افكــــــار للريــــوق ,,,, شــي راقـــي ,,,,والاهــم سهـــل

[لؤلؤية]

[ أسياخ الحلوم المشويه ]


جبنه حلوم + فلفل بارد ملون

نقطع الجبنه مكعبات + الفلفل وندخلها اصياخ بالدور .. ثم نحطها ع الشوايه بدون زيت .

نقلبها حتى تنشوي جميع الجهات ..

نقدمها مع خبز محمص ومربى ومكدوس وزيتون ..

صحه وعافيه ..



نطروا لاتردون

 

[لؤلؤية]

رد : افكــــــار للريــــوق ,,,, شــي راقـــي ,,,,والاهــم سهـــل


[ مزرعة بالبيض ]

سبب التسميه ان فيها انواع كثيره من الخضار ..



بيض + بقدونس + بصل + ثوم + طماط + فلفل بارد [ بصل اخضر ] حسب الرغبه


نقطع البصل ونحمسه بالزيت ثم نضيف الثوم المهروس .. ثم الطماط والفلفل البارد بعد التقطيع وباقي الخضار ..

نصبها بصينيه بعد دهنها بالزيت و ندخلها الفرن بعد رشها بالجبن ..

بالقلايه اسرع ونغطيها بغطى قدر ..

بعد ماتتحمر من تحت نقدمها ..

مع رشة بقدونس مفروم وبطاطس وخبز محمص ..

*

نطروا

 

[لؤلؤية]

رد : افكــــــار للريــــوق ,,,, شــي راقـــي ,,,,والاهــم سهـــل




[ نقانق + بيض مسلوق ]


3 اصابع نقانق + فلفل احمر + بصل + ملعقتين جبن سايل


نقطع البصل ونحمسه في زيت زيتون .. ثم نضيف الفلفل البارد .. ونتبله بالملح والفلفل
ثم نضيف النقانق بعد التقطيع .. ونتركها تطبخ دقيقتين ونضيف الجبن .

نقدمها مع البيض والخبز المحمص ..

نزينه برشة بقدونس مفروم ..

*

 

[لؤلؤية]

رد : افكــــــار للريــــوق ,,,, شــي راقـــي ,,,,والاهــم سهـــل



[ توست باللبنه والمربى ]


توست نقطعه نجوم او دوائر .. ثم بالقمع نحط عليه لبنه ~ مربى ..

نقدمه مع الزبادي والخس والطماط والزيتون ..

*

 

[لؤلؤية]

رد : افكــــــار للريــــوق ,,,, شــي راقـــي ,,,,والاهــم سهـــل



[ قوالب البيض بالتونه ]


علبه تونه صغيره + بيض + فلفل حار + بصل + فلفل بارد + جبن مبشور


نقطع البصل ونحمسه مع زيت ثم نضيف الفلفل الحار والبارد ثم التونه ونتبلها بالملح والفلفل.

بكل قالب نحط ملعقتين من التونه ..

نخلط بيضه مع بيالة حليب سايل ونتبلها بالملح والفلفل الاسود ونصبها ع التونه .. ونرشها بالجبن .. وشريحه فلفل بارد للنكهه .

بالفرن 10 - 15 دقيقه ..

نقدمها مع الخبز ..

*

 

[لؤلؤية]

رد : افكــــــار للريــــوق ,,,, شــي راقـــي ,,,,والاهــم سهـــل




[ عجه بالفطر ]


بيض + فطر + فلفل بارد + بصل + جبن تشيدر + بقدونس


نقطع البصل والفلفل البارد ونحمسهم بالزيت .. ثم نضيف الفطر ونتبله بالملح والفلفل ..

نخفق بيضتين ونخلط معها البقدونس ونصبها ع الفطر .. ثم نضيف جبن التشيدر مكعبات ونتركه ع النار حتى ينضج ويذوب الجبن .

نقدمه مع خبز محمص - شرايح طماط - شرايح تركي مدخن ..

*

 

[لؤلؤية]

رد : افكــــــار للريــــوق ,,,, شــي راقـــي ,,,,والاهــم سهـــل


[ فول بالخلطه اللبنانيه ]


علبة فول بالخلطه اللبانيه + فص ثوم + صلصه طماط منزليه + معجون طماط بقدونس مفروم + خمس ملاعق زيت زيتون .

نهرس الثوم ونحركه مع زيت الزيتون .. ونقلبه على النار ثواني يطلع طعمه ..
نفرغ علبة الفول في قدر مع ملعقه كبيره معجون طماط و3 ملاعق صلصه منزليه ونضيف الثوم ..

نهرس الفول بالشوكه ونتركه يطبخ 5 دقائق ثم نضيف البقدونس ..

نقدمه بعد مانزينه بالزيت والشبت والطماط ..

مع الخبز العربي واللبنه والزيتون ..

