افيدوني جزيتم خيرا

[نونو الدبدوبه]

السلام عليكم بنات

حبيت تنصحوني انا اهل زوجي عندهم مزرعه كبيره ولنا فيها غرفه صغيره ودي نعيد تاثيث هالغرفه من اول وجديد يعني صبغ وارضيه واثاث طبعا الغرفه صغيره مره راح يكون قسم صغير زي المطبخ متر او متر ونص تقريبا مع ثلاجه صغيره وتلفزيون ال سي دي وسرير ومحتاره بالالوان ابي الوان فاقعه فوشي او برتقالي منها تكبر الغرفه والسرير فكرت بالسرير اللي ينقلب اريكه بس ناس قالوا لي مو مريح

ياليت اللي عندها فكره او صور تساعدني ماتبخل علي

 

[حروف من ذهب*]

بعض الصور يمكن تاخذين افكار منها

وهذا مطبخ

وهذي الكنبه الي تتحول على سرير

 

[نووووونا]

ما شاءالله ذهب ما قصرت

الالوان الفاتحه هى الافضل انها تكبر المساحه بس الفاقعه تصغر المساحه

والله يهنيج ويبارك لج فيها ,وحاولى ما تكثرين بالاثاث عشان ما تصغر المساحه والصوفا هى الاختيار الافضل

وانها مريحه حسب النوع وموفقه

 

[hi555]

حبيبتي البرتقالي والفوشي مايوسعون المكان بالعكس يخلونكم مشدودين طول الوقت
وهم يمكن ريلج مايرتاح بالفوشي

دام الغرفة ضيجة اختاري الوان توسعها يعني مثلا اصفر بسماوي او اصفر بتركواز فاتح
او تركواز فاتح مع برتقال طافي مو فاقع

ولازم تصبغين طوفتج بلون واحد مطفي اصفر مثلا او سماوي او فستقي اي تحبين والكورنيش الي فوق ابيض لا تصبغينه بني عشان ماتصير الغرفة ضيجة لان التحديد يضيج والابيض بيعطيها اتساع

حاولي تكون الغرفة بسيطة وفخمة مثل اثاث الفنادق
يعني اخذيلج سرير لشخصين بس مايكون كبير يكون ملموم عشان ماياكل عليج المساحة
تحصلينه بهوم سنتر عندهم تنزيلات الحين او حتى لو تاخذين من المحلات العادية بالشويخ او الضجيج بس يكون ملموم
ابتعدي عن الصوفا لي تتحول لسرير ابدا مو مريحة بالشالية حطيت وحدة تحت بالصالة كاحتياط تعرفين الشالية دايما عندج ضيوف بس صج صج مومريحة

حطيلج على وب طاولة الي فيها خزاين تحت يعني 3 خزاين وحدة حطي بداخلها الثلاجة الصغيرة
والثنتين الباجين حطي فيهم ماجلتكم
وحطيلج فوق على الرف غوري كهربائي وتوستر ومايكرويف لا تحطين جولة عشان ماينطبخ شي داخل الغرفة حتى لو بيض ويخيسها

حطيلج صوفا صغيرة تشيل شخصين او 3 وجدامها طاولة هذي بتصير مثل صالتكم
حطي منظرة طويلة وتحتها رفين بس هذي تسريحتكم ماراح تاخذ عليج مساحة بس منظرة ورفين اشتريهم من ايكيا او هوم سنتر وركبيهم والي تحت حطي عليه سلة قش بنية حطي فيها خرابيطكم مشوط وخلافة

اهتمي بالحمام رتبيه
لو بتبدلينه خليه كله ابيض بورسلان مكعبان الصغيرونه او انش في انش الي بياضها يلمع
ولعبي بالاكسسوارات على مزاجج

مره اصفر فوط وشموع وشاور جل وصابون وخلافة
ومرة احمر
ومرة تركواز
ومرة بنفسجي
الي تحبين

بس لا تزيدين فيها الحوسة نصيحة

 

[زهرة البرتغال]

انا راح ادليج ع مكان حلوو ينفعج بالصبغ واذا تبين نجاره بعد اسعاهم معقوله

منجرة الاوروبي

رقم /55777205


هذا اللي اقدر عليه حاليا

 

[Q8stylle]

up up