اقدر اشرب دارسين ؟

[احلى ديما]

مساكم الله بالخير
بنات انا هاليومين ادش الاسبوع.37 قبل جم كان موعدي وتطمنت على وزن البيبي وودي.اولد بصراحه لان حدي حدي تعبت ووراي دوام ماني عارفه اداوم الله يكون بالعون
المهم بسالكم اقد اشرب دارسين وهالسوالف عشان يفتح الرحم ؟؟
ابي شي يسرع الولادة غير التمر لاني ماحبه
ومشكورين مقدما

 

[ملاك ^ الحب]

لاتشربين شي. والرحم مو مفتوح ديري بالج

البيبي راح يتعب


انا في بنتي سويت كل شي ما ظل شي ماشربته وكل شي سويت معني مفتوحه سانتي

ودخلوني المستشفى نبض البيبي ضعيف ولدوني فتح بطن


ما يخالف نطرتي كل هالاشهر نطري بعد اسبوع او اسبوعين

وماعليج من الي يقولج شربي

عندج التمر اكليه مع هرده اذا ماتحبينه خالي. وحيلج بالجماع ترى يفتح الرحم

 

[جذابه بنت ذيابه]

نصيحه لا تشربين شي

يومه مكتوب متى ما نزل نزل .. و عليج بالتمر والرطب

 

[أم معاذ الكندري]

نصيحه اختي لا تشربين شي
كل شي بوقته
بس انا سمعت عن الرطب

 

[رووو الروح وووح]

اختي شربت دارسين بالتاسع ليما قالت بسومشت وااايد يوميا
واخرتها ماولدت الا اخر التاسع
يعني الدارسين خرطي هو سبحان الله اذا الله رايد
انه يطلع بهاليوم يطلع انا بولدي ماشربت ولاشي
وجاتني الولاده باخر ثاني اسبوع بالتاسع

 

[zain-alq8]

بنات اشفيكم الدارسين والرطب ماياكلونه الا وقت الولاده لانها يسهلها علا فكره والسيده مريم ماكلت الرطب الا لما جالها المخاض

 

[sharoo_e5]

انا جربت شى وطلع صح 100%

وكل ما جربتها احس بالطلق يجي

 

[ام الحلوااات]

اللـــــه يــــســـهــــل عـــــلــــيـــــج

 

[@ الجوري @]

لاتحاتين تو الناس عليج
سئلي دكتورتج اذا تقدرين تشربين خروع
لانه انا في ولدي دكتورتي فوزية القطان ابآخر اسبوع من
قالتلي اشرب خروع مع عصير المانجا
بس الاخف يكون مع عصير برتقال

والله يسهل عليج يااارب

 

[@ الجوري @]

آخر اسبوع من التاسع **

 

[احلى ديما]

بنات ماقصرتوا.عالردود بس ترى والله ثقل التاسع وتعبه موووطبيعي حتى النوم بالحسرة وان نمت اختنق من الثقل ومن بطني
sharoo حبيبتي قوليلنا شنو اللي تسوينه ¿

 

[zain-alq8]

جربي حركه القرفصاء جنه قاعده بحمام عربي وايد تنفع واكليلج اناناس طبيعي كل يوم ومشي هذا الاشياء تجيب الطلق ومامنها مضره مثل الخروع والشغلات الثانيه

 

[غرام القمة]

الله يسهل عليييييييج ياااااارب

 

[virgo88]

الله يسهل عليج يارب


اب اب

 

[أمونيتا ~]

الله يعيييينج

بس انا سمعت انه مو زين تشربين دارسين وحتى الخروع اسألي الدكتوره احسن ..

و قولي يارب وادعي وان شاء الله تولدين بالسلامه يارب​

 

[kuwaitiya_84]

حبيبتي خلج على الله انا شربت يومين دارسين ولا صار شي خلج طبيعي نصيحه والثقل خلاص بتفتكين منه وعلى فكره ترى رئة الجنين ماتكتمل الا بالاسبوع ال ٣٨ ولا تستعيلين