افيدوووني بخبراتكم السابقة ?

[ماعاد بدري}~]

السلام عليكم ورحمة الله وبركاتة*

حبيت انكم تساعدوني بخصوص التجهيز ?

عرسي بأذن الله بعد ست شهور .. وماني عارفه ابتدي من متى ، بنات يقولولي تو الناس *وغيرهم يقول انتي نايمه على روحج*
احترت حييل و ماجهزت شي ..*

وقلت ان شاء الله ببدي هالايام ، والمهر معطينياه وخالصه الحمدلله ..*

ابي خبراتكم السابقه ابتدي اول شي بشنوو يعني انا خوفي لي شريت شي يطيح سوقه اذا لبسته وقت ما اتزوج ، بالمختصر ابي انتو *ايام التجهيزي شبديتو فيه ..*


تكفووووووووووووون سسسسااعدووني ححييل ممححتااارررهه*ً???​

 

[Fyonkita]

انصحج بالليزر حيييييل حلو لازالة الشعر
وابدي عناية وترطيب وسنفره وبدكير ومنكير وهالسوالف
واخذي اطقم الملابس الداخليه
والقطنيات البانتي والبرا
واي شي يعجبج من القمصان اخذي واطقم الفوط وفلاتات البيت بس لاتاخذين الشتويه
وعرسج راح يكون بالصيف لاتاخذين بجايم الحين نطري ينزل صيفي
خلصي جواتي واكسسوارات والشباصات واكسسوارات الشعر وجناط وعطور عادي بعد اذا شي عاجبج اخذي وخليه بكرتونته لاتفتحينه
اذا بتاخذين ذهب اخذي اول ماينزل سعره ويناسبج
اشتري طقم الشنط حق الجهاز والبكسات عشان تصفين فيهم اغراضج
فصلي اي بدله تعجبج واشتري دراريع البيت
اهم شي العنايه العنايه العنايه
ولاتسمعين اللي يقولج تو الناس
انا عرسي بعد 4 شهور واجهز من 4 شهور واحس شكثررررر اشيا ناقصتني
احس بيجي قبل العرس بيوم وانا للحين اجهز

 

[[ نور عيني ]]

خليها قبل عرسج بثلاث شهور تنزل شغلات جديدة وهم تلحقين على التنزيلات
الحين خلي كل همج ب نفسج وجسمج وبشرتج

 

[Riema]

ابدي بالبيجايم والملابس الداخليه مالها موضه الفوط والروب


ملابس الشقه من ليقنزات والجينز والشورتات.


مكياج والعطور بس اهم شي اذا شريتيهم تحطينهم بغرفه بارده يكون فيها تكييف شغال علطول والعطر نهائي لاتبطلين الكرتون

اشتري اللوشنات والمجموعات اذا عليها دسكاونت بس هم نفس العطور لاتبطلينهم وانسي فكره افتح اشم ريحته خلاص من تشترينه سيده دخليه للكبت وصكي عليه


اكسسوارات الناعمه و العمليه ومالوت الشقه اشتريهم بس الفخمه والالوان خليهم بعدين اخر التجهيز على حسب الوان البدل وعلى حسب الموضه

والجواتي اخذي اذا حصلتي شي عجبج الحناط خليهم قبل العرس بشهر

 

[قطوووة]

ماقصروا البنات

 

[Ms.lool]

حبيبتي ٦ شهور مده كافيه حيل بس لا تاجلين لان الوقت بيمشي بسرعه استغلي كل يوم
انا خالتي قاعدين نجهز لها بس عندها شهر ونص والحمدلله الوضع ماشي

انا اقول اذا تبين نفنوف تفصال ابدي دوري من الحين لان انا نفنوفي خذاله شهر ونص

حاليا هالشهر ابدي اشتري البجامات و الداخلي و قمصان النوم عشان اتخففين ع نفسج
ومثل ماقالت الاخت اذا بتسوين ليزر بلشي من الحين لان بيرييييحج وما بتتحسفي
وعلى حسب العياده في عيادات كل شهر و في كل شهرين
و اضيف عليها اذا تبين تسوين كيراتين حق شعرج اذا كان محتاج لان بيريحج وايد من السشوار
بهالفتره راقبي السوق و التنزيلات و كل ماشفتي روحي اشتري عشان توفرين
خلي اخر شهرين للبدل و الاكسسوارات وًالجنط و الجواتي
طبعا لازم تفصلين لجً جم دراعه كشخه و جم عبايه
وراح تحتاجين مجموعة جنط اللي تيي طقم ٥ او٦ جنط مع بعض بينفعونج بنقلة الاغراض اسعارهم ابحدود ال٦٠
سوي اشغالج بحيث ان اخر شهر يكون ماعندج شي الا الشبكة و المسكة
عشان تتفرغين حق روحج وتهتمين بجسمج من سنفره وبرامج عروس وهالسوالف

بالتوفيق

 

[مس استي لودر]

اب اب لعيونج

 

[تبيني آرضى عليك]

آآآآآآآآب

 

[كويتيهة]

وعليكم السلام والرحمه
ابدي بالاشياء اللي تاخذ وقت مثثل الليزر والاسنان والشعر والعنايه بالبشره وثوب العرس ,
والباجي لاحقه عليه قبل العرس بشهرين او ثلاث ..

والله يوفقج ,

 

[بكيزة هانم]

upup

 

[لمساتـي]

بالتوفيق والف مبرووك

 

[@ DLOO3TAH@]

موفقه

 

[حنون هانم]

حبيبتي اول شي مبروك


بس انا اجوف قبل 3 شهور تبدين جهاز احسن وانشالله بيمديج
بس اهتمي بعمرج من احين اذا ناوية تمتنين ولا تضعفين واهتمي بشعرج

والله يوفق ويسر انشالله

 

[Rooz Aziz]

الله يوفقج

ابدي بالاشياء اللي مالها موضه ولا لها وقت

قمصان وبجايم عطورات وكياج


وابدي بعنايه لعمرج

 

[Rooz Aziz]

الله يوفقج

ابدي بالاشياء اللي مالها موضه ولا لها وقت

قمصان وبجايم عطورات وكياج


وابدي بعنايه لعمرج

 

[إيمــآن الكويت]

آبدي عنايــة شعر وبشره وجسم
هذا اهم شي والله يوفقج ..​

 

[حبيبه فايز22]

ن
ابدي بالاشياء الي ماتغير موضتها مثلا
المكياج
العطور

الغمصان
ملابس داخليه
بجايم
فناتك للغرفه
اخر شي خلي الملابس


العنايه ابدي من الحين لين العرس
6 شهور حلوه لشعرج
موفقه