السلام عليكم
بنات انا عندي اقتراح .. و يا ليت يوصل للمسئولين في وزارة (لا حياة لمن تنادي) وي .. قصدي وزارة (لقد أسمعت لو ناديت حيا)
بخصوص البرامج الاذاعية
انا وحده كنت أعاني من البرامج الاذاعية مثلي مثل أي مدرسة في وزارة السعادة
اليوم اللي يصير فيه دوري أقدم البرنامج تصكني الغلقة .. و ما يبقى احد ما اتهاوش معاه :rerrerek: .. من خداماتي و عيالي .. لي ريلي .. لي ولد جيرانا اللي يلعب بحوش بيتهم و ما يدري وين الله قاطه .. باختصار أعفر بالأمه :rgewrg: (ما تسوى على فريجنا هالبرنامج .. طلع من جبودهم ذيج الليله)
هذا بالاضافه الى العبء المادي و خصوصا اذا كان برنامجي اخر الشهر و أكون مفلسة :eh_s(2):
طبعا هالشي ما يصير مني و الطريج .. ماني مينونه عشان أمشي و أتهاوش مع الأوادم .. لأ .. لكن يوم البرنامج الاذاعي لازم أفزع من فير الله .. و أجهز شغلي و أحاتي البنات اللي مدربتهم بيغيبون و لا بيون .. و أطق الباب على الحارس يفتح لي باب المدرسة الساعة 5 (بعده ما طر النور باسم الله) .. و أفكر طول الوقت و عقب محاتاتي بالليل و اني ما قدرت انام و ان وراي حصص و متى بخلص هال16 حصة اللي عندي بهاليوم الفضيل المبارك (لا باركت بالعدو)
و متى بروح كل حصص الاحتياط الي بيعطوني اياهم .. و لا متى بأرصد درجات امتحان امس.. و لا متى اودي بنات الصف إلى الرحلة الهادفة حق جنينة الحيوانات الخضراء
و لا متى احضر وسائل حصصي (لأن محظرة العلوم الله يعطيها العافية حايشها احباط و ما تبي تحرك ابره من القهر مو معطينها ميزانية ,, عاد تعالي انتي يا الابله شوقلي و نوقلي من مختبر لي مختبر) و لا متى و متى و متى ... الخ الخ الخ
المهم مالكم بالطويله --------- (لاااااااا وين .. من قال طولتي علينا؟؟؟ تو الناس
)
اقتراحي أهو .. ليش ما يريحون المدرسات من البرامج الاذاعية .. و خصوصا ان البرامج الاذاعية يبيلها أحد دارس اعلام و مسرح .. لأن المستوى اللي يطلبونه بعض المديرات .. الله يهداهم فوق طاقة المعلمات .. يبون شوووو كامل متكامل .. الأخت رايحه عروض فانتسي وورلد تايلند و لا شنو؟؟؟؟؟
المهم .. يا ليت يعينون في كل مدرسة بنت حلوة من بناتنا .. من خريجات المعهد العالي للفنون المسرحية .. تسند لها مهام البرنامج الاذاعي الصباحي في كل يوم .. منها يكون هالعمل من صميم دراستها .. و منها يخففون على المدرسات المغلوبات على امرهم
(لا تعطونهم غير هالمهمة .. مو الا تطلعون دهنهم على ابو انهم اشتغلوا بالتربية .. ترى كافي عليهم هالشغله لأنها تهد الحيل .. و هم احسن لهم من قعدة المكتب و البطالة المقنعة .. و جان تبون تعطونها تشيل احتياط احتياطين باليوم ممكن .. لأن ما بقى بالمدرسة الا الحارس و الناظرة ما دخلوا حصص احتياط :eh_s(1)
خصوصا ان بنات المعهد العالي أغلبهم يحطون مواضيع عندنا بالمنتدى .. يا ان اساميهم ما اطلعت بالديوان و لا انهم معينينهم بمكان ماله شغل بدراستهم خييير شر
هني الاستفاده راح تكون أكبر .. يعني:
1- بنات المعهد بينمون خبرتهم و مواهبهم و ما ينسون اللي درسوه.
2- و هم المدرسات يرتاحون.
3- و الطالبات يستفيدون من البرامج الاذاعية الصباحية بشكل اكبر لأن اللي دارسة مسرح راح توصل الأفكار بطريقة مدروسه و بشكل أوقع.
4- و ممكن بعد في فترة الانشطة المدرسية بناتنا التلميذات يتعلمون و يدرسون مسرح بشكل علمي متخصص تحت اشراف بنت أموره من بنات المعهد العالي.
