افكار زوجي

[فديت قلبهم]

سلام ابدخل بالموضوع على طول وابي اراكم منو اللي معاه حق انا وإلا زوجي الموضوع ومافيه ان قبل مده انخطبت حمات و ملكت ومحد قالي دريت من مرت حماي المهم طنشت وكأني ماتريد زوجي كان يدري من ايام الخطبه بس بتوجيهات من امه له ولأخوانه انهم مايعلمون حريمهم واحد من حمواي طبعا ماقدر يسكت علم مرته وطبعا اهي علمتنا انا قلت لزوجي ليش ماقلتلي قالي وش عليك منهم مالج شغل المهم يوم جيناهم انا لا باركت لهم ولاقلت شي بس حماتي اللي اصغر تقول حق مرت حماي اليوم دقت خالتج تبارك انا عطيتها طاف اللي حارني اني قبلها بكم اسبوع قايله لخالتي عن ملكت أختي وبعدين قعدت حماتي تسولف عن أختها وين بحجزون الصاله ومن هالسولف وانا اذن طين واذن عجين وطافت هالسالفه وعقبها بشهر تنخطب حماتي الثانيه بس هالمره زوجي على طول قالي حتى قبل يردون عليهم بس انا قلتله ماراح ابارك لامك لين اهي تقول طبعا محد كلف على خاطره يرفع السماعه انا صراحه ماهمني لأني ابي الفكه منهم دايم يقلبن راس خالتي علي وامس كانت ملكت اخوي وانا حاطه بالي اني ماأقولها بس كنت اكلم اختي الكبيره وقالتلي خليك احسن منهم وقوليلها وشوفي ردت فعلها صراحه بعد نقاش انا وأختي وافقت ودقيت على خالتي وقلتلها تدرون انها انصدمت وكان ردها بارد وزوجي يوم قلتله قالي ليش تقوليلها المفروض تسوين مثل ماسوت فيك بصراحه قالي كلام ماينقال انا قلتله كلآ يعمل بأصله وطلعت وخليته ها ابي ردودكم اللي سويته صح ولا لا*

 

[غمزه وإبتسامه]

كبري عقلج وماعليج منهم

 

[iLLuMinaTion]

كبري عقلج

 

[أأأحبه]

الى سويته عين العقل
انتي لاتباركي الا لما تدري منهم ,, بس مناسباة اخوانك وقرايبينك اعزميهم عليها وصيري احسن منهم
صارلي موقف شبيه بكذا حملت وحده من حريم حمياني والكل عارف الا انا وماباركت لها ولاااا شششي
لأنها ماقالت لي ,, ولا زوجها قال لزوجي
فاطنشت

 

[الدلوعه2008]

كبري عقلج للي ما يعلمج لا تعلمينه راح تسمع من الناس وراح ما يحتياج تقولين لها

وريحي نفسج اهم شيء زوجج ادام قالج عادي اهم شيء عندج رجالج

واذا امه راضيه ولا مو راضيه شيء يرجع لها وانتي بس للي عليج وجبتها وسويتي للي عليج ​

 

[Om_Ksha]

غلط زوجج يقولج جذي مهما كان هاذي امه ،، انا ريلي اب اي موضوع نتطرق فيه ايني من ناحيه الدين والشرع وهذا احلا شي،،

 

[انا لحبيبي .]

كل بيت اله خصوصياته ، مو شرط لانك ( الجنه ) لازم تعرفي كل شي حبيبتي

( الجنه ) عليها ببيتها وبزوجها بس مو بيت اهل زوجها كمان ،، مع احترامي الك هاي وجهة نظري

وهمي حرين ما بدهم يحكو لحريم ازواجهم ، وهي ما حددتك بس انتي

هي حددت الكل

وانتي حــره من ناحيه اخوكي ،، وسويتي بااصلك

الله يهدي البال ويصلح الحال​

 

[MiSS B.K]

اللي سويتي صح
وخليج انتي العاجل

 

[شموسة كيوت]

عين العقل

 

[Miss Chanel]

خلج احسن منهم
وكلن يعمل بطيب اصله

 

