افز من نومي واتخيل ملك الموت

[كويتية تكفي مية]

السلام عليكم شلونكم موضوعي يضيق الخلق شوي سامحوني انتو خواتي وبفضفض لكم


مادري شفيني يابنات ماني قادره انام لانمت شوي فزيت تخيلت ملك الموت بياخذ روحي وافكر بالقبر واخاف حيل :eh_s(2):
واقوم استغفر واتوضا واصلي واقول انا مسلمه ان شالله ماراح اتعذب بقبري وبدش الجنه ان شالله بيشفع لي حبيبي
ولافزيت سيده اتشهد مادري ليش هالاسبوع صارلي جذيه يمكن لاني حامل واحاتي
بس انا ماحاتي الولاده اتخيل اني لانمت بموت حايشني ارق بالليل واخاف من الظلمه مع انا اساسا ماعرف انام وليت مبطل بس الحين الليل هذا ما انامه واقول لريلي حايشني ارق مستحيه اقوله اني خايفه
مع اني محتاجه احد يلمني ويقولي لاتخافين بس احس هالشي بيني وبين ربي مستحيه وايد اقوله

مادري ليش كتبت لكم هالشي بس جد انا حيل متضايقه

قولوا لي شسوي ؟

 

[جنوبيه07]

ان شالله فتره وتعدي فيه وحده كانت زيك وهي حامل تقول صرت اخاف انام وماعاد اصحى والحين مافيها الا العافيه
يمكن بسبب الحمل يمكن يكون اكتئاب وكمان وساوس من الشيطان علمي زوجك مافيها شي بالعكس لازم تشكين لاقرب الناس لك
وعليك بالصدقه والاستغفار
الله يتمم حملك على خير وتولدين ان شالله بالسلامه

 

[Nice Lips]

حبيبتي هدا وسواس من الشييطان توكلي على الله وتبين نصيحتي
انا كنت نفسج
كل مايتلي هالافكار اقوم اتوضى واصلي ركعتين
تخيلي ماقامت تييلي هالافكار كلش
جربيها وصدقين بتدعيلي
لانه الشيطان بيعدبج وانتي جدي بتعديبنه بالصلاة ف ماراح يوسوسلج يدورلج طريق ثاني

وعسى الله يوفقج ويريح بالج

 

[الريمـ اللعوبـ]

انا نفسج وصارلي علي هالحال خمس شهووور تعذبت والله تعذبت
كرهت النوووم بسبة هالشي واي شي يصير فيني لو دقة قلب قويه
اقول الحين اموت
ماكو مكان مارحتله اعالج اخر شي اكتشفت ان فيني نوبة هلع هذا اسمها العلمي
احس بضيق نفس ودقة قلب سريعه فجاه وبعدها بدقايق تروح والله حتي زوجي يتضايق مني
لانه صبر علي حييييل

عسى الله يفرجها علي وعليييج والبنات اللي يدشوووون تكفووووون ادعوااا لنا الله
يبعد هالوسواس عننا

 

[روح مغليها]

انا بعد ص اار فيني اعبر منج شي اقرب للموووت
بس ترا الحمااال يأثر عليج
وتذكري قوله تعالى
واذا جاء اجلهم لا يستقدمون ساعه ولا يأخرون
ومحد بيموت قبل يومه
والموت لاجاج ماراح تفكرين انج بتموتين
الله يسر امرج

 

[بنوته 123]

الله يصبرح حبيبتي طبيعي في الحمال تيي هالأشياء الحامل تمر بفترات من الأكتئاب والقلق والفزع لاتخافين حبيبتي فتره وتعدي عليج بالصلاة وخلي ريلج يتصدق بنية هالشي وبنية إكمال الحمل علي خير ... الله يوفقج حبيبتي وتوكلي علي الله

 

[اخت خالتهم]

الله يعينج يا الغـالية هذا من الحمـل
و اسمج احبببه :*

 

[سكوتي بذوقي]

وسواس

قبل ماتنامين صلي

وخلي القرآن شغال طول الليل

راح تحسين براحه إن شاء الله

الله يبعد عنك القلق يارب وتعيشين براحة بال

 

[كويتية تكفي مية]

مشكورين بنات يزاكم الله خير

 

[فطوم السعوديه]

بسم الله عليك

سلامتك والله ماتشوفين شر والله يتمم ل حملك على خير يارب

 

[khawla&tito]

اقري قران دايم

 

[أإلع ـشق دلع ـهـأإ]

أنآ سمعت من علآمآت العين إنه الإنسآن يوسوس بالموت يتخيل إنه بيمووت ..

فاللي عليج حبيبتي البقره تخلينهآ يوميآ شغآله ..

وقبل لآتنآمين جيبي زيت مقري وإقري فيه الرقيه وأمحي بطنج وصدرج وظهرج كله من الرقبه لي تحت ..

وإذآ نمتي اقري قبلهآ أذكآر النوووم ..

وخصصي سآعه لج ترقين فيهآ نفسج ..

وكثري من مآي زمزم ..

وبتتحسنين بإذن الوآحد آحد

 

[اميره شامخه]

بالعكس ذكر الموت احسن من نسيانه علشان تتقربين من ربج اكثر
معلومه ملك الموت يزورك خمس مرات باليوم باوقات الصلاه يشوف ان كنتي من المحافضين على الصلاه

 

[عسل سل]

خلي زوجج يلمج اذا حسيتي بهالشي

 

[•Brown•Sugar•]

حبيبتي هالشي حيل طبيعي .. هذا اكتئاب الحمل
وراح يحوشج اكتئاب اقوى بعد الولاده
بس لازم تكونين قويه وايمانج بالله اقوى ع شان تتعدين هالمرحلتين
لان اذا ماقدرتي عليهم .. راح يغلبونج وتصيرين تعيسه
خلي القران صديقج بهالفتره بترتاحين وايد

 

[!! دلوعته !!]

اب اب