افكاركم لتدبير ميزانية البيت

[q8tyah]

السلام عليكم

بنات ابى افكاركم لتدبير ميزانبة البيت خاصة ربات البيوت ؟

تونى ماسكة ميزانية البيت وغشيمة بهالسوالف ماعرف اتصرف وماخذة دكتوراه بالتذبير وتفسفس الفلوس

قلت احط هالموضوع جود تطلعولى قلب

عندى 380 تهقون تكفى

ماجلة بيت

ومصروف عيال من لبس لانى احب اغير لعيالى كل شهر واطلعهم كل اسبوع

ومصروفى وبانزينى والصالون ولبسي

عندى خمس عيال وخدامتين غيري انا وابو العيال يعنى الماجلة جايده

بنات اشلون اقسم الميزانيه انا مابى اوفر منهم عندى مصدر ثانى وفاجتله حساب توفير

وعندى حساب ثانى حق الطوارئ مخليته حق ملابس الاعياد وبداية المدارس والملابس ملوت بداية الشتا والصيف

بس ابى هال380 اشلون اتصرف فيهم لادارة البيت كل شهر يعنى لو اقسمهم على ظروف اشلون الطريقه وجم احط

 

[تروبيكانا]

صباح الخير
اختي يعتمد انتي جم مره بتروحين الصالون سيارتج جم تفولينها
يعني لو قلنا مثلا تفولين سيارتج ب4 دنانير حسبي بالشهر 4مرات او زيدي شوي يعني 20 بانزينج يبقى 360
60 تكفيج للصالون يبقى 300
عيالج الله يحفظهم موشرط كل شهر لبس يديد كال شهر مثلا اشتري حق اثنين منهم والباقي الاشهر اللي بعدها والاثنين خصصي لهم مبلغ 60
يبقى 240 اذا ماجلتكم عاديه يعني لاتكثرين مثلجات واشياء جاهزه اعتقد 140 كلفي ويبقالج 100 تكفيج؟؟؟
هذا اللي قدرت اقسمه لج وانتي ادرى بظروفج والله يبارك برزقكم

 

[كلنا عشاق لكن]

رد : افكاركم لتدبير ميزانية البيت

50 د إسبوعيا ماجلة وبانزين ومنظفات =200 د
150 سوق وطلعات وصالون
الطريقة
إسبوع سوق وصالون وإسبوع طلعة تماشي
صاروا 4 طلعات بالشهر
مرة سوق ومرة طلعة إتونسهم الله يحفظهم
غير طلعات الماجلة والكمية الإسبوعية عشان كل إسبوع إتنوعين ومايتراكم بالثلاجة
30 د مابين اغراض للخدامات وتوست وخبز وأغراض بقالة مصروف بالمختصر
وممكن إتعدلين الحسبة باللي يناسبج ماجلة 45 إسبوعي أقل أكثر براحتج
وفيه بعد نظام المصروف الشهري لكل واحد بروح من تسوق وطلعات ومطعم فتعرفين مصروف كل واحد إسبوعياا

 

[كويتيه وافتخر]

رد : افكاركم لتدبير ميزانية البيت

انا اقول اشتري من الجمعيه كل اسبوووع

حددي اللي ناقص بورقه واشتري كميه تكفي اسبوع الى عشرة ايام واخذي تاريخ اليوم


اتوقع خمسين كافي

كل اسبوع

يبقى 160

الصالونات عندهم اشتراكات بالهبل
اتوقع ثلاثين دينار اشتراك بالشهر كامل حمام مغربي وبدكير ومنكير وحف اشتبين بعد ؟؟
يبقى 130

العيال طلعيهم القهوه الشعبيه كل اسبوعين مره وحطي ميزانيه ماتتعدى 15 دينار كافي

يبقى 100

كل اسبوع عبي بنزين قولي خمسه هذي عشرين دينار بالشهر

يبقى 80

عيالج خمسه الله يبارك فيهم
حطي ميزانيه كل واحد عشره شوفي شاللي ناقصهم واشتريه واحد يبي بدله هالشهر لاتتعدى العشره مافي مناسبه
واحد يبي جوتي روحي النصر الرياضي يهبلون على 3 واربعه

وسمي بالله وتتبارك الفلوس راح تكفيج

 

[q8tyah]

تروبيكانا .. كوييه وافتخر .. فلانه القاسمى

مشكورين على الردود حبايبي

بالنسبه لى انا مااقط عالماجله وايد يمكن 150 والبنانزين 15 قريبا والصالون 15 تقريبا

بس اللى اكثر شي يرهق ميزانيتى الملابس والطلعات ومصروف الجيب ماناى عارفه اسوى كنترول عليهم