*

 

[لؤلؤية]

رد : افكــــــار للريــــوق ,,,, شــي راقـــي ,,,,والاهــم سهـــل


[ كروسان محشي ]


حبتين كروسان نحشيهم جبنه هولنديه مع خس .. ونقدمها مع طماط وشرايح لحم ببروني وكاس قهوه ..

*

 

[دلوعة بنتي]

ماشالله عليج شاطرة.. خوش ريووق والله
يعطيج العافية

 

[لؤلؤية]

رد : افكــــــار للريــــوق ,,,, شــي راقـــي ,,,,والاهــم سهـــل


[ بيض مسلوق بالجبن ]


بيض مسلوق + جبن سايل

نقطع البيض بالنص ونطلع القلب الاصفر .. نخلطه مع جبن سايل ..

ثم نرجع للبيضه بواسطة القمع ..

نقدمه مع لبنه كور وطماط صفير وزيتون بالأسياخ ..
والخبز . مع كاس قهوه وكاس عصير تفاح ..

*

 

[لؤلؤية]

رد : افكــــــار للريــــوق ,,,, شــي راقـــي ,,,,والاهــم سهـــل


[ زيتون محشي لبنه ]

زيتون اخضر بدون نوا + لبنه


بالقمع نحشي الزيتون ونقدمه على بساط من الخس ..

*

 

[لؤلؤية]

رد : افكــــــار للريــــوق ,,,, شــي راقـــي ,,,,والاهــم سهـــل



[ نقانق بالصويا والجبن ]

بصل مقطع صغير + نقانق شرايح + ملعقه صغيره صلصه صويا + جبن سايل + فلفل بارد احمر



نحمس البصل مع الزيت ونضيف الفلفل البارد والنقانق .. ونتبلها بالملح والفلفل والصويا ..
نتركه دقيقتين ثم نضيف 3 ملاعق صغيره جبن .. ونتركه ع النار دقيقه ثم نقدمها..

مع البيض المسلوق - جبن - مرتديلا - خبز محمص ..

*

 

[لؤلؤية]

رد : افكــــــار للريــــوق ,,,, شــي راقـــي ,,,,والاهــم سهـــل



[ بيض رول بالخضار ]


بيض مخفوق مع حليب .. نضيف عليه طماط وبصل وبقدونس .. نتبله بالملح والفلفل الاسود ونصبه بصينيه دائريه مدهونه بالزيت ..

نحطه على النار حتى ينضج ثم نلفه رول ونقطعه حلقات ..

نقدمه مع خبز بشرايح الجبن - زبادي - طماط وزيتون - كاس قهوه - عصير تفاح

*

 

[اكسبلانكا]

صباحج ورد حبيبتي
تسلمييين على هالوصفات الحلوه واكيد بجربها قريب

 

[لؤلؤية]

رد : افكــــــار للريــــوق ,,,, شــي راقـــي ,,,,والاهــم سهـــل


[ ساندوتش بيض × بيض ]

خبز تورتيلا بالشطه + بيض + طماط + بقدونس + جبن


نسلق بيضه .. وبيضه نخفقها مع نص بياله حليب ونتبلها بالملح والفلفل الاسود ونصلحها ع القلايه ..

نحطها على خبز التورتيلا وندهنها بالجبن .. ثم نقطع البيض مع الطماط والبقدونس ونرشه عليها .. ونطويها من النص ..

نقدمها ..

*

 

[لؤلؤية]

رد : افكــــــار للريــــوق ,,,, شــي راقـــي ,,,,والاهــم سهـــل



[ فطور جاهز ]

جبن هولندي ..

جبن تشيدر مدخن ..

نقدمه مع الخبز المحمص والمربى ..

*

 

[zebda]

ماشالله عليج شغل نظيف وحلو ومرتب

والاكل شهي وخفيف

يعطيج العااافية حبوبة

 

[لؤلؤية]

رد : افكــــــار للريــــوق ,,,, شــي راقـــي ,,,,والاهــم سهـــل



[ قوالب البيض بالفطر والرومي المدخن ]

بيض + فطر + بابريكا + فلفل بارد + شريحتين رومي مدخن


نقطع الفطر المعلب مع الفلفل البارد ونحطه بالقالب .. ثم نضيف رومي مدخن مقطع شرايح ..

نخفق بيضه مع حليب ونتبلها بالملح والفلفل الاسود .. ونصبها على الفطر .. ثم نرشها بالبابريكا

نحطها بحمام مائي وندخلها الفرن .. 20 دقيقه ..



نقدمها مع الخبز ..

*

 

[لؤلؤية]

رد : افكــــــار للريــــوق ,,,, شــي راقـــي ,,,,والاهــم سهـــل

حيااااكم الله يا بناااااااااات

امانة الموضوع منقول
لقيته وعجبني ونقلته لكم
واقول لصاحبته الله يجزاج خير...وبيض الله وجهك

شغل راقي ومتقن...سواء بالاعداد او بالتقديم

وعساج عالقوة

 

[جني الحلوة]

مشكوووره حبيبتي
ودقي اقوم ألحين اسويلي ريوق00000اممممممممممممممممم