افضل مانع حمل للعروس

[مياسة44]

السلام عليكم ورحمة الله وبركاته ،،







عرسي قرررررررب ومحتارة في موانع الحمل !!!!

والمشكلة الكبيرة ان ماكلم زوجي بس شفته رؤية شرعيه وبالمجلة !!

مادري شبسوي ساااااااعدوني شوروا علي

انا مابي احمل لاول 3 اشهر على الاقل وبعده اذا سار حمل مو مشكلة

بس اعيش حياتي بشهر العسل

بما انه قسم حوامل واغلب اللي يدشون القسم حوامل اكيد عندكم خبرة لاترودني :eh_s(11):

 

[sosowaty]

و عليكم السلام و رحمة الله. و بركاته

اول شي ما يصير تاخذين هالحبوب من ورا ريلج

ثانيا انتي ماتدرين اذا بتحملين و لا

ثالثا سالي اي دكتور و راح يقولج ممنوع منعا باتا للعرايس الحبووب

لان تسبب العقم الله يبعده عنا

و رابعا لا تقولين هالكلام مو زين لج ترا انا كنت اقول نفس كلامج و ما حملت الا بعد سنه و انا ادور الحمل

و اخيرا الف مبروك و عسالله يتمم عليكم ع خير و الله يوفقكم

 

[ليمونة وزيتونه]

ماانصحج اذا الله كاتب لج راح تحملين

 

[غرومه غنوجه]

الحمل الله يكتبه مايصير نمنعه لان هذي نعمة من الله <<< بوجهة نظري
وحبوب منع الحمل تسوي عقم للي توها متزوجه ومو حامل من قبل اساسا مايمدحونها للي حملت ويابت اعيال شلون للي توها تزوج تاخذهم

وانتي كيفج ثاني شي هل شي مايصير تقررينه بروحج الحياة زوجيه اتفاق واشتراك براي واحد وراي الريال اهو الي يمشي
وبشطارتج انتي تقنعينه بالي تبينه بس من كيفج تصرفين مايصير حتن مايجوز شرعا

انا هذا الي عندي واعرفه وانتي كيفج

بس العيال نعمه وبعض الناس يدورون العيال ويتمنونهم تمني فلا تجحدين نعمة ربج
عسى ربي يرزق كل محروم ومحرومه بالذريه الصالحه ان كان اجل يكون عاجل باذن الله الواحد الاحد
ويسهل حمال الحوامل ويقومهم بالسلام ويقر عينهم باعيالهم وتكون لهم الذريه الصالحه
اللهم امين يارب العالمين

ربي لاتذرني فردا وانت خير الوارثين

 

[! بــدويه وآآيــد !]

،



لاحبيبتي انا معاج اخذي حبوب منع حمل
انتي داشه على واحد ماتعرفينه ماتعرفين طبعه واخلاقه بالله لقطتي من اول شهر وما اتفقتوا لاسمح الله
تنفصلين بدون عيال احسن من انج تنفصلين وانتي حامل
وواجد واجد واجد قريت مواضيع لعضوات حملوا بسرعه وتطلقوا واهم حوامل او بالاربعين
والي حملت وزوجها طلع يكلم او يشرب او يطقها او او او

نصيحه اكلي حبوب منع حمل وخشيهم بمكان مايقدر يوصل له مثل جنطة ايد شقيها من داخل وحطيهم فيها
وارا طلع خوش رجال ويستاهل تربطين روحج معاه اقطيهم واربطي روحج معاه عسى الله يتمم عليكم

وبعدين انتي عروس استانسي لاتدش وحده تقول العيال مايحرمون من الوناسهةامبلى يقيدون حييييل
والجسم شفتي جسم الحامل؟ سمار وخطوط استانسي بجسمج خليه يتمحلق ويستانس فيه بعدين احملي
ترى الايام الي قبل الحمل ماتنرد بعد الحمل
الرجال اول الشهور يبي الريحه الحلوه والتفصخ والكشخه والحركات مايبي يدش على وحده ترجع وتنسى ولايعه جبدها!
واستانسي وونسي زوجج وتجرأي معاه بالفراش وشبعيه ترى اهو متزوج عشان هالشي بالبدايه لاتحرمينه من هالشغله
اذا حملتي من اول شهر بتكونين توج بحياج وثاني شهر ترجيع ولوعة جبد و٩ شهور يالله تشيلين روحج وينوالعروس الي يبيها؟؟ ماشافها ولاشبع منها

انا هذا رايي والله يوفقج يارب

 

[Zaina-al-zaina]

حبوبه

اللي تفكرين فيه يعتبر خطوه صعبه بحياتج !

وهذا دليل على تشائمج بالحياه اللي بتعيشينها !!!

