افكار لهدايا رخيصة (جاهزة)

[Nokia N95]

السلام عليكم
شلونكم بنات ؟
ان شاء الله بخير

شرايكم كل وحدة تكتب لنا افكار عن هدايا بسيطة ماتكلف شي وتكون بنفس الوقت مفيدة

يعني مثلا ...
حاطة في بالي اعطي اختي هدية اشتراك بصالون حمام زيت ... ماراح يكلفني هالشي الا 20 دينار
واختي الثانية حجز عند مصورة ... تاخذ لها جم لقطة بـ 20 دينار بعد


ياليت اللي عندها افكار تشاركنا
ملينا من فكرة العطر و الساعة .. لان الناس اذواق
شكثر احصل هدايا عطورات .... وللاسف ولاعطر كان على ذوقي
والساعات نفس الشي !

نبي هدايا غريبة ورخيصة و طبعا تعتمد على احتياج كل شخص

 

[فطومه]

ممكن بعد نفس الشى حجز حق السبا بس شوى غالى فوق العشرين بس هم حلو

 

[فطومه]

ممكن بعد نفس الشى حجز حق السبا بس شوى غالى فوق العشرين بس هم حلو

 

[gazaaaal2]

عندي خوش افكار
اشتري كوبون من h&m
او قطعه خااااااااااااااااام
او كرتون كشخة للتخزين وحطي فيه بطاقات فيها كلام حلو
وافكار كثيييييييييييييييييييييييييييييييييييرة

 

[froha83]

اذا اختج متحجبة اشتريلها شيلة شوارفسكي
وفكرة الكوبانات وايد هابين فيها وحلوة بنفس الوقت
او تعزمينها بمطعم راقي وحلو

 

[^kloOot^]

مساج بالمهلب 22دك اقل شي


عندج كوبانات من الشايع


علبه ككاو من باتشى


بوكيه ورد

 

[al-zabarjad]

بلاند مارك وايد أشياء حلوة ورخيصة

وكل شي تلقين

علبة مكياج كاملة

فرش مكياج

اكسسوارات

كل شي كل شي
رخييييييييص حداااااا

أسعارهم 2,500
5دنانير
حدا يونس

حتى كراتين التغليف عندهم
ولكل الأعمار

 

[Nokia N95]

مشكوووووورين على ردودكم .... وفعلا سالفة الكوبونات و الحجز حق السبا و المساج ووالشيلة افكار وايد حلوة

في بطاقة مزايا ... و بطاقة بيتا بلس ... سعرها 10 دنانير و تعطيج خصومات حلوة للمطاعم و الملابس والصالونات .. حتى حق العيادات

مشكورين مرة ثانية والله يعطيكم العافية

 

[أسرااار]

يعطكيم العافيه بنات .. ما عندي افكار يديده بس اتعلم منكم .. وللرفع

 

[GaZoZiYa]

الالكثرونيات مو غالية ترا
روحي كارفور
شوفي جهاز الوافل علا 10 دنانير وفي وايد اشياء

 

[كوارين]

خوش فكرة

 

[السمرة~القمرة]

انا مرة وديت هدية حق بنت خالتي ( ماكينة براون )
اووووووو استانتست تقول احسن هدية ياتني

عندج جناط من اكسيسورايز حلوين

عندج من جمعية الفيحاء ( طقم خاتم ومضعدين شوارفسكي )

عندج مشغل سيديات الصغير أو آي بود ( الكتروزان وااايد رخيص )

فلاشات ميموري اللي ايوون فناتق على اشكال

جنطة لاب توب هم فناتق

وووو سلامتج وتعيشين

 

[محامية كويتية]

خوووووووووش موضوع

 

[black & whaite]

بنات سبا بس للبنات ؟
و له فى قسم رجال؟
و شنو شغلهم بضبط؟؟؟

 

[baby johnson]

بنات سبا بس للبنات ؟
و له فى قسم رجال؟
و شنو شغلهم بضبط؟؟؟

في بالمهلب للنساء ويمه للرجال وااايد حلوو
وشغلهم مسااج وعلى حسب اللي انتي تطلبينه لان يوروونج مثل المنيو وانتي تختارين المساج الي تبينه وعلى حسب السعر:eh_s(6):

 

[الشيخه شيخه]

خووووووووش موووووضوووووعــــــ
وعجبتني فكره الكوبونات
وهديتي ميدالية تلفون بس تكون مميزه
او مجموعه افلام dvd اذا كانت مدمنة افلام
مكياج جم حمره او جم شدو مع كحل او
تسوين بكج يعني مكياج كامل وتقدمينه
هذا اللي عندي

 

[black_rose]

يسلمو

 

[toffa7a]

خوش موضوع

للرفع

 

[omajiad]

للرفع

ياريت أفكار حق بنات بسن المراهقة

 

[مسك حياتي]

الصراحه موضوع حده عجيب اشكرج عليه

اممممم اعتقد احنا لازم نعرف اللي نبي نقدم له الهديه شنو يناسبه مثلا في ناس تحب تشرب كوفي وايد حلو تهدينها كوب كشخه و يكون عليه اسمها
وذا كانت رفيجتج او اختج و تحب تطبخ اشتريلها طقم سفره راقي و حلو و اذا اخوج اهديله مداليه كشخه او بوك و اذا الوالده عسى الله يطول بعمرها اهديلها بخور و اذا ناويه تهدين الوالد و الوالده حلاتها تذاكر للعمره و سلامتكم

و اشكرج مره ثانيه يا صاحبه الموضوع لانه فكرتج وايد وايد حلوه _03ba: