افضل انواع القطط..للنقاش

[hamos]

السلام عليكم ورحمة الله وبركاته

حبيباتي خبيرات القطط انا معزززمه انشالله راح اشتري لي قطوه اهتم فيها واربيها

بس بما اني ماعندي خبره في هالمجال عندي كم سؤال طبعا المواضيع اكثر من رائعه في هالقسم مفيده جدا بس مالقيت فيهم بعض الاجابات

عندي سؤالين:

الاول: شنو افضل فصيله من القطط من ناحية النظافه والسلوك؟؟ وشنو الاحسن شعرها طويل ولا نوع شعر قصير؟؟ وشنو النوع اللي يكون فرندلي ولطيف وكيوت؟؟ في نوع محدد ولا؟؟

الثاني : شنو الافضل ذكر ولا نثيه؟؟ نفس الشي ولا غير واذا في فرق شنو هو؟؟

وبس
اتمنى حبيبياتي تفيدوني وادري انكم ماراح تقصرون انشالله​

 

[tnkora]

من ناحيتي انا احب الهملايا والمون فيس

 

[tnkora]

النثيه. افضل. بس كل له. راي

 

[hamos]

من ناحيتي انا احب الهملايا والمون فيس

في سبب معين ولا عشان الشكل بس؟ اقصد من ناحية السلوك

 

[hamos]

النثيه. افضل. بس كل له. راي

افضل من اي ناحيه

بنات ارجوكم عطوني شرح لان ماعندي اي خبره يعطيكم الف عافيه

 

[صدع القلب]

بناءا على خبرتي المتواضعة ، أعتقد نوع القطو ماله شغل بنظافته المسألة مسألة حظ وتدريب ​

أما من ناحية طول الشعر ، هذي المشكلة يعاني منها أغلب مربين القطط ، الشعر القصير short hair وايد أنظف .. بس القطوة ام شعر طويل تونس أكثر :eh_s(22): ويصير شكلها غير عن ملوت الشارع...

أما بالنسبة للنثية والذكر ... أنا أفضل الذكر

النثية دلوعة أكثر واتلصق وفيها حنان ... بس عيبها لما تكبر الحمل والولادة وتكود عليج القطاوة ولوية ..

الذكر يلعب أكثرونشيط بس ما عنده دلع النثية ... عيبه إذا وصل حق مرحلة التزاوج وما زوجتيه يبدي يسوي حركات قرعة ويبول بكل مكان "تكرمين" وريحة بوله فظيييعه

مشكلة القطاوة عموما انهم يكبرون بسرعة ويدخلون مرحلة التزاوج ، من يدشونها يتغير كل شي ، وتصيرين جدام خيارين يا تدورين لهم قطو يتزوجونه ، يا تلجأين لعملية التعقيم " العملية متعبة للنثية أكثر من الذكر " وهذا رابط http://www.q8yat.com/t1067592.html

بالنسبة لي أنا عندي قطو "همالايا بلو بوينت مون فيس" ذكر واسمه blue عمره 8 شهور
وكنت خايفة من مرحلة التزاوج لا يأذيني فاستشرت دكتورته بمستشفى رويال البيطري ونصحتني أسويله عملية تعقيم ، وسويتها له والحمدالله الحين طبيعي ومستانس وانا مستانسة فيه .

أنا أحس ان القطو اهو اللي يختارنا يفزقلبنا على واحد معين وناخذه ، قبل لا تختارين قطوة دشي على مواضيع القسم المثبتة عشان ما يغشونج بالسوق ، وحددي العمر اللي تبينه صغيرة أوكبيرة ، و قبل لا تدفعين اخذيها الطبيب جدام السوق يجيك عليها اهم بالغالب يكونون وصخين ومرضي من قل الرعاية بس جيكي ان ما فيها امراض خطيرة

وبس إن شاء الله البنات يفيدونج اكثر وتحصلين القطو اللي ببالج

 

[Catino]

