افكار حق اللاصفي (ساعدوني)

[عمشه المنتفشه]

السلام عليكم


شلونكم يا ابلات؟؟ عساكم بخير؟؟


تكفون طالبتكم لاتردوني


الله يسلمكم انا معلمه ج وعلي 3 لاصفيات بالاسبوع وحده منهم حركيهوانا ماواطن ولا اعرف للاصفي خاصه المرسم ولامره قدمته ولا اعرفله وانا مستوى 2



تكفون عطوني افكار حق الاصفي غير القصه والحركيه والمكتبه ابي شي سهل وممتع

ماقصرتوا ويزاكم الله خير

واذا كنتي متزوجه الله يسخرلج زوجج ويعمي عينه عن اي وحده ومايشوف احلى واحسن منج

واذا كنتي بنت الله يرزقج الذريه الصالحه والريل السنع اللي يحبج ويصونج يااارب

 

[علويا الحلوة]

عندج استنبات

تجارب علمية

بيئة


تعزيز العدد


تعزيييز الكلمة



نشاط رياضي غير الحركية


هذا الي عندي


و أتمنى ان اكوون فدتج

 

[عمشه المنتفشه]

مشكوره حياتي


بس شلون رياضي غير الحركيه؟؟؟

 

[غاية الكيف]

ممكن تسوين لهم بالمسرح تمثليه من اداء الاطفال عن الخبره

أو

ممكن سينما عن طريق الشفافيات




-------------


شنو يعني رياضي غير الحركيه؟؟؟

 

[دنياك دنياي]

استنبااااااااااااااااات اسهل شي انصحج فيج

 

[أم سعـود]

امبيه لعبنا لعب بالاستنبات اينن والله وناسه

وعندج عرض بالداتا شو يعني سينما وتسألينهم أسأله بسيطه وتعطينهم هدايا

 

[علويا الحلوة]

هلا والله حبايبي النشاط الرياضي انا دايما اسوييه مع أطفالي

و هو عبارة عن منبهه بسيط عن الرياضة او الأكل المفيييد و بعدييين تشرحيين لهم الحركات الرياضية مثلا حركة المعده حق شنوو
المشي حق شنوو يعني توصفيلهم التمارين الرياضية
و حلوو اتسويين بطاقات فيها التمارين و تشرحينها شنوو فايدتها و حق شنوو انسويها

و بعديين اتسوييين مرثوووون داير مدار الروضة تقريبا 10 دقايق

و بعدييين تمارين احماء

و بعدين تمارين استرخااااااء


و خلاااااااااااااااص ملااااااااااااااااااص


هذا النشاااط وايد تستانس منه الناظرة لما اتشووفنه قاعديين نلعب و نتمشى بالروضة

و اليهاااااااااااااااااااال يموتووووووووون علييييييييييه

جربوووه و قولولي شنوو يصير معاكم


ترى هذا اقتراح اقترحته على المشرفة السنه الي طافت و كلمت الموجهه و وافقت عليييييييييه حق الاصفي

 

[علويا الحلوة]

و عندج بعد حبوووووووووبة تقدريين اتسوييين قصة​

 

[عمشه المنتفشه]

مشكورين يعطيكم الف عافيه

بس ميخالف تحملو اسألتي



يعني خبرة الحاسوب شلون استخدم الاستنبات؟؟؟

وكل مره نفسالشي؟؟


انا اللي اعرفه ونسويه حبوب الفول بالقطن وبس

 

[om retaj]

أنا معلمة مثلي مثلج قد اصيب وقد اخيب بس جاتني فكرة يمكن تحبينها

تقوموين بعمل علامة استفهام كبير على طبق وبطريقتج الحلوة تحاكين الأطفال عندي لكم معلومة جميلة وهي موجودة على جهاز الحاسوب أو تقنين مع الأطفال ( ماذا يوجد داخل الحاسوب ياأطفال ماذا يوجد؟؟؟؟؟؟؟؟؟..................تمهلوا تمهلوا لنرا) قصة عن الاستنبات وبعد ذالك الذهبات إلى حديقة الروضة وعمل الاستنبال ..........وهكذا ولا ننسى الاجتماعي من خلال الزراعة وري النبات وعدم القطع أي سلوكيات تتخلل الدرس ويليت يكون قد اعجبك يا عموشة

 

[معلمة متقاعدة]

عمشة انا عندى كتاب اللصفي

فية طرق كل لاصفي وبيفيدج

طرشي مسج وما يكون خاطرج الا طيب

 

[عمشه المنتفشه]

ام رتاج ماقصرتي حياتي والله خوووووووووووش فكره يزاج الله خير

 

[عمشه المنتفشه]

معلمه متقاعده


ماقصرتي حياتي وانشالله يفيدني الكتاب

 

[عهود الحب]

الحروف الابجدية عن طريق مجسمات ويتعلمون الحرف ألف مثلا
وحيل حيل يحبونه الاطفال
اللاصفي الديني او الاسلامي
قصة مصورة وتتعلمون منها سلوكيات اسلامية
مشروع فني
مرسم
مطبخ
حركية
قصة
عروض ضوئيه
سينما
على قولة الاخت رياضي
بيئه ومولازم تكون درس كامل ممكن تكون حملة تنظيف لمرفق من مرافق الروضة
الي تبين تسوينه سويه


مولازم تقليدي فكري فكرة مبتكرة وطبقيها بعد موافقة المشرفات عليها

 

[شباصه ريش]

تفسير اية الخبره او حديث شريف عن الخبره
مطبخ

 

[ملاك-77]

تعزيز عدد او كلمه

مطبخ

مرسم

بيئة

مصلى

استنبات

تجميع اوراق الاشجار المختلفه المتساقطه من الحديقه

نشاط رياضي

حملة تنظيف الساحات الخلفيه

سينما فيلم تربوي

كثيره بس لازم موافقه المشرفه

 

[المرام]

نشاط ابداعي
ان تاخذي لعبه وتبتكرون اشلون تلعبون فيها بطرق متنوعه
بس لازم اللعبه تكون كميه بحيث يشتركون فيها كل اطفال الصف

 

[المناهل]

ممكن الالعاب الشعبة مسابقات مرتبطة بالخبرة

 

[عمشه المنتفشه]

لاخلا ولاعدم يزاكم الله الف خير

 

[*أم*خالد*]

ألعاب تربوية اتييبين لعبه من عندج وتوزعينهم مجاميع وتوزعين عليهم الألعاب يلعبون فيها وحده او 2 من عندج والباجي من الركن