون منهم


وراح تذكرين كلامي بعدين
بس انتي صبري وصيري مراءه ناجحه
اهتمي بنفسج وكل شي يتعلق بالعلاقة الحميمه

بالتوفيق

 

[Perfume]

يمممه منهم هالرياييل من وين يطلعون الاعذار والتبريرات
حبيبتي مالج الا الصبر لانج حامل ومو زين لج الزعل وطبقي كلام ام خزامى والله يسخره لج
واذا مافي فايدة دخلي ابوج او اخوج يتفاهمون معاه

 

[Patcholli]

موتني من الظحك ريال طول بعرض وخايف من الفضيحه ..!!!
شالزمن الوصخ اللي صارت المره اهي تشرشح الريال ؟؟ وتهدده ؟؟
حبيبتي يجذب عليج يوم هددتيه باخوج ألف هالفلم ؟
وخايف ينفضح جدام منو ماهو خلاص فضح عمره جدامج وانتهى الموضوع :/

 

[ديانا سبنسر]

مع باتشولي حبيبة قلبي

 

[غلاي رورو]

الله يساعدهم البنات ماقصروكلامهم يشرح الصدر


مصيره بميل ويرجع لك بس لأتهملينه فترة حملك

 

[قلب الزعابي]

شو هالاعذار اللي يطلعونها
ياربيه كله خيانه في خيانه
يوم بعده مراهق ليش يتزوج ويلعوز بنت الناس
حسبي الله ونعم الوكيل
كلهم خونه وجذابين

 

[بنوتة ذهبية]

مع ام خزامى

 

[بطة فوشيه]

اه بس يابنات مشكورين كل اللي ردوا

طبعا حاليا ببيت اهلى اتصل وقال جهزى بعدها قال لا نامى قلت ليه شعندك قال الا طووووووووووووووط
طبعا انقهرت ممممممممممممموت م احب يسكر بوجهى اتصل 5 مرات م رديت بعدين رديت وصوتى صياح قال خلك ببيت اهلك قلت طيب وينك قال انا بديوانيه وانا اسمع صوت عصافير شقتى وصوت نغمة الاب توب توة يشتغل قلت شعندك ليه كذا قال انتى معقدة يطقونك اهللك وتدقين تصيحين على مانى فاضي بستانس بهاليوم بديوانيه روحى رقدى بس وسكرت بوجهه
قسسسسسسسسسسسسسم منقرهه حسبي الله

 

[اميره^_^بحلآها]

الله يعينج عليه

 

[كارلوفي فاري]

اختي لا تعبين نفسج معاه اللحين خصوصا وانتي حامل. وزوجج عايش كذبه ومصدقها. وبعدين انتي ليش تدورين من وراه وتتوبعينه اليوم يتصنع الكذب بكره بيقولج كيييييفي وطقي راسك بالطوفه لانه هذا ادمان وصعب بالسهوله يوقف عنه
انتي اشغليه معاج. ولا تكثرين روحات عند بيت اهلج واختلقي اي مشاوير واعذار علشان تقعدين معاه وخلي في البيت جو ضحك وفرفشه مو يجوز كثرة تشكيج من الحمل خلاه يدور على الفرفشه مو قصده يخون. مو يمكن يبي وحده يسولف معاها ويضحك
اخذي الامور بهداوه ولا عاد تحاسبينه وسوي نفسج كانج ماتشوفين وادعي له بالهدايه

 

[PuPa^^SWeeT]

اول شي لاتنامين ببيت اهلج



و قولييله اوكي بستحمل بس لما اووولد



ابي كل شي يكوون اتم التمااام و لا خلاص



و سالفة يدلون البيت بيفضحونه




و سالفة يدقون عليه



خل يغير رقمه



ماهي صعبة تراا