اقتراح Book club

[kikoo]

ليش هل القسم ما فيه تجمع لنادي القراء

انحدد كتاب كل شهر

ايكون كتاب هادف والافضل روايه لها معنى
ونتناقش فيها اهني يعني انحدد هل الاسبوع ايكون من الفصل الاول الى الخامس

ونتناقش

ولمن انخلصها ننتقد النقاط الايجابيه والسلبيه

لأنه أنا وايد متأثره بنوادي القراءه الاجنبيه واطمع انه ايكون عندنا شي ودافع ايشجعنا على القراءة

 

[Nokia N95]

وانا اول عضوة بالنادي ...

 

[شوشوا]

انا معاااكم

 

[Shade]

أنا معاكم واتمنى نناقش كتاب المبدع عبدالوهاب السيد (في الجانب المظلم)

 

[مـ سهله ـو]

وانا بعد معاكم


شادي يالله احلى شي الصراحه قصة خالد سليمان أخوة الدم بس استغربت من قصة سالم العيوز احسها مو داشه مخي :|

 

[Eng.shosha]

وانا بعد معاكم


شادي يالله احلى شي الصراحه قصة خالد سليمان أخوة الدم بس استغربت من قصة سالم العيوز احسها مو داشه مخي :|

:dddds: نفسي لما قريت آخر قصه ما توقعت يكون بمكان بره الأرض .. بس والله مبدع مشالله
يعني شلون يابها ؟! بداية القصه كل ماكو شي يدل ان ممكن يكون بكوكب ثاني ؟! :ggdw:


يعطيكم العافيه وانا معاكم بالناااادي :ggdw:

 

[^^نـــواره^^]

انا كلمت المشرفتين الحلوتين بهالموضوع ،، وقالوا بيدرسون الموضوع علشان نطبقه كنشاط للمنتدى

وطبعا انا اول وحده فيه

 

[kikoo]

بنات وايد استانست من ردكم لقتراحي ومشكورن وما قصرتوا على هل التشجيع

الكتب اللي نختارها لازم اتكون يديده مو كتاب أنتوا قارينه علشان نمشي فيه جابتر جابتر

أشرايكم بكتاب أسمه ذا سيكرت السر اتحصلونه بجرير

وشروط اختيار الكتاب انه ايكون كتاب له صدى
وكتاب ايوافقون عليه أغلب العضوات
وبعد سعره معقول لأنه في كتب صراحه غاليه أذكر روايه شفره جافينشي سعرها ب13 دينار

وبعد ما نشتري الكتاب انحدد تاريخ لبدايه قراءته وايكون في جدول ثابت في بداية الموضوع أسم الكتاب وسعره و من وين ودار النشر
والتواريخ وتوزيعه الفصول ملوت الكتاب


أشرايكم بنات ؟؟؟؟

 

[^^نـــواره^^]

اوكي حلوووو بس جان زين 3 بنات يقترحون 3 كتب ويصير تصويت على كتاب واحد وجان زين ننوع بين عربي وانجليزي انا حاليا عندي لستة روايات best seller ماخذتهم من جرير واسعارهم حللللللللوة يعني ما اكثر من 5 دنانير

 

[kikoo]

هذي صورة الكتاب والكتاب مترجم عربي مو أجنبي
وفي كتاب ثاني توني أدري عنه تعليق وشرح لهل الكتاب مألفه العجيري
أسمه خرافه السر وصراحه ما كنت أدري عنه بس توني أشوف البوستر ماله بالنت

أكيد نواره لازم نقترح أكثر من كتاب وانقرر تالي نبدي بالكتاب

جان زين اتحطين لنا اللسته مالت جرير

 

[أشبـاهـ المطـر]

خووش اقتراح وانا معاكم بس ماادري مو داش بالي كتاب السر مع احترامي للاغلبيه بس انا قريت نبذه عنه

فلسفه وكاتبه حيل متاثره بعلم الطاقه والبرمجه العصبيه

مادش مزاجي على العموم الراي للاغلبيه واتمنى تتقبلون وجهة نظري برحابه صدر

 

[zoozoo]

ونااسة خوش فكرة انا معاااااكم

كتاب السر انا قريته يشوق وااايد حلو و صج له فاايدة لما تخلصين بتحسين نفسج غيير

 

[kikoo]

بنات اللي تبي تنظم معانا هذا الشعار حطوه بتوقيعكم سوته العضوة نوراة جزاها الله ألف خير

 

[kikoo]

خووش اقتراح وانا معاكم بس ماادري مو داش بالي كتاب السر مع احترامي للاغلبيه بس انا قريت نبذه عنه

فلسفه وكاتبه حيل متاثره بعلم الطاقه والبرمجه العصبيه

مادش مزاجي على العموم الراي للاغلبيه واتمنى تتقبلون وجهة نظري برحابه صدر

بالعكس نبي اراء ونبي اقتراحات حق كتب وانسوي تصويت

 

[^^نـــواره^^]

يالله بنوتات بس ناخذ موافقة المشرفات ،، راح يبدي ال Club بشكل رسمي باسرع وقت ممكن ان شاء الله

كل وحده تجهز اسم كتاب معين ودها البنات يقرونه علشان نصوت ونختار كتاب

 

[بدوره 22]

الله والله انها فكره وايد رااااااااقيه وانا بعد معاكم ..تحبون نختار شنووووووو؟؟

 

[miley]

مشكووووووووووووووورة lillith على هالفكرة وفعلا احنا نبي هالتجمع

وبصراحة ردود العضوات تشجع

انا معاكم وان شاء الله تقبلوني

شنو تختاررون كتاب نتناقش فيه ؟؟

موفقة ..

 

[kikoo]

أختاروا بنات أي روايه تعجبكم أهم شي اتكون يديده أصدار يديد يعني مو شي قديم علشان أنكون مودرن لوول أشاريكم
نبي اقتراحات انشالله بحط لكم لستات حق الكتب قريب بس اترجم اللسته واتأكد من توافر الكتب

امم اشرايكم بكتاب 17 بما أنه يديد للكاتب المهندس عبدالوهاب سيد الرفاعي

بنات نبي تفاعلكم معانا واقتراحاتكم للكتب

 

[miley]

انا بعد اقترح نتحجى عن كتاب 17 للمبدع عبد الوهاب السيد شرايكم بنات ؟؟

 

[kikoo]

اقتراحج بنحطه انشالله وانشوف شنو اكثر كتاب يطلبونه البنات

تسلمين مايلي نبي تفاعل منكم بنات