افرازات صفرا بعد الدوره , ممكن تفيدوني

[miss paris]

مرحبا

بنات انا اذا اغتسلت من الدوره بعدها بجم يوم تنزل علي افرازات صفرا متكتله لمده يومين ثلاثه بعدين تختفي اوتقل , هل هالشي طبيعي والا اشلون
ايش سببها واشلون اخليها ماتجيني خير شر ؟ يعني شنو تنصحوني اسوي لاني بس تنزل اتنرفز احس انو انا مريـــــــــــــضه ونفسيتي تتعب

وسؤال ثاني لرفيجتي تبي تسأل
هل عادي يصير حمل قبل موعد الدوره بيومين ثلاثه ؟؟

 

[دلوعة مبارك]

حياتي انتي تهتمين بدورتج من ادوية ......؟

 

[miss paris]

انا اشرب زنجبيل وقت الدوره واوقات بابونج مااشرب شي ثاني حتى بندول

 

[دلوعة مبارك]

طيب تحسين بهوا من قدام ..... ولا كل شي طبيعي عندج

 

[miss paris]

اي حبيتي احس بهوا واصوات

 

[دلوعة مبارك]

معناتة انتي فيج خوا
الخوا الي تكون خربانة وتطلع منها صوت من قدام يعني مثل الفقاعات سوري عالوصف......

وتحس جبدها لايعة علية بأول ايم الدورة وتسمع زنة بأذنها مثل الصفارة

انتي متزوجة ولا بنت

 

[miss paris]

انا بنت مخطوبه
شسوي عشان هالاعراض تروح

 

[دلوعة مبارك]

بالاول ابتعدي عن المشروبات الباردة
وجيبي لج سويدا و رشاد من الحواج وعسفي تمرة بزيت زيتون شوي وحطي عليهم السويدا والرشاد اكليهم بأي وقت بدل هالحلويات مع القهوة

واشتري عنزروت من الحواج مع المرة وحطيهم بطرف اصابعج شوي مع الفنجان

واشتري دوا الغوري
وسلامتج يا قلبي

 

[miss paris]

حبيتي هالاشياء اسويها بوقت الدوره والا عادي بالايام العاديه؟؟؟
وحبيت اسأل عن الكمون والفلفل الاسود سمعت انهم زينين حيل وقت الدوره بدايتها
فحبيت اسأل اشرب الكمون في كم يوم من الدوره اذا عندج فكره
ويعطيج الف عافيه تعبتج معاي

 

[miss paris]

وقصدج اخد التمر واعجنها بالرشاد وزيت الزيتون ؟؟ واكلها
والكمون فيه شراب زي الزنجبيل والا المطحون

 

[دلوعة مبارك]

بس بوقت الدورة خصوصا التمر من ثاني يوم ..... تبدين فية
اما المرة والعنزروت من اول ماتشرف الحبيبة

انا عن نفسي الوالدة الله يخليلة لي
سوت لي خلطة
وهي عبارة
سويدا و رشاد وفلفل و حلبة
اخلطيهم مع بعض بس كثري شوي الفلفل بالمطحنة و اشربيهم من ثاني يوم
انا عن نفسي اشربة عالريق قبل الفطور قفشة مع الحليب
وقبل الغدا حطية بالمرق و شربية
وقبل لا تنامين شربية مع الحليب

واذا يعني قاعدة العصر حطي لج خبز جبن كرفت وشوي فلفل اسود واكليهم

واهم شي لبسي دلاغ ..... وملفع اول ما تجيج عشان الهوا ما يدخلج يعني شتي .....

عشان باجر لا رحتي يم زوجج ما يقول هاذي ليش يطلع من صوتة من قدام

واهتمي اهتمي بدورتج وراح تلاحظين نفسج صرتي احسن من اول ماتخلص الدورة
بس شوفي استمري لمدة 6 ايام لا تقولين خلاص وقف الدم لا اواصل اكلج لليوم السادس

وبسسسسسسسسسسسسس ياحلوة .......

واي سؤال انا بالخـــــدمة

 

[miss paris]

ياقلبي مشكووووره فديتج
جد جد استفدت منج حيل , ربي يوفقج ويسعدج دنيا واخره يارب ياكريم

 

[دلوعة مبارك]

بـــــــــــــعد عمري ماسويت شي بس ديري بالج ...... وعسالله يوفقج بزواجج يارب

 

[miss paris]

تسلمين ياقلبي عالدعوات ولج بالمثل ان شالله

 

[المكسيكيه]

سلامتج ما تشوفين شر

 

[miss paris]

الشر مايجيج تسلمين وربي يقومج بالسلامه يارب