مو الله يهداهم اييبون مدرسة ما تعرف ابجديات المسرح .. و ما عمرها ادرست اعلام و لا حتى تعرف يعني شنو تمثيل و يحطونها تطلع لهم فريق تمثيل؟؟؟؟؟؟؟؟؟؟ ما هذااااااا؟؟؟؟:bbbiu:
انا وحده مؤمنه بالتخصص .. و عطوا الخباز خبزة
و لا اشرايكم يا بنات؟؟؟؟؟؟؟؟؟
(أدري طولتها اليوم .. بس كان عندي اقتراح .. قلته .. و هم كان ودي أسولف و أطلع اللي بقلبي شوي)
سلامتكم و تعيشووووون
مع تحياتي (معلمة مستقيلة و لله الحمد) :eh_s(7):
بنات انا عندي اقتراح .. و يا ليت يوصل للمسئولين في وزارة (لا حياة لمن تنادي) وي .. قصدي وزارة (لقد أسمعت لو ناديت حيا)
بخصوص البرامج الاذاعية
انا وحده كنت أعاني من البرامج الاذاعية مثلي مثل أي مدرسة في وزارة السعادة
اليوم اللي يصير فيه دوري أقدم البرنامج تصكني الغلقة .. و ما يبقى احد ما اتهاوش معاه :rerrerek: .. من خداماتي و عيالي .. لي ريلي .. لي ولد جيرانا اللي يلعب بحوش بيتهم و ما يدري وين الله قاطه .. باختصار أعفر بالأمه :rgewrg: (ما تسوى على فريجنا هالبرنامج .. طلع من جبودهم ذيج الليله)
هذا بالاضافه الى العبء المادي و خصوصا اذا كان برنامجي اخر الشهر و أكون مفلسة :eh_s(2):
طبعا هالشي ما يصير مني و الطريج .. ماني مينونه عشان أمشي و أتهاوش مع الأوادم .. لأ .. لكن يوم البرنامج الاذاعي لازم أفزع من فير الله .. و أجهز شغلي و أحاتي البنات اللي مدربتهم بيغيبون و لا بيون .. و أطق الباب على الحارس يفتح لي باب المدرسة الساعة 5 (بعده ما طر النور باسم الله) .. و أفكر طول الوقت و عقب محاتاتي بالليل و اني ما قدرت انام و ان وراي حصص و متى بخلص هال16 حصة اللي عندي بهاليوم الفضيل المبارك (لا باركت بالعدو)
و متى بروح كل حصص الاحتياط الي بيعطوني اياهم .. و لا متى بأرصد درجات امتحان امس.. و لا متى اودي بنات الصف إلى الرحلة الهادفة حق جنينة الحيوانات الخضراء
و لا متى احضر وسائل حصصي (لأن محظرة العلوم الله يعطيها العافية حايشها احباط و ما تبي تحرك ابره من القهر مو معطينها ميزانية ,, عاد تعالي انتي يا الابله شوقلي و نوقلي من مختبر لي مختبر) و لا متى و متى و متى ... الخ الخ الخ
المهم مالكم بالطويله --------- (لاااااااا وين .. من قال طولتي علينا؟؟؟ تو الناس
)اقتراحي أهو .. ليش ما يريحون المدرسات من البرامج الاذاعية .. و خصوصا ان البرامج الاذاعية يبيلها أحد دارس اعلام و مسرح .. لأن المستوى اللي يطلبونه بعض المديرات .. الله يهداهم فوق طاقة المعلمات .. يبون شوووو كامل متكامل .. الأخت رايحه عروض فانتسي وورلد تايلند و لا شنو؟؟؟؟؟
المهم .. يا ليت يعينون في كل مدرسة بنت حلوة من بناتنا .. من خريجات المعهد العالي للفنون المسرحية .. تسند لها مهام البرنامج الاذاعي الصباحي في كل يوم .. منها يكون هالعمل من صميم دراستها .. و منها يخففون على المدرسات المغلوبات على امرهم
(لا تعطونهم غير هالمهمة .. مو الا تطلعون دهنهم على ابو انهم اشتغلوا بالتربية .. ترى كافي عليهم هالشغله لأنها تهد الحيل .. و هم احسن لهم من قعدة المكتب و البطالة المقنعة .. و جان تبون تعطونها تشيل احتياط احتياطين باليوم ممكن .. لأن ما بقى بالمدرسة الا الحارس و الناظرة ما دخلوا حصص احتياط :eh_s(1)
خصوصا ان بنات المعهد العالي أغلبهم يحطون مواضيع عندنا بالمنتدى .. يا ان اساميهم ما اطلعت بالديوان و لا انهم معينينهم بمكان ماله شغل بدراستهم خييير شر
هني الاستفاده راح تكون أكبر .. يعني:
1- بنات المعهد بينمون خبرتهم و مواهبهم و ما ينسون اللي درسوه.
2- و هم المدرسات يرتاحون.
3- و الطالبات يستفيدون من البرامج الاذاعية الصباحية بشكل اكبر لأن اللي دارسة مسرح راح توصل الأفكار بطريقة مدروسه و بشكل أوقع.
4- و ممكن بعد في فترة الانشطة المدرسية بناتنا التلميذات يتعلمون و يدرسون مسرح بشكل علمي متخصص تحت اشراف بنت أموره من بنات المعهد العالي.
مو الله يهداهم اييبون مدرسة ما تعرف ابجديات المسرح .. و ما عمرها ادرست اعلام و لا حتى تعرف يعني شنو تمثيل و يحطونها تطلع لهم فريق تمثيل؟؟؟؟؟؟؟؟؟؟ ما هذااااااا؟؟؟؟:bbbiu:
انا وحده مؤمنه بالتخصص .. و عطوا الخباز خبزة
و لا اشرايكم يا بنات؟؟؟؟؟؟؟؟؟
(أدري طولتها اليوم .. بس كان عندي اقتراح .. قلته .. و هم كان ودي أسولف و أطلع اللي بقلبي شوي)
سلامتكم و تعيشووووون
مع تحياتي (معلمة مستقيلة و لله الحمد) :eh_s(7):
التعديل الأخير:
