اقتراحي لشركات التغذيه والرجيم-تعالي صوتي وقولي رايج بأقتراحي

[kim!]

بسم الله الرحمن الرحيم


بنات هالموضوع في بالي من زمان والحمدلله قررت اني انزله لاهميته واكيد انتو تحسون بنفس شعوري

وهو اني كل مافكرت اشترك بشركه من شركات التغذيه اتردد واهون والسبب اهوا : السياره اللي توصل الاكل !! اي نعم السياره او الجمس الصغيرون مالهم اللي عليه رسمه طويله وعريضه ومكتوب عليه رجيم ومادري شنو! اي والله يعني لازم المنطقه والقطعه والفريج كلهم يدرون انه في دبدوبه بهالبيت تسوي رجيم! واذا تجمعوا الجارات قامو يسولفون والله بنت فلانه يوصلون لها اكل رجيم والثانيه تقول شدعوه شيبيله اكل الرجيم كلها خسه وطماطه :rgewrg: يعني البنت مايسوى عليها انفضحت وصارت سالفة الفريج :eh_s(16): واذا تبي تشترك شهر شهرين ثلاث بهالحاله العالم كلها درت واللي ماشترى تفرج والكل يخزها ضعفت والا للحين ولو ماضعفت هات ياحش يعني مافادها اكل الرجيم هو هو هو ويمكن تلازمها السالفه طول عمرها ومايسوى عالمسكينه

الحين نيي حق اقتراحي اللي اوجهه حق شركات التغذيه واللي اهيا السبب الرئيسي لعزوفي انا ورفيجات الدوام عن الاشتراك معاهم

الاقتراح كالتالي: ماله داعي الصوره والاعلان اللي شكبره على السياره اللي توصل الاكل نطالب بتوفير سيارات ماعليها اي ملصقات ودعايات بحيث مانبي العالم كلها تدري!
ورساله اوجها لشركات التغذيه اذا انتو تعتقدون ان هالصوره اللي عالسياره بتجذب لكم زباين فهوو بالعكس والعكس هو الصحيح الزباين مو قاعدين يشتركون بسبب هالصوره لان ماحد يبي فضايح والله ان رفيجتي وزنها بالتسعينات زوجها يقولها ماتشتركين شتبين الجيران يقولون عناا ماتعرف تطبخ والا متينه ماتعرف تضعف يعني لو كانت السياره مافيها هالاعلانات كان زوجها وافق بس بسبب خوفه من كلام الجيران

يلا الحين ابي رايكم بأقتراحي والتصويت مهم صوتي وعطينا رايج سواء مع او ضد :rerrerek:

 

[محتاره بعمري]

صااااااااااااااااااااااااااااااااااااااااااااااااااااادددددقه حتى انا نفس الشي بيتنا ع الشارع العام واصلا المطاعم العاديه والناس مناشبينا فيها شلون لو شي حق الريجيم

 

[أمـــــل]

اي والله صاجه .......... الكل يراقب ها ضعفت واله لا ومن الحنه والعايونهم ماتضعفين خخخخخخخخخخخخخخخخخخخخخخخخخخخخخخخخخخ انا صراحه صرت اشري اكله من الجمعيه لجم يوم واخذ كل يوم 1000 كلوري او اقل المهم مااعدى الاف

وابي استمر والله كريم

 

[brat]

شدعوة!! هذا مو سبب!!

الحين أغلب اللي يشتركون بهالشركات ضعاف! بالعكس، ما راح يقولون وحدة متينة بهالبيت، راح يقولون ماشالله عليها محافظة

ومنو الفاضي اللي بيراقب هالسيارات من صباح الله خير؟

اللي يبي يضعف ما همه كلام الناس. الناس يمكن يتكلمون عنج إذا ظليتي متينة وتاكلين خرابيط

 

[مو لازم اسم]

بصراحه اخر همى كلام الناس
حبيبتى الظاهر انج وايد حساسه صدقينى اللى بيفكر بكلام الناس عمره ما يرتاح لأن قبل لا يقدم على اي خطوه بيحسبلهم الف حساب
نصيحه اكبر غلط انج تخلين حياتج مرسومه لأرضاء الناس والخوف من كلامهم

اما بالنسبه للملصقات اللى على السياره بالعكس هذى اصلا دعايه مجانيه لهم انا وحده من الناس
شافت هل سياره ورحت اشتركت

اشتركي ولا يهمج لو يتكلمون من الحين للسنه اليايه اخرتها بيسكتون :eh_s(7):

 

