افكذ شسوييييي

[@mr.nadrh@]

السلام عليكم

انا سالفتي سالفه خلاص بموت من كثر ما افكرر
اي مشكله او اي غلطه اسويها اقعد افكر فيها كلل يوم
عاادي افكر فيها اسبوع كامل

مثال :
ابلتنا الفلسفه كنت قاعده ورا بحصتها وماسكه ورقه اكتب
اسماء صبيان انا موقصدي شي بالاسامي وللحين مادري ليش كتبت
اسامي صبيان تقريبا ست اسامي المهم جت خذت لورقه وقعدت تزف
وتسب رحتلها ثاني يوم واعتذرت هم قعدت تزف وانا من التوتر اللي فيني
حطيتها براس رفيجتي قلت هي قاعده تنقلني الاسامي حرااام انا خبله
البنت مالهاا شغلل جذبت انا والابله صارت تتوعد فالبنت وانا ضميييري يقتلني
خصوصا ان الابله اخر يوم بنشوفها هو باجر ويمكن مانشوفها لانه عطله بعدها
وبعد العطله امتحانات فاينل وبعد الامتحانات هم عطله والفصل الثاني الابله بتنقل
فاهمين؟
بس ليما اللحين مادري شسوي وشلون ارقع السالفه
انا جذبت وربي من التوتر خفت لا تلغي اختباري او تسوي شي
وماادري ليش دبست البنت معاي وع فكره الدرجات متسلمه قبل هالسالفه
بس مادري ليش جذبت ((( اعتذر ولا شسوي

 

[@mr.nadrh@]

العنوان غلط افكر ***

 

[تولة مسك030]

حرام عليج ظلمتيهااا
ذكرتيني بقول الله سبحانه وتعالى
إِنَّ الَّذِينَ يَرْمُونَ الْمُحْصَنَاتِ الْغَافِلَاتِ الْمُؤْمِنَاتِ لُعِنُوا فِي الدُّنْيَا وَالْآخِرَةِ وَلَهُمْ عَذَابٌ عَظِيمٌ ()يَوْمَ تَشْهَدُ عَلَيْهِمْ أَلْسِنَتُهُمْ وَأَيْدِيهِمْ وَأَرْجُلُهُم بِمَا كَانُوا يَعْمَلُونَ

 

[@mr.nadrh@]

حرام عليج ظلمتيهااا
ذكرتيني بقول الله سبحانه وتعالى
إِنَّ الَّذِينَ يَرْمُونَ الْمُحْصَنَاتِ الْغَافِلَاتِ الْمُؤْمِنَاتِ لُعِنُوا فِي الدُّنْيَا وَالْآخِرَةِ وَلَهُمْ عَذَابٌ عَظِيمٌ ()يَوْمَ تَشْهَدُ عَلَيْهِمْ أَلْسِنَتُهُمْ وَأَيْدِيهِمْ وَأَرْجُلُهُم بِمَا كَانُوا يَعْمَلُونَ

والله ضميري يذبحنيي بروح باجر بقول للابله الصج
ماتحمل خلاص واللي يصير يصير

 

[ماما^عوده]

هذي ميزه حلوه فيج

اسمها بالقرآن النفس اللوامه كلنا معرضين ان نغلط

بس مو الكل يحس بتانيب الضمير


اهم شي خلج معتدله بكل شي

لا ياخذج الاحساس بالذنب انج تكرهين روحج و تفقدين ثقتج بنفسج


مبادرتج حلوه انج بتصلحين غلطتج


هذي شجاعه

بس ترا انتي ما غلطتي اذا كتبتي اسماء صبيان

لان اذا خذينا الموضوع من اكثر من زاويه لا حرام و لا عيب

بس انتي خفتي ان يمكن تاخذ عني فكره غلط


حلو انج تلومين نفسج

بس لا تبالغين عشان لا تاذين نفسج

 

[منيره آل ثاني]

مع ماما عوده

 

[جامعيه طموحه]

نفس مشكلتج صارت فيني بالمتوسطه كانوا بنات يكتبون اسامي صبيان مع بنات بورقه يعني كل بنت شنو يلوق عليها صبي ومن هالسوالف هذا الي فهمته وانا بهاليوم كنت غايبه وراحت بنت من القروب يابت اسمي بالموضوع ولانها الله يسامحها كاتبه اسمي بالورقه وانا مادري شسالفه هههههههه والله لا يوريج شصار فيني زف وكانوا بيفصلوني اسبوع تمت المشكله كل يوم ويبون يستدعون امي وانا بس بجي وارد البيت امي تقولي شفيج عيونج حمرا مورمه اقولها لا رفيجتي بستافر ولك يوم أألف .. واروح للمديره تزفني وتهيني واقولها والله العظيم انا كنت غايبه مادري عن هالسوالف شوفي كشف الحضور تقولي مالي شغل اسمج بالورقه والمشكله كلهم عقابهم خفيف الا انا طاحت براسي وكانو بيفصلوني لين بنت ثانيه من القروب يزاها الله خير عقب ما انبها ضميرها قالت لا فلانه (عني) ما كانت معانا حرام وهي ماتعرف شي عن السالفه وكانت غايبه اووووف حسيت روحي ردت كنت ببوس ايدها والله

كل الي صار فيني هذا كان ممكن يصير بالنت الي يبتي اسمها بدون ذنب الحمدلله ان عندج ضمير انبج البنت مالها ذنب ولا تدري عنج
انا الحين ب 3 جامعه بس مانسى هالموقف الي صار فيني كلش وحزتها شلون احترق قلبي وقمت ادعي عالبنت الي تبلت علي بدون ذنب ف شنو بتستفادين لا صارت مشكله للبنت لا سامح الله ودعت عليج من قلب وهي مظلومه ...

 

[دنيا الصدمات]

جم عمرج حبيبتي
وبعدين خير يا طير كتبتي اسماء صبيان احنا الله خلقنا جنسين لا ثالث لنا رجل وامراه
يعني هل الرجل ملغي من حياتنا مثلا او مخلوق فضائي يصيبج المرض لين طريتيه
انا مادري شنو تفكير مدرستج ولا تفكيرج

انتي بكره روحي لهاا وقولي لها انه البنت مالها خص وامكانج تقولين لها هذي اسماء هلي خوالي وعمومي وعبالهم مثلا
وانج كنتي تبين تكتبين اسماء اهلج الرجال والنساء وانج بذاك اليوم نفسيتج تعبانه شوي ومن جذي ما اتنتبهتي للحصه بس ما مداج وهيا طبت عليج
وسبحان اللي ما يغلط يا ما سهينا وتمللنا من حصصنا