اهوا حلو تقعدين جم شهر مو حامل عشان تتعرفين على ريلج عدل وعشان تستانسين باول حياتج !

بس الخيار هذا يحطج جدام تحدي واااايد كبير ...!!!

اللي اهوا خطر العقم لاسمح الله او التاخر في الانجاب !!!

سئلي نفسج ، اذا اخذتي المانع ... انتي قد هالشي !!!

والا بتتندمين بعدين !!!


استخيري احسن وكثري دعاء ان الله يبارك لكم في حياتكم !!!

والله يوفقج ويستر عليج ويهنيج ....

 

[ضحاوي الديره]

يابنااااات ترا ندري ان العيال نعمه من الله
بس اهيا توها عرووس وداشه ع حياة يديده مع ريال ماتعرفه عدل شلون تربط نفسها فيه جذي من الباب للطاقه !!!
انا ياقلبي كليت حبوب وانا عرووووس لمدة ســنه كااااااامله
ماهديتهم الا قبل عيد زواجي بجم يوووم
والحمدلله حملت بعدهم على طووووووووووووول ماشفت الا دوره وحده ومن بعدها حملت ماشالله تبارك الرحمن
والحين عندي نتووووفتي عمره شهرين 
كليت حبوب ياسمين وحتى الحين بعد الاربعين قاعده اكل ياسمين لانها اخف نوع وماتسمن واذا تركتيها ماتسبب عقم وبلييييييز لاتدخل وحده تتفلسف ع راسي هذا الكلام ماخذته من اكثر من دكتووووور مو يايبته من عندي
اكلي حبوب يايبه واستانسي بشهر العسسسسل وعيشي حياتج امبي تصوري تحملين من اول شهر !!! ومن الشهر اللي بعده تبدين مراجعات وروحات وردات ونساااااااة وترجيع ولوعة جبدددددد
استانسي بجسمج قبل لايخرب وونسي ريلج وسافرو واسهرو وهيصووووو والبسي على كيييييف كيفج ولاحقين ع الواق ويق انشالله
البيبيات صج نعمممممممه فديتهم بس ترا تعب ومسئولية وسهر ويقيدووووونج حيل
واللي ربي كاتبه بيصييييييييير لو ربي كاتب لج الحمال بتحملين انشالله سواء مع المانع ولا بعده
بس ترا لازم تروحين لدكتوره تفحصين وتأكدين ان مافيج شي لاسمح الله مثل تكيس او هرمون حليب او او او ....
تالي اكليها وتوكلي على الله ومبرووووووووك ياعروووصـاا 

 

[حآلية الذوق ~]

ماعندي فكره

بس قبل لا تاخذينها سوي تحاليل وسالي الدكتووور

ومبرووك

 

[الـخـشـفـ الـنـداويـ]

بالعكس اكلي عادي موعشان انج ماتبين بيبي بس عشانج ماتعرفين الرجال
ولا تدرين اهو زين ولا شين

وان شاء الله يطلع زين وتقطعينا الحبوب :*

 

[بسانت]

اولا اللي نسمعه ان الحبوب تسبب عقم للي ماجابت قبل
ثانيا كثرت حالات تأخر الإنجاب بوقتنا هذا شدراج انج بتحملين الله يكافيج الشر
وبعدين واجد بنات احملو من ليلتهم وما اثر عليهم طلعات ووناسه وقز
بسمك كسال بنات مرتاحين ببيت أهلكم عشرين سنه

والله يوفقج ويسخر كم لبعض

 

[أكذب عليك]

انا قبل عرسي كان ودي اخذ بس خفت صراحه كان باقيلي عالتخرج كورس فخفت
انه ماتخرج ومن هالكلام وسبحان الله تزوجت وقعدت ٨شهوو وحملت بدون شي لاحبوب ولاغيره
والحمدالله كنت مستانسه بهالفتره ويوم حملت استانست اكثر 


حبوب منع الحمل احس مجازفه اخذها بداية الزواج
واللي كاتبه لج ربج بيصير

انا توني والاده ودكتورتي كتبتلي حبوب ياسمين بس بروح اسوي تحاليل بشوفلي
حبوب ماتمتن وماتأثر ع شعري ولا عالرضاعه لانه الحبوب من وحده لي وحده غير


والله يكتبلج اللي فيه الخير*

 

[ٱستۆطنت خٱفقهْ]

الله يوفقچ


مادري شنو وضعج

بس بكل الحالات اخذيهم تحت اشراف دكتوره عشان تكونين بالسليم


انا كنت افكر جذي بس خفت وماخذيتهم

وما حملت الا عقب ١٠ شهور وسقطت والحين حامل الله يفرحني بشوفة اللي ببطني ~


وماقدر اقول غير الله يوفقج ويسعدج