اقدر اصير مدرسة بطريقه اخري !!

[سارووونة]

السلام عليكم شلونكم بنات شخباركم
بغيت اسال بس اناا شهادتي الثانوية صار عليها سنتين وانا ادبي 72٪ و توني تخرجت دبلوم نظم معلومات
ICT من كلية بوكسهل فياريت تقولولي اي طريقة تخليني اصير فيها مدرسة اذاا امكن ،، ياريت تعطوني الحلول:eh_s(16):*

 

[ليتني مـآ كبرت]

يمكن التربية الاساسية تقبل نسبتج

تأكدي شوفي


بس جامعة الكويت كلية التربية لأ مايقبلونج

نسب القبول للتربية حيل مرتفعة



شوفي ياقلبي دام أحلين اساسا وقت تسجيل

لاتضيعين الفرصة اسألي وتأكدي



بالتوفيق

 

[أبله أريج]

عيدي رابعة ثانوي

 

[سارووونة]

التربية تقبلني موسيقي بس ،، ماينفع موسيقي و اكيد مايصير احوول بسال و الله كريم *

 

[سارووونة]

اعيد رابعه ثانوي فكرة صعبه شووي علي ما عيدها يبيلي سنه و اذا تخرجت و يبت نسبة اقدم بعدها ٤ سنين هذا غير ال ٣ السنين الي درستها ا بوكسهل حتي الطب ماا وصلت هالاسنين *يبوووووي شقي شقي ،، نسال و منكم نستفيد

 

[رحيل المرافيء]

كملي بالتربية الاساسية يحسبون لج السنتين وتكملين ثالثة ورابعة
سألي الحين قبل لاتروح عليج السنة

 

[سارووونة]

مايصير

 

[رحيل المرافيء]

ليش مايصير عادي كملي تربية حاسب الي نفس تخصصج

 

[طموحه بزياده]

موفقه


ماعندي فكره


بس انا اعرف ناس تصير عادوا رابعه ثنوي وجابوا نسب عاليه ودشوا تربيه الجامعه وهما ماخذين دبلوم بعد الثانوي

 

[سارووونة]

مشكوورين عالردوود ماقصرتوا و ان شاءالله خير :$

 

[ҒŸoŋқA]

بالتوفيق...

 

[اشلون يعني &]

حبيبتي اذا انتي دبلوم مالج امل تتعييين معلمه
الا اذا كملت بكلريوس

 

[أميرة-]

تربية أساسية ماتعادل لج المواد

أما أنج تعيدين الثانوية أو شوفي الجامعة العربية يمكن يقبلونج

 

[miss_uk]

تربيه اساسيه للشهادات القديمه اللي قبل ٢٠١٠ القبول ٨٠٪

 

[أبله أريج]

عيدي رابعة ثانوي