افكار لحفله العزوبيه

[زهرة الشموس]

ماادري احس الفكره تقليد للغرب خاصة (حفل توديع العزوبيه)


والله يوفقها بزواجها

 

[frasha.q8]

الله خوش فكره
انا سوولي قبل لا اسافر بس ماكنت ادري كااان صج وناسه
خلوها مفاجأه لاتخلونها تحس بشي
اممم يبولها كيكه على شكل عروس وبالونات

 

[kAmMoOnH]

الله يوفقها

 

[حياتي ربيع]

اسمعي حبيبتي ،،، حنا قبل فترة سوينا حفلة توديع عزوبية لصديقتي ،، قسمنا الشغل بيني وبين أختها طبعا جبنا كيكه مطبوع عليها تصميم أنا صممته بالفوتوشوب كان مثل ورقة الروزنامه بس كتبنا فيها تاريخ زواجها بالعربي والانجليزي والشهر وبالنص حطينا صورة يدها لمن زوجها لبسها الدبلة بالملكة ،، ومن تحت حطيت صورة عروسه ومعرس وكتبت أسمها واسم زوجها ومن فوق مكتوب happy wedding يعني زواج سعيد وطبعناها عالكيكه،،كانت مررره مررره روووعه للأسف لاب توبي مخترب وأنا ألحين داخل بلاب توب أختي وإلا كان نزلت الصور ،، وسويت بروشات بالجوخ على شكل عروسه ولبسناها كلنا وبالجدار حطينا حروف انجليزية تكون عبارة happy wedding وبالجدار الثاني سوينا لوحه بيضاء كبيييره بوسطها مرسوم عروسه ومعرس وعالجنب فاضي بحيث انو حنا نكتب اهداءاتنا لها ،،
ورسمت لها على تي شيرت أبيض عروسه ومعرس وطبعا هي ماكانت تدري سويناها مفاجأة فلمن دخلت المكان شغلنا زفة ولبسناها طرحه والتي شيرت على ملابسها يعني استهبال وترقصت ومررره انبسطت ولبسناها البروش مثلنا بعد وكانت حفله مررره حلووه واتمنى اني افدتك

 

[آلمآآآسه]

ماله داعي حفله عزوبيه وخرابيط الاجانب


الله يوفقها ويهنيها


سو مثل العشا البسيط وتجمعو كلكم

 

[شموخ روحي]

صورتها وهي توقع يوم الملكه اذا انتم مصورينها او وثيقة الزواج وهي ماسكتها

اعملوا لها فدييو جميل لصور لها وفي اغاني واناشيد كثير للمناسبه

بلونات وزعوها وكتبوا عليها , برضوا البلونه احشوها سؤال واي وحده نفسها بسؤال قولو لها واحشروها بالاسئله ..

واذا تبغي زياده خبريني ..