افكر اسوي تكميم بس متردده ..

[نسمه]

لسﻻم عليكم ورحمة الله وبركاته.

شلونكم ^_^

ادخل بالموضوع ..

عمري 23

طولي 164

وزني 92

غير متزوجه

افكر اسوي تكميم .. بس متردده

شرايكم .. ♡

 

[اميره بكلمتي]

شوفي انا أشوف انه وزنج مو حييل كبير واوفر بنسبه لطول بس نصيحتي اكثر روحي لدكتور جراحه مختص أهو بيفيدج اكثر يمكن يقولج عن التحريم وإذا اي استفسار اكثر عن التكميم بالخدمة لآني متكممه قديمه

 

[نسمه]

اب اب اب

 

[اميره بكلمتي]

شصار عليج نسمه

 

[نسمه]

اهلين اميره ..

والله مادري .. متردده

ودي اسوي تكميم و اعيش حياتي و البس و اكشخ

بس اخاف يتشوه جسمي و يترهل

طبعا الاهل رافضين و قالولي اذا بتسوين تحملين كل التبعات

حدي محتاااره مادري اسوي تكميم و ﻻ ﻻ

ماكو اراده للرجيم مادري شسوي

 

[اميره بكلمتي]

انا متكممه سابقه وصوفي الترهلات شي لابد منه سواء بالعمليه او بالرجيم العادي بالحالتين في ترهلات

 

[اميره بكلمتي]

شوفي ******

 

[اميره بكلمتي]

ع العموم نسمه بالخدمه اذا تبين معلومات اكثر

 

[beealh]

العمليه زينه حق نزول الوزن بس نصيحه من وحده مجربه حاولي تنزلين وزنج بدون عمليه لانه الترهل يصير كبير وراح تحتاجين عمليات ترميم من اول ويديد

 

[فاطمة 25]

أنصحك نصيحه لوجه الله
لاتفكرين بالعمليه

أحلى شيء الوحده تنزل طبيعي
انتي تووك بنيه وشباب

وتقدرين تلعبين رياضه وتخففين من أكلك

خلي يكون عندك هدف

إن كل أسبوع تنزلين كيلو واحد بس
موب أكثر

عاد تخيلي إذا كل اسبوع تنزلين كيلوو

بعد كم شهر كم بيصير وزنج ؟؟

وحده من قريباتي كان وزنها 104

والآن وزنها صار 74 .. شفتي شلون الإراده
وبعدها البنت تلعب رياضه ومحافظه على أكلها

تبي توصل للستينات .. ما شاء الله الكل فرقها عن اول
صارت أجمل طبيعي

فانتي خليكي قويه

العمليه ماتدرين شنو يجيك من وراها
دام في حلول طبيعيه .... اتبعيها أفضل

إلا إذا كنتي تعرفين نفسج ماوراج فاايده

ماتقدرين تسوين رياضه ولا تنقصين من اكلج
ذيك الساعه روحي للعمليه

بس حاول قبل مية وألف مره تتبعين حلول طبيعيه

 

[oojoo]

اختي لاتسوين والله العظيم ان هالعمليه بالذات انهيار صحي كامل متكامل اعرف شكثر اهم فترات طويله مسوينها وكل شوي بالطبيب تعبانين ديري بالج والله نصيحه لج

 

[كويت الاناقه]

والله مانصحج فيها من تجربت كل لي حوولي كل يوم مستشفي وايغمي عليهم بكل مكان سوق عشا عرس ونفسسسيه حيل تعبانه

 

[Memeq85]

نصيحه افتكي من العمليه اعرف بنات مسوينها ومتحسفين ترجيع وتعبانين
واحاولي تسوين ريجيم

 

[مختلفه عن الغير]

اذا وزنج يحتاج العمليه وحاولتي تنزلين الوزن وتفشلين
بصراحه استخيري وسوي العمليه
لكن بعد العمليه شدي جسمج بالرياضه
لاني سويتها من دون رياضه وتوهقت

تمنياتي لج بالصحه والعافيه

 

[ياراا]

انا كنت نفس وزنج وسويتها ما انصحج ما انصحج صار معاي تسريب بغيت اموت وتنومت بالمستشفى وحطولي بربيش يموت ياحلو الصحه والعافيه انصحج اختي لاتسوينها انا ندمانه قد شعر راسي بيصيرلي اربع شهور وحالتي مو مستقره
الحمدلله على كل حال

 

[ياراا]

انا كنت نفس وزنج وسويتها ما انصحج ما انصحج صار معاي تسريب بغيت اموت وتنومت بالمستشفى وحطولي بربيش يموت ياحلو الصحه والعافيه انصحج اختي لاتسوينها انا ندمانه قد شعر راسي بيصيرلي اربع شهور وحالتي مو مستقره
الحمدلله على كل حال

 

[الجادل الخشف]

لاتسوينها رفيجاتي مسويات وكل يوم متنومين بالمستشفى التكميم يلعب بالصحه لعب نزلي وزنج عند دكتور تغذيه واشتركي بشركه توصلج اكلج لبيتج

 

[وسن الغامدي]

انصحك فيها العالم اللي سووها عندي 16 نفر
وش حلاتهم ما يروجون مستشفى الا مراجعات فقققققققط
وأوزانهم من 96. الى150
والحين اغلبهم 55 و60

 

[فواصل]

نص اهلنا سووها

هم تعبوا في البداية بس عقب ارتاحوا بس الترهلات وراهم وراهم

صلي استخارة قبل واسالي عن احسن دكتور يسوي تكميم

بدون مضاعفات