[أحلى البشر]

وااي جااان زيييين والله اني اقول لاهلي لو ما هالسياره الفضيحه جان اشتركت ومو حلوه سيارة رجيم عند باب بيتنا فشله واحنا بالكويت الحجي عندنا مايخلص انا قبل سنه اشتركت كان اييبلي الاكل الظهر على ردة الناس من دواماتهم الكل يشوف كنت انطر الشهر يخلص من الفشله وياليت الشركات يطبقون اقتراحج

 

[روح مغليهآ]

تم التصويت

 

[sanyoretaQ8]

تم التصويت

 

[أمـــــل]

انا علقت ع اللي يراقبونج انتي يعنى مثلا انا اذه سويت الكل يراقب ضعفت لا شسمونه لا جذى واله الناس ويشوفون السياره شكو ... كل واحد وحر بيته

تم التصويت

 

[فرااااولة]

شكوووووو

خير يا طير مسوية رجيم خو مو مرتكبة جريمة

عالاقل فكرت الحق علي عمري واتجنب الامراض بالمستقبل واحافظ علي جسمي

وبعدين التوصيل بيكون الصبح. ومنو هذا الفاضي اللي بيهد دوامه وبيقعد يجابل بيتنا ويشوفني مشتركة

انا اشتركت ثلاث شهور ونزلت كيلوات وجسمي تغير، خل يتحجون من اليوم لي باجر المهم اني اضعف
والحين بعد مشتركة


واخر شي اشدراهم ان انتي بالذات مشتركة ليش مو اختج او اخوج لوووووول

 

[افهمني تملكني؟؟]

شكوووووو

خير يا طير مسوية رجيم خو مو مرتكبة جريمة

عالاقل فكرت الحق علي عمري واتجنب الامراض بالمستقبل واحافظ علي جسمي

وبعدين التوصيل بيكون الصبح. ومنو هذا الفاضي اللي بيهد دوامه وبيقعد يجابل بيتنا ويشوفني مشتركة

انا اشتركت ثلاث شهور ونزلت كيلوات وجسمي تغير، خل يتحجون من اليوم لي باجر المهم اني اضعف
والحين بعد مشتركة


واخر شي اشدراهم ان انتي بالذات مشتركة ليش مو اختج او اخوج لوووووول

:eh_s(15):صح كلامك وبعدين اذا انتي متحسسه كثير خلي الاشتراك من دون توصيل والسايق يجيبه لك وين المشكله واذا ماعندك سايق وانتي طالعه من الدوام اخذي اللي تبينه

 

[M6NoOo5a]

اي والله انها ملاقه منهم استغفر الله

يسلمو حبي عالاقتراح

 

[!amorra!]

انا معاج باقتراحج

انا كنت مشتركة بفرش دايت كان ايي السايق بسيارة عاديه وقديمه

يعني ماصرت حجوه للجيران ههههههههـ

 

[أحلى عيون]

عادي بالنسبه لي مايهمني تكلموا ولا لاء

 

[free SpiriT]

السلاام عليكم

أنا صوتت على : عادي بحكم إن مجتمعنا وبالمنطقة اللي أنا فيها محد له شغل بأحد و نااس طيبين و يستانسون لما يشوفون وحدة ضعفت و يسألوونها شسويتي و يشجعون معظمهم

و يوصلون لي بشاحنة ما عليها ملصقات....

اخوي الصغير مرة قال لي انه شاف نفس الشاحنة توصل لبيت جيراننا صار عندي فضول أعرف يوصلوون لمنو عشان تبادل خبرات وجذيه

 

[kim!]

اشكر تفاعلكم بنات

بالنسبه للنتيجه كانت متقاربه 55.56%عجبهم الاقتراح مقابل 44.44% كان الامر عندهم عادي مايفرق

يعني 55.56% يعني هالنسبه لايستاهن فيها وممكن الشركه تزيد ربحها مايقارب 50% لو وفرت للزبون حرية الاختيار مابين سيارة بدون ملصقات وان كان مقابل رسوم بسيطه 5 دنانير مثلاا
وانا عارفه ان اي فكره جديده يتخوفون منها بالبدايه ومن تطبقها شركه تقوم كل الشركات بتقليدها

يلا ياشركات التغذيه منو توفر لنا هالخدمه عشان نقدر نشترك بسريه ونرتاح من نظرات وتعليقات الفرجان:eh_s(4):

 

[om MaRyooM]

شي جدا عادي من رايي هالشي مو مهم حطو ولا ماحطو

المهم اظعف