اقروا سالفتي مع فلوس الخدمه بالمطاعم وتعلموا عشان محد بعد ينصب عليكم

[Hello_kitty]

السلالالالالالالالالام عليــــــــكم


طبعا كلنا ندري ان الكويت الحمدلله ما فيها قانون للضرايب ولا نتعامل بالضرايب..

وكلنا سمعنا ان المطاعم لازم ما تضيف فلوس الخدمه على الحساب والا تتعرض للمخالفه

لكن للأسف احنا تعودنا لما نشوف الفاتوره ان ندفع ونستحي وما ناقش وندقق وراهم مهما

كان ضريبه الخدمه مرتفعه ..

والمطاعم استغلوا هالشي وقاعدين يضربون علينا فوق قيمه الحساب وكل مطعم على كيفه اللي 15% واللي 20% والعداد على ظهرنا..

المهم امس رحت مع ريلي نتعشا مطعم مشهور ومعروف حيل واسعاره موهينه ..وبالفاتوره طلع حاسبين قيمه الخدمه مرتين..

ولما نادينا مدير المطعم عشان ننبه نبين له اصلا مو من حقهم قيمه الخدمه وهالشي مخالف..


طبعا لا تشوفون ويه المدير والله العظيم قام يقط الوان مو عارف شنو يقول قام يتأتأ اول شي قال اهي اهو مخالف اذا ماكان مذكور بالمنيوووو!!

قتله حتى لو مذكور بالمنيو هالشي مخالف انه يصيرلي واحد منصبه كبير بوازره التجاره واعرف هالشي ومتأكده منه امبيه قام يبلع بريجه يقولي اي احنا سياسه المطعم اذا الزبون اعترض على قيمه الخدمه نشيلها عنه؟؟

نعم شنو هالنصب اشكرا والزبون اللي ما يتكلم او ما يدري ان مو من حقكم الخدمه تنصبون عليه يعني مووووو حراااام؟؟

قتله نقدر ناخذ الفاتوره ونروح فيها قسم حمايه المستهلك اهو شصار فيه خلاص الحين نشيلها عنكم وحالته حاله وقعد يعتذر ساعه رايح وراد علينا..

والله حيل انقهرت موووو شويه شنوووووو هالنصب يعني احنا الكويتين معروفين اذا مو يوميا نروح المطاعم والكفيهات 24 ساعه متروووسه وفوق ما اسعارهم مرتفعه طايحين علينا نصب

والخدمه سعرها موو هين بعد!!

حبيت انبهكم لأن بس يكفينا استغلال ونصب من كل مكان على بالهم الكويتي برميل نفط يمشي الله يفكنا من شرهم ويحمينا من حسدهم


اللهم بلغت اللهم فاشهد

 

[الأميرة جوري]

شسم المطعم ؟ يمكن الحين يشيلها مره وحده بعدج

 

[ام يوسف القمر]

والله زين سويتي الله يعطيج العافية بردتي جبدي فية والله صج نصبونا المشكلة نصب عيني عينك بس يليتج تقولين شنو اسم المطعم علشان ننتبة

 

[Q8_QT]

حسبي الله ونعم الوكيل صاجة والله وزين تسوين
وللأسف أغلب المطاعم يسوون جذيه

 

[(*ام عهــــد *)]

زين سويتي فيهم
ومشكوووره على التنبيه

 

[Snow-White]

اي ولله صاجه بوق اشكره عيني عينك واحنا ساكتين حتي سالفه alMini Charge مو قانونيه وهالكافيهات طايحين فيها ومحد يتكلم

 

[om.aboodi]

والله ماشرهه على المطاعم الاجنبيه اشره على الكويتيات والكويتي عيال ديرتي ويبالغون وينصبون قلنا اشوه طلعوا عيالنا وينافسون هالغرب ويطيحون حضهم صارو العن منهم

 

[Hello_kitty]

مشكووورين كلكم على المرووووور وصدقوني بنات لو ان هالشي مو من حقنا واهم عارفين انهم مخالفين ومو من حقم ياخذون

قيمه الخدمه جان مو بهالسهوله يشيلها ..

انتو خلكم واقين بنفسكم ولا تسكتون عن حقكم وقولواهم بتاخذون الفاتوره قسم حمايه المستهلك وفوا شنو يصير فيهم

 

[انوثة من حرير]

نصب عيني عينك بس زين سويتي عندج مرة تغديت بالافنيوز انصدمت بالفاتورة عاد ما طلبت شي وايد والمبلغ مبالغ فية حدة قلت لو اني شارية جنطة ابرك لي

 

[أم عمر]

ويه واحنا ياغافلين لكم الله

تسلمين عالتنبيييييييييييه اختي

 

[(رنين)]

يعني الحين الخدمه ماعليها شي سواء اي مطعم أخاف أقول جذي و يزفوني
و مشكوره

 

[Hello_kitty]

مشكوورين بنات ومثل ما قتلكم انتوا بس خوفوهم انكم بتاخذون الفاتوره وتودونها قسم حمايه المستهلك شوفوا شنو يصير فيهم

ودايما دققوا وراهم بالفواتير ترى يتغافلووونكم

 

[شهرزاد الحكاية]

صاجه رنين انا استحي اخاف اقولهم مثلج ويزفوني

حسبي الله ونعم الوكيل وين وزارة التجارة عنهم ؟؟​

 

[كويتية82]

اول مره ادري ان السيرفس ماعليه فلوس مشكووووره عالتنبيه
المشكله سيرفس المطاعم مقدور عليه بس مطاعم الفنادق شي وشويات
وعلى قولة البنات خوفج اناشبهم يحرجونا بالمطعم جدام الاوادم ماتسوى علينا

 

[درر2008]

شلون انتي متاكده ان لازم مايحطون خدمه يعني بس ندفع فلوس الاكل بس اذا جذي ليش حاطين تسعيره للخدمه اشكره شلووووووووووون فهميني اكثررررررررر يعني اذا رحت بس ادفع فلوس الاكل

 

[لبنه بالزعتر]

انا اول مره ادرى انه فلوس الخدمه ممنوع طول عمرى اذا رحت انا زوجى مطاعم ندفع السيرفس
زين يعنى مره ثانيه ما ادفع

 

[المـــهـــره]

اناا كلش ما ادقق بالفاتوره ادفع وامشي بس لازم الواحد يجيك مرات يصير في تلاعب ونصب وحنا ع نيتناا

 

[ميشووو]

اول مره اعرف هالموضوع



لاهنتي قلبي

 

[MN.collection]

جزاك الله خير

 

[أم حسيب]

اللي اعرفه ان بالفنادق تدفعين فوق ثمن الاكل بالمطعم تدفعين ++ يعني زائد ضرائب وزائد خدمة
بس فعلا على قولتج ان الكويت مافيها ضرائب لكن بالنسبة للخدمة عادي
والله أعلم