اقتراحاتكم وافكاركم لـ هدية محجبة

[فلافل وبطاط]

صبـــاح / مســـا الخــــير على الكل

خواتي حبيباتي ...

عندي صديقه بنتها بتحجب .. ومسوين لها حفلة تكليف ..

شنو تقترحون اودي لها هديه ...

وانا مفكره احط صندوق مبيت ... شغل عدل ...

واحط داخله مجموعة الاقتراحات اللي تقدمونها ...

بحيث يكون نفس صناديق دزة العروس ..

ولا اشرايكم ...!!!

انطرركم

:tek:

 

[amna_83]

عزيزتي تقدرين تودين لها شيلات تناسب عمرها
أو جنطه

 

[زبوطة]

آنه مجربة
عطيت صديقتي عبايات وعجبوها
بس ما آعرف عمر البنت اذا كان تين ايجر سويلها تصاميم حسب عمرها بس اذا كانت في العشرينات اخذيلها عباية كشخة
وحطيلها عطورات خفيفة/ بودي سبراي/بودرة/

 

[هديل الروح]

السلام عليكم
هلا بنات انا برايي تاخذين لها حجاب حلو مع احرام صلاة وتخلينهم بصندوق مبيت او اي صندوق ثاني وتخلين فوقهم قرآن وسبحة وانا براي هذه احلى هدية
وان شاء الله تعجبج

 

[فلافل وبطاط]

حلوه افكاركم

هل من مزيد ...؟

عمرها 10 سنين

^_^

 

[شمعه حزن]

كذا ملفع حلوين يناسبوون جميع الملابس مع اكسسوار

 

[أوهـ وردية ـام]

اي ملافع احسن .. و شوية دبابيس شوارفسكي يعني الشغلات اللي هابين فيها هالايام

 

[tooofy]

رايي من راي اوهام ورديه

 

[النوري]

مو شرط شيء يتعلق بالحجاب ..

أهم شيءيكون شغله تحبها..

حتى لو بي أس بي .. مثلا ..
أهم شيء تشوفها ويطير قلبها ..

 

[فلافل وبطاط]

مشكورين وايد وايد وايد يا بعد قلبي

ما قصرتوا

نخدكم بالافراح

وهل من مزيد ...؟

>>> طماعه

 

[nice-girl]

شنو يعني حفله تكليف؟سوري بطلع عن الموضوع

 

[الكويتـ80ـية]

انا نفس سؤال نيس غيرل ..

اول اسمع عن حفلة التكليف ؟؟




بالنسبه للهدايا ... اي شي ممكن تستفيد منه ..

 

[al-zabarjad]

البنات يحبون الشغلات اليدوية
اشتري لها من مكتبه جرير أو من فنتاسي وورد بوكسات فيهم شغلات
يدوية مثلا تسوي كروت تسوي اكسسوارات
حياكة أو فن الفسيفساء وتقدر تسوي منه براويز ومن السوالف


وتحطين لها مجموعة ناعمة من بودي شوب ((سبراي الجسم=شامبو=صابونة))

فلوس

مجموعة اكسسوارات من كليرز تكشخ فيهم بطلعاتها

جنطة ناعمة تناسب عمرها
أو بوك

اشتري لها جهاز آي بود يحبونة البنات اللي بعمرها


أكيد بتروح الشاليهات أو البحر اشتري لها مجموعة للبحر
تكون الفوطة والجنطة والنعله نفس الشي

اشتري لها دي في دي كرتون من ديزني
أو أي قصص إسلامية

هذي الأفكار إليي عندي وإن شاء الله فدتج

 

[sunshine72]

فكرت الصندوق حلوةتقدرين تحطين بداخل الصندوق :

* شيلة أوف وايت سادة ولصقي عليها شوارفسكي على شكل هالو كيتي
* بروش هاند ميد هالو كيتي
* عطر هالو كيتي
* شنطة يد أو بوك هالو كيتي
* ساعة يد هالو كيتي

يعني خلي الكوليكشن كامل على شخصية محببة لها وأعتقد راح تطير فيها

 

[فلافل وبطاط]

مشكورين وايد وايد وايد

اعجبتني الافكار والاقتراحات ما قصرتوا

وببلش فيها ...

وبالنسبه للي اسألوا عن حفلة التكليف ... انا مثلكم اول مره اسمع فيها

وصلني مسج ان بسوون حفلة تكليف ولما سألت قالوا تبي تتحجب فـ بلبسونها نفنوف حفله وهدايا وعشا وعقب تلبس حجابها

يمكن قصدهم ان البنت كبرت وصارت مكلفه بمعنى تحاسب على صلاتها صيامها حجابها ... يمكن !!

^_^