[المتميزة@80]

مو ضروري الخالة تقول حق جناتها كل اللي يصير عندهم , وبعدين يمكن ينشرون الخبر ويصيير شي وتتكنسل السالفه عشان جذي مايبون يقولون لين يصير كل شي تماااام

ومافي داعي تاخذين بخاطرج ’ احسها سالفة عادية يعني ’ ومرده بيقولون لج انتي وحريم الحموان الباجي ’ يعني ما فضلت احد وقالت له وخلتج عرفتي

وسالفة انها يوم درت بملجة اخوي ردت ببرود , يمكن حست انج تنغزين عليها او شي يعني لاتظنين فيها بتم اهي مره عوده وحسبة امج

حبوبة لاتتضايقين ولا شي .

 

[ذات الهمة العالية]

غلط زوجج يقولج جذي مهما كان هاذي امه ،، انا ريلي اب اي موضوع نتطرق فيه ايني من ناحيه الدين والشرع وهذا احلا شي،،

عجبتينى يا أم كشه

والله فى حموات وخالة ينحطون على الجرح يبرى ويقفون مع زوجه ولدهم حتى لو ولدهم سنع وعلى صح ما يبون إلا الخير

بس بعد مدة زوجة الولد مااا كان جاها خير ناكرة للجميل الحمد الله الذى عافانا ممن ابتلاهم ربى

 

[Beauty is Me]

عادي احسني النيه واهيا ما فرقت بينكم ما قالت حق اي وحده من الجناين فلا تاخذين الامر محمل شخصي ولا تدققين زياده عاللزوم ترا بتتعبين

 

[" ام حمود "]

زين اللي سويتيه بس حبوبه شتبين بعوار راس ولويه ومشاكل
الله يخليج خري عن مشاكل وجابلي ريلج احسن اللي تبي تقول تقول يعني ماوقفت حياه عليهم ..
طنشي احسن شي وع قولتج كل واحد يسوي ع حسب اصله وانتي سويتي ع حسب اصلج وبلغتي خالتج

 

[هاناا]

زين الي سويتيه


الكل يعمل بأصله

بالاول و الاخر راح يدرون بخطبة اخوج

قولي لهم احسن

 

[قلبي سلومي]

خل يولون وكبري عقلج

مو لازم تعلميهم خلهم مثل الناس يدرون من بعض



وخلج باردة

انا حماتي انخطبت ورفضت وما احد درا اسمع اخبارهم من الناس

وحماتي الثانية حامل معاي سبحان الله ولادتها بعد ولادتي بيومين ولا بلغوني

دريت من مرت حماي ولا جكتها ولا بلغوها قالت لها شكلج حامل وماقالت ترا انا حامل

بسوي مثلهم ولا فوق عيب هم قوات عين يتشرهون علي

طنش عش تنتعش

 

[يكفيني حنانك..]

كيفهم ذا هم مايبون يقولون لك انتي ماعليك منهم علموك ولا ماعلموك براحتهم الزم ماعليك زوجك

 

[فديت قلبهم]

كبري عقلج وماعليج منهم

مشكوووووره على مرورك

 

[فديت قلبهم]

الى سويته عين العقل
انتي لاتباركي الا لما تدري منهم ,, بس مناسباة اخوانك وقرايبينك اعزميهم عليها وصيري احسن منهم
صارلي موقف شبيه بكذا حملت وحده من حريم حمياني والكل عارف الا انا وماباركت لها ولاااا شششي
لأنها ماقالت لي ,, ولا زوجها قال لزوجي
فاطنشت

مشكوره اختي وهذا اللي بيصير

 

[فديت قلبهم]

غلط زوجج يقولج جذي مهما كان هاذي امه ،، انا ريلي اب اي موضوع نتطرق فيه ايني من ناحيه الدين والشرع وهذا احلا شي،،

حبيبتي اولا هذي تربيتها وانا اللي علي بسويه
بالعكس دايم اذكره بواجباته تجاه امه
بس المشكله ان عندها بنات اللهم ياكافي دايم يفرون راس امهم علي