افطم ولدي عن الرضاعه شلون ؟؟

[غنوة ستايل]

السلام عليكم
بنات الحين ولدي شهر 8 يصير 2 سنه
يعني لازم افطمه من الحليب ( الرضاعه )
بس والله مو عارفه الطريقه .
الحين شوفوا معاي
اهوا بالنهار كلش ما يسأل عن الرضاعه وما يبيها
بس بالليل وهو نايم يبجي اعطيه رضاعه يشربها كامله ويرجع ينام مع العلم اني احط له حليب ( كي دي كاو ) ويحبه حيل يعني مو حليب البودر مال الاطفال .

عقب ساعتين يرجع يبي رضعه ثانية .

وهكذا مني للصبح قولي يشرب 4 قواطي حليب كي دي كاو وهو نايم .

بالنهار يتغدا وياكل اكل طبيعي ما عليه وما يسأل عن المصاصه او حتى الرضاعه

بس بالليل يدور مصاصه ورضاعه واذا ما خذاهم يقعد يبجي .

الحين شسوي ؟؟

علموني الطريقه اللي اخليه يقلل الحليب او يقطع الرضاعه .. وله توه صغير ؟ ما ادري الناس تقول توه صغير خليه يشرب حليب بس سنتين ويشرب ( مميه ) مو ما يصير !

 

[انسام الكويت]

عطيه رضعه وحده حليب وبس تكفي ليش تعطينه اربع رضعات بالليل اسم الله عليه كبير

واذا تبين تقطعين عنه الحليب قبل لا ينام لاتشربينه الحليب بالرضاعة خليه يشربها بنفس العلبة

وتالي نوميه وبالليل اذا بجى يبي رضعه عطيه طاف بيبجي ويأذيج جم يوم بعدين بيتأقلم وبالنسبه

حق المصاصة يا انج تقصين راس المصاصة وتقولين له خلاص راحت المصاصة بمكان بعدين يعني ألفي قصه

او تحطين عليها لومي اسود وخليه يمصها بتلوع جبده ويقطها تدريجيا

 

[ملاك ^ الحب]

اذا كان اكله بالنهار زين خليه قبل النوم يشرب الحليب العادي مال اليهال لان دسم شوي يشبعه خليه يشربه بقلاص وبعدين خليه ينام قوليله انت صرت كبير وانت شربي معاه قوليله نسوي مسابقه منو يخلص قبل راح يتشجع يشرب معاج

لاتعطينه حليب قواطي لان مايشبع عشان جذي اسم الله عليه يشرب 4 قواطي عطيه حليب بروجرس دسم شوي كنت اعطيه بنتي وهم جذي قبل لا تنام اخليها تشربه بقلاص

بس بنتي ماكانت تاكل بالنها ر كلش فقطعت المميه عنها 3 سنوات انا مايهمني كبير صغير مارده بيقط المميه

ماعليج من الي يقول كبير اهو قاعد يشرب حليب واخرته بيقط المميه

بس سوي نفس ماقلتلج وشوي شوي خليه يشرب بقلاص واذا بعدين بنص الليل يبي رضعه عادي سويله

بعدين كل ما يكبر تشوفينه القلاص يشبعه خلاص

بس اذا ماياكل بالنهار انا اقول لا تقطعين المميه عنه

وانتي كيفج

انا امي ماترضى اقطع المميه تقولي خليها اهيا بروحها راح تحس انها كبيره وتستحي تشرب مميه جدام احد راح تكرها وصج والله بروحها اسم الله عليها قلتلي مابي انا كبيره وانا بنتي ماتاخذ مصاصه

 

[طيبة83]

حبيبتي حليب الكاكاو في الليل مب زين كله شكر يخرب اسنانه

بدليه بحليب عادي

وتالي شوي شوي قليليه او بدليه بماي

 

[غنوة ستايل]

حبيبتي حليب الكاكاو في الليل مب زين كله شكر يخرب اسنانه

بدليه بحليب عادي

وتالي شوي شوي قليليه او بدليه بماي

لا مو حليب كاكاو ما اشربه هذه الاشياء
اللي يشربه حليب عادي نص دسم ماركته كي دي كاو

 

[زين ودلال]

انا بنتي مو ناويه اقطع عنها الحليب احس توها صغيره والحليب مفيد لها حيييل لانها ماتشربه الا بالمميه

وهم بنتي شهر ٨ تكمل سنتين

عالاقل سنتين ونص اقطعها

بس المصاصه قاطعتها من زماااااان حطيت عليها مره نقعتها بمره عددددل لما حطتها بحلجها على طول قطتها تقولي ماما هدا خايس وردت لها عقب حسبالها بيتغير الطعم لقته نفسه فا كرهت المصاصه حييييييييل الحمدلله

 

[أم دانـــة]

دام انه مايشرب حليب الا لما ينام خليه احسن
الحليب مفيد حقه خليه يشرب ما عليج
انا ولدي ظل يشرب حليب بليل لغايه ثلاث سنين
بالعكس هذا شي مفيد حقه

 

[noo7a]

انا سمعت ان خطر و موزين يشرب الحليب و اهو نايم

انتي عطبه حليب شوي يكون دسم يشبعه قبل لا ينام مثل ماقالو البنات
و لي.قعد بنص نومته شربيه ماي
يبلل ريجه فيه و يرجع ينام
ترى مو شرط يكون يوعان يمكن عطشان والحليب ترى يعطش
فعوديه لي قعد يشرب ماي و دبكيه شويه ليما يرجع ينام و ترى كله عالتعود

 

[طيبة83]

لا مو حليب كاكاو ما اشربه هذه الاشياء
اللي يشربه حليب عادي نص دسم ماركته كي دي كاو

اهاااا

بقولج انا صديقتي خذت شاي خشن ونثرته داخل المميه مع الحليب طبعا بدون ما تطبخه

وقالت لبنتها وع نمل داخل

بس يخوفج تسوين له ويكره الحليب خير شر

 

[ملاك ^ الحب]

خليه حبيبتي انشالله لين ثلاث سنوات عادي

الحليب يغذيه ويكبره