اقتراحاتكم و افكاركم لقصة جديده (najdeya)....

[najdeya]

مرحبا صبايا

اتمنى انكم تكونون بصحه و عافيه

راح ادخل بالموضوع على طول .... انا جربت حظي من قبل و كتبت قصتين (ركان و زينه) و (شوق و خالد)

و بصراحه من تشجيع البنات و متابعتهم الطيبه صار ودي اكتب قصه ثالثه تفيد البنات بالمنتدى

لكن هالمره راح تكون من تأليفي مو حقيقه و ودي لو تساعدوني اعرف شنو المواضيع اللي ودكم تنطرح عشان الكل يستفيد و ما تكون الافكار مكرره

 

[kity]

اول شي

انا من اشد متاابعينج لقصصج

وماشالله اسلوبج في سرد الأحداث حيل حيل حلوه

واهنيج ماشالله على إبداعج في كتباه القصص

لي الحين ماعندي شي اعقب عليه

بس اذا تذكرت راح اقولج

وننطرج حبيبتي بأقرب روايه وياليت تكون نهايه سعيده ولا انا الي بكتب النهايه مثل القصه الي طافت

 

[عاشقة المسك]

ههههههههههههههههههههههههههه ياحليلج كيتي اقري رسالتي دزيتلج رساله

 

[kity]

^^^^^^^^^^^

رديت عليج حبي

 

[عاشقة المسك]

مشكووووووووووورة حياتووووووو

 

[kity]

^^^^^^^^^^^^^^

رديت عليج حيااتو

 

[ام فطومه 82]

انا قريت قصصج
راكان و زينه واااااااااااااااااااااااااااااااو
خالد و شوق حلوه بس عرضتي فيها شخصيات وايد و اخر شي تجاهلتيهم و بعد مافيها نهايه محدده صح اهيه قصه حقيقيه بس كنتي تقدرين تختمينها بشي خيالي عشان القارئ يعرف نهايه القصه
بس عموما كانو وايد حلووووين فيهم تشويق عجيب

 

[جمووول]

انا قريتهم كلهم

والله حلووووووين واسلوبج كان عجيييييييب عشت الاحداث معاهم

اشكرج ع الروايات الروووووعه


وبانتظار القصه الجديده

 

[miss limoona]

بصراحة انا عجبوني الثنتين حدهم روووووووعه
بس قصة شوق وخالد النهاية حدهااااا حزينة ومثل ماقالو البنات انه في شخصيات بالقصة تجاهلتيهم
اما قصة زينة وراكان قصة وااااااااااايد حلوه ونهايتها احلى
ونبي قصة حلوة بعد نفسهم وبلييييز هالمرة نهاية سعيدة بصراحة تعبت وانا ابجي

 

[rawona]

أنا قريتهم كلهم واعجبوني ..


حبيت راكان وزينه أكثر مو بسبب نهاية قصة شوق وخالد بالعكس نهايتهم أعجبتني وواقعيه وفيها عضه للبنات الصغار علشان يعرفون ان أغلى شي عد البنت شرفها وسمعتها وانها المفروض ما تفرط فيهم أبد .. ومحد يستاهل انها تضيع نفسها واهلها علشانه ..

اللي ما حبيته فيها اشوي البهارات اللي حطيتيها واحس انها "قويه" اشوي.. وفيها اشوية اباحيه خصوصا ان في وايد بنات صغار مو متزوجات ويتابعون هالقصص وهالوصف الدقيق اشوي احسه يخدش الحياه.. بس هذي النقطه الوحيده اللي ما حبيتها بالقصص ..

شغله ثانيه مثل ما قالت ام فطومه تشعبتي بالشخصيات اشوي ووايد من القصص الل تشعبتي فيها ماعرفنا لهم نهاية حدده ..

وبالنهاية اتنى تتقبلين رايي بصدر وسيع وناطرين نشوف جديدج


​

 

[((الزين))]

الله يعطيج العافيه
بصراحه القصتين حلوين بس شوق وخالد حبيتها اكثر وفى عندى ملاحظات ارجو تتقبلينها بصدر رحب
قصة خالد وشوق نهايتها حلوه وواقعيه جدا لكن حسيت ان البارت الاخير ما وضح شنو صار على باجى الشخصيات
دلال شنو صار معاها ولا مريم مع ناصر او بندر وفرح
البارت الاخير ركز على شوق وخالد بس
يمكن لان البنات بعضهم انسحب من القراءه كانت لج بعض الظروف ومن جذى استعيلتى واختصرتى؟
او يمكن سبب ثانى ما ادرى
عموما كتبى قصه يديده وبعد ما تكملينها نزليها بارت بارت احسن لنا ولج
لان الانسان تحكمه ظروف ممكن تصير له فجأه
فعلشان ما تتأخرين على المتابعين لقصصج خلصيها ونزليها
انا من الناس اللى بالهم طويييل وانطر عادى اذا الشى ابيه وعاجبنى
بس فى بنات ما يحبون النطره
وشاكره لج وموفقه