انا من رايي القصير احلا من ناحيه النظافه لان شفت تعب حيل من الطويل شعرها متعبه وخاصه لما تسوي باللتر "كرمكم الله "
و النوع من السلوك والشكل الراغ دول يججنن
اما اذا ذكر اونثيه انا اشوف من ناحيه التزاوج انا احب الكتنز و مستعده انها تولد عندي خخخخ واما الذكر يبي يرش بوله كرمكم الله
بكل مكان ومو مستعده انظف وراه وانتي ورايج ^^

 

[hamos]

حبيبااااااااتي بصراااحه استفدت كثييييييير من كلامكم شكككرا عالنصايح

حبيبتي catino ابغى اسأ عن راغ دول هل هي فصيله نادره ولا متواجده؟؟ انا في امريكا وراح اشتري لي منها وبحثت عن الراغ دول وعجبتتني كيوووت بس ابي اعرف يعني تتوقعين متواجده ولا نادره وسعرها عادي ولا نفس اسعار كل القطاوه

بنااات فيدووني بعععد ادري ماراح تقصرون هذا وقت حاجتي لكم لاتفشلووني

احبببكم

 

[lojeeen]

دام انج بامريكا الافضل انج تاخذين قطوه مسجله بالcfa تكون حاملة شهاده انها خاليه من الفيروسات و اللون و الجنس على كيفج المهم تكون اكبر من ثلاث شهور دامج جديدة على تربية القطط لان الصغيره بتحتاج مراجعات اكثر للبيطري

بالنسبة لطول الشعر انا اشوف الشعر الطويل شوي متعب بالعنايه بس يسوا التعب خصوصا انه حواليج وايد اماكن تبيع منتجات العنايه بالقطط فماراح تتعذبين دام تستخدمين شامبو و بلسم من النوع الممتاز و كريم مزيل للدهن المتجمع بالفروه مثل كريم الجوب و همن بتحتاجين لمجموعه من المشوط اللي اسنانها ضيجه و وسيعه

انا دايم اسوي طلبيات حق اغراض قطاوتي من امريكا انتي حظج كل شي حواليج بس مري على اي بت شوب و استفسري عن افضل المنتجات ^^

 

[hamos]

دام انج بامريكا الافضل انج تاخذين قطوه مسجله بالcfa تكون حاملة شهاده انها خاليه من الفيروسات و اللون و الجنس على كيفج المهم تكون اكبر من ثلاث شهور دامج جديدة على تربية القطط لان الصغيره بتحتاج مراجعات اكثر للبيطري

بالنسبة لطول الشعر انا اشوف الشعر الطويل شوي متعب بالعنايه بس يسوا التعب خصوصا انه حواليج وايد اماكن تبيع منتجات العنايه بالقطط فماراح تتعذبين دام تستخدمين شامبو و بلسم من النوع الممتاز و كريم مزيل للدهن المتجمع بالفروه مثل كريم الجوب و همن بتحتاجين لمجموعه من المشوط اللي اسنانها ضيجه و وسيعه

انا دايم اسوي طلبيات حق اغراض قطاوتي من امريكا انتي حظج كل شي حواليج بس مري على اي بت شوب و استفسري عن افضل المنتجات ^^

حبييييبتي لوجين شككككككرا عالمعلومه اللي عن شهادة ال cfa اي ومن نايحه البت شوب ويييين ماروح اشوف بوجهي محل شكبره وخصوصا محل سمارت بت اظن اسمه فيييييه كللل شي احتاجه واكثر

انا حاليا محتاره بين نوعين من القطط الراغدول والتي كوب شرايكم ؟؟

 

[Catino]

دام انتي بامريكا راح تلقين اماكن تبيع هالنوع الراغ دوول اهو عندنا بالخليج غالي بسس برا والله مادري xD
و بالتوفيق ان شاء الله تلقين اللي يعجبج ♥♥♥♥♥

 

[نجلاء العالم]

دام انج بامريكا الافضل انج تاخذين قطوه مسجله بالcfa تكون حاملة شهاده انها خاليه من الفيروسات و اللون و الجنس على كيفج المهم تكون اكبر من ثلاث شهور دامج جديدة على تربية القطط لان الصغيره بتحتاج مراجعات اكثر للبيطري