 

[*FaRaWlA*]

نجـــــــــــــديه قصصج ولا اروع

بس كان في شغله وحده الي اهيا انه البارتات كانت تنزل بين فتره و فتره

وبالنسبه مااقدر اعلق لان صج احسج تتقمصين الشخصيات وتسردينها لنا باحساسهم

احنا ناطرين قصصج اليايه و لا تحرمينا منها

 

[n00ni]

اسلوبج وايد حلو بالكتابه
انا عجبتني راكان وزينه لان نهايتها سعيده ولان قصتها وايد وناس عايشينها
اما شوق وخالد وايد حبيتها ومثل ماقالو البنات الشخصيات الباجي ماعرفنا عنهم شي كلش

 

[MeeMeeYoo_2]

القصتين حلويين

ونهايتهم حلوه
صج ان الثانيه نهايتها حزينه

بس طلعت بشي يفيد الناس !

يعطيج العافيه
وناطرين القصه اليديده

 

[3rbawia 7lwa]

اثنيناتهم حلوين و كل وحدة لها سن
ركان و زينة كانت 20 و فوق و كانت اتبين لن الواحد لا يتخلى عن حبة بسبب شي سخيف
اما شوق وخالد حق 15 و فوق لان كانت تبين ان البنت اغلى ما عندها شرفها
و ناطرين يديدج

 

[ma3boocha]

كلهم حبيتهم بدون استثناء....
راكان و زينه كانوا شخصيتين متناقضتين من حيث البيئه و الاسلوب..بس توالموا و حبوا بعض..

و شوق و خالد.. وااااااااااااي فديتتهم قلبي ينعصر معاهم .. كل ما اتذكر شلون تفارقوا قلبي يعورني... و مو مهم ابدا انج تكملين شنو صار في باجي الشخصيات.. لأن مو فيلم هندي والا مسلسل كويتي لازم كلشي ينتهي على نهاية القصه.. طالما الابطال انتهت قصتهم خلاص معناته القصه كلها انتهت بدون استثناء..


و انا جدا جدا اشجع اسلوووبج الجرئ بالطرح.... يوصل المعلومه و ما يخدش أبدا.



تسلم ايييدج.. و ناطره قصتج

 

[Jro7 Al.nass]

نجوووود..بصراااحة قصصج ولا ارررررررررررررروع ..والاحلى كان اسلووبج بالقصة
بس قصة شوووق وخالد نهاااايتهااا ..
واتمنى القصة الياية نهااايتها سعيدة مثل (ركان وزينه )
وبس عندي اقتراح لو تكتبين روايتج كلها ..وبعدين تنزلين باارتين او ثلاث باليوم>>> طمع...لوووو:dddds:وووول
وموفقة ياقلبي ناااااطرينج خيتوووو.. _03BA:

 

[ba6bo6a1]

ana el rewayten 3gebony bs ana a7eb el 7ob y3ny aby rewaya kilha romaceya bs waqe3eya aw greba min el waqe3

 

[meera15]

مرحبا نجديه
عجبني قلمك في الكتابه واتمنى انك تستمرين ونصيحتي لك
انك ما تعتمدي على موهبتك وتقرأي في ادب القصه كثير عشان يتطور اسلوبك
اقترح انك تقرأي رواية (عمارة يعقوبيان - شيكاجو) للكاتب علاء الاسواني
لان فيهم طرح فكري راقي وتعمق بشرح كل شخصيات القصة 0

اما بالنسبه لموضوع قصتك المقبله
اقترح تقديم قصة ترتبط احداثها بواقعنا السياسي والاقتصادي
الى جانب الحب وكذلك احب اقرا قصه تعرض جواب شخصية الرجل
الكويتي على وجه الخصوص (اهتماماته - تفكيره - حياته العاطفيه)

ويعطيك العافية وبانتظار جديدك

 

[جمال رباني]

انا من اشد المعجبين برواياتج وتأليفج الصراحه روووووووووووووعه واسلوبج رووووووووووووعه وانتي رووووووووووووووعه ,, ومافي انتقاد حق رواياتج لان كل واحد وطريقته بتأليف القصه شلون تكون سواء كانت النهايه سعيده او حزينه ,, واتمنى انج تكتبين لنا روايه يديده وانشالله أكون من أول المشجعين >>>>>>>> شفيها داشه ملعب ) ,, وبتوفيق حبيبتي ...