بالنسبة لطول الشعر انا اشوف الشعر الطويل شوي متعب بالعنايه بس يسوا التعب خصوصا انه حواليج وايد اماكن تبيع منتجات العنايه بالقطط فماراح تتعذبين دام تستخدمين شامبو و بلسم من النوع الممتاز و كريم مزيل للدهن المتجمع بالفروه مثل كريم الجوب و همن بتحتاجين لمجموعه من المشوط اللي اسنانها ضيجه و وسيعه

انا دايم اسوي طلبيات حق اغراض قطاوتي من امريكا انتي حظج كل شي حواليج بس مري على اي بت شوب و استفسري عن افضل المنتجات ^^

ممكن تعلميني عل احسن نوع شامبووبلسم للكتنز انا شريت من بيت زون بس بعرف منج وشكرا

 

[نجلاء العالم]

اتوقع اجمل واحل واغل قط بالعالم الفارسي

 

[lojeeen]

ممكن تعلميني عل احسن نوع شامبووبلسم للكتنز انا شريت من بيت زون بس بعرف منج وشكرا

اهلين نجلاء
يعتمد على نوعيه فروه شعر القطوه اذا قطوتج من النوع اللي تفرز كميه كبيره من الدهن و يصير الجلد فيه نقط سوده و احيانا يتهيج و يطيح منه الشعر بسبب تجمع الفطريات بهل حاله لازم تستخدمين لها كريم الجوب نفس هاذا

انا اشتريه طلبيه من امريكا

بس اذا فروتها عاديه و نظيفه استخدمي لها خلطه من شامبو جونسون و شامبو سيباميد بس ضروري تخلطينهم بماي حتى ما يلزق بالشعر و يسهل شطفه

اما البلسم في اكو امبولات من بانتين نفس هذول

تستخدمين وحده مع بلسم دوف تخلطينهم بالماي و تشطفين فيهم شعر القطوه بعد الشامبو
و الأفضل انج تغسلين القطوه بمغسله اليد حتى تسكرين البالوعه و تسوين لها مغطس راح يصير شعر القطوه ناعم و ماراح يتعقد :rerrerek: و الأهم من كل هاذا انج تمشطين شعر قطوتج قبل السبوح حتى الشعر ما يتربط من الماي بعدين بيصير صعب التخلص من الشامبو

 

[lojeeen]

اي و نسيت اقول انه في اكو شامبووات متخصصه حق الشعر الأبيض تشيل منه الصفار

و شامبووات حق الشعر الأسود تعطيه لون اسود موحد

و شامبووات حق الشعر البرتقالي

و أكو فوم شغلته يرفع الشعر الهامد يخلي القطوه متفوخه نفس القطط اللي تشارك بمسابقه ملكه جمال القطط و اكو سبراي يفجج الشعر المتخلبص يخلي المشط يتحرك داخل خصل الشعر مثل الحرير :eh_s(9):

 

[㋡ 3so0oLa ㋡]

^^^^^^^^^
كريم الجوب + الفوم اللي يتفخ + السبري احصلهم بلكويت ؟؟؟؟؟

 

[*q8ya*]

استفدت من كلام البنات مشكورين
​

 

[lojeeen]

اهلين عسوله
ممكن تلقينهم بموقع اسمه أريبيان تيلز بس المواقع الأمريكية ارخص اذا تحتاجين كمية لأكثر من قطوة

^^^^^^^^^
كريم الجوب + الفوم اللي يتفخ + السبري احصلهم بلكويت ؟؟؟؟؟

 

[mloook]

انا عدت فترة علي بس بدي بسة ياقلبييييي كتير صرت انق واسق على زوجي وما جابلي ههههههههههههههه

لكن بتعرفو منيح ماسمع مني صح حلوة انها تجي تغل فيكي وتصحيكي الصبح وتلعب معك لكن وقت الجد بدها تنظيف بدها اكل بدها عناية وغير مرضها واذا عملتها بالبيت كاكا او بيبي ييييييييييييييي قرف لا دخيلكون مابديييييييييييييي

عندي كناري بالبيت وكفاية خفيف نضيف وصوته عندي ياه بالدنيا كلها هههههههههه

لكن بحب القطط والله بس ماخرج اجيبها بالبيت وابتلش فيها

 

[dodo18]

up up