افتح صالون حرام و لا حلال

[^الجوري^]

السلام عليكم ورحمت الله وبركاته ياريت تشركونى في هذا الموضوع ابي افتح صالون قالولي حرام وفلوسه حرام حتي لو مصار فيه نمص لان يساعد على التبرج 0

 

[سنا الفضه]

مشاركة: افتح صالون حرام و لا حلال

امممممممممممممممم

نفس تساؤلي
بس اتوقع لو تسوين واحد بشروطج الي تضمنين انه مافيها مفسده اتوقع مافيها شي ووايد ناس اتدور صالونات اسلاميه

وبسسسسسس انا ماابي افتي لج بشي

بس سألي شيخ دين افضل وربي يوفقج

 

[أغلى حبيبه]

مشاركة: افتح صالون حرام و لا حلال

شوفي انا كنت بفتح صالون بدون نمص والخرابيط

وسالت الدكتور عجيل النشمي

قالي اذا حطيتي مكياج حق وحده وطلعت بدون ماتغطي ويها حرام وفلوسها حرام

واذا يتلج وحده مو متحجبه ماتستقبلينها لانها بتسوي شغلها بالصالون وراح تتطلع حق الناس واهيا مو متغطيه

وفي شغلات يصير الزوجه تسويها ومايصير البنت تسويها

يعني لازم كل زبونه تسألينها انتي متزوجه ولالا

وعبااااااااااااااااله

وهونت عن كل شي

اي ولازم اللي يشتغلون عندج مسلمات ومتحجبات


واي سؤااال حاضررر

 

[سارا ديور]

مشاركة: افتح صالون حرام و لا حلال

أختي الحبيبه

لو بمجرد الشك بإنه حرام إبتعدي عنه

فما بالج إنج سألتي دكتور أومفتي وقالج إنه حرام

شالله حادج ... تخيلي بتكسبين إثمج وإثم غيرج

أو فتحيه وخليه إسلامي

لافيه نمص ولا توصيل للشعر ..... إلخ إللى مايدخل من ضمن المحرمات

والله يوفقج لما فيه الخير

 

[كويتية أمورة]

مشاركة: افتح صالون حرام و لا حلال

شوفي انا كنت بفتح صالون بدون نمص والخرابيط

وسالت الدكتور عجيل النشمي

قالي اذا حطيتي مكياج حق وحده وطلعت بدون ماتغطي ويها حرام وفلوسها حرام

واذا يتلج وحده مو متحجبه ماتستقبلينها لانها بتسوي شغلها بالصالون وراح تتطلع حق الناس واهيا مو متغطيه

وفي شغلات يصير الزوجه تسويها ومايصير البنت تسويها

يعني لازم كل زبونه تسألينها انتي متزوجه ولالا

وعبااااااااااااااااله

وهونت عن كل شي

اي ولازم اللي يشتغلون عندج مسلمات ومتحجبات


واي سؤااال حاضررر

معقووووووووله!!!!!
انا كنت نفس البنات حاطه في بالي ان اذا مافيه حف ولا توصيل شعر ولاكشف عوره عادي

 

[@ الرسامة @]

مشاركة: افتح صالون حرام و لا حلال

والله ما ادري

بس انا تفاجات من ردود وحدة من البنات اللي اسالت الشيخ


بس اذا السالفة جذيه ابعد عن الشر وغنيله

عموما الحلال وايد دوري وانتي باذن الله تلقينه

 

[belle]

مشاركة: افتح صالون حرام و لا حلال

وين في صالون اسلامي بالكويت

 

[^الجوري^]

مشاركة: افتح صالون حرام و لا حلال

مشكورين بنات علي الرد الله يغنينا بحلاله عن حرامه

 

[روزالكويت]

مشاركة: افتح صالون حرام و لا حلال

في شكثر مشاريع مفيده ومربحه ابتعدى عن الشبهات و بلاوى العماله هذى متغيبه وهذى منحاشه ومخافر وبلاويهم ماتخلص.ان شاء الله بتلقين مشروع يريح بالج استخيري والله يرزقج

 

[leza_q8]

مشاركة: افتح صالون حرام و لا حلال

اسفه مع احترامي لي راي الشيخ

بس اسفه مااااا اقنعني كلش

اذا هذا رايه عيل الي اييب او يفتح محل قمصان نوم حرام لانه ممكن اي ساقطه تشتري منه وتزني حرام
وعلى هذا مخل الهدوم الي اييب ملابس ويشترون منه ولبسونهم البنات وطلعون سواء بدل وغيره هما حرام
ومحلات العبي المفصله هما حرام


بصراحه مو منطقي غيري يغلط وياثم وانا اتحمل وزره

ويووووووه قيسي على هذا وايد اشياء

انا اعتقد في صالونات وايد اسلاميه محترمه مافيها نمص او وصل او كشف عورات وعمالته مسلم

اكرر واقول ما اقنعني كلام الشيخ المفتي

 

[أم السنع]

مشاركة: افتح صالون حرام و لا حلال

أختي

ما شاء الله عليك فيك تقوى وخوف من الله وهذا شي فيه شبهه

وكما قال الشيخ بارك الله فيه

اذا زينتي امرأة وخرجت امامك متبرجه ستأخذين إثمها

فمثلا اذا دخلت عليك وهي غير محجبه وطلبت اعمال ستخرج بها

امام الناس في الشارع

فماذا ستفعلين ؟؟ ترفضين ؟؟ (( احراج)) ام تقبلين (( اثم))

أما الأخت الأخت اللي عارضت كلام الشيخ

مع احترامي الشديد

اقول :

هذا يا اختي شرع والشرع يأخذ من العلماء وليس بتفكيرنا القاصر

وشرعا اي شخص يبيع اشياء ويتاجر فيها اذا

عرف ان المشتري سيستخدمه في الحرام

فحرام عليه ان يبيعه

ومثلك اللي حطيتيه ( بيع قمصان النوم على الزانيه)

اقول :

اذا عرفت صاحبة المحل ان المشتريه ستسخدمه بالحرام يصير عليها اثم

اما اذا لم تعلم عنها شئ فلا إثم عليها

لأن الأصل الإباحه

وتأخذ الأمور بالشرع على سطحيتها لأن الله اعلم بما في القلوب

مثلا واحد يبيع سكاكين واشترى منه انسان هل يسأله ليه ؟؟ وكيف بتستخدمها ؟؟

طبعا لأ

لأن الأصل انه بيستخدمها بأشياء حلال

طيب واذا ذبح أحد؟؟

كيفه اهوه وذمته الدين يسر ولا يكلفنا فوق طاقتنا ومستحيل نعرف عن الناس تفاصيل مثل هذي

 

[^الجوري^]

مشاركة: افتح صالون حرام و لا حلال

يعطييج العافية ياام السنع فيج خير انشاء الله وكلكم ماقصرتو0

 

[leza_q8]

مشاركة: افتح صالون حرام و لا حلال

حلوه عقولنا القاصره هذي

اذا عقولنا قاصره ليش الله عطانا ايياها اذا ما نفكر ولا نبحث ونجتهد
بعدين مو كل شيخ شيخ ولا كل مفتي مفتي

وبعدين مو منطقيا اقعد اسال الي يبي يشتري السكينه ليش بيشتريها وليش ولا الي بتحط مكياج حك منو حاطته حك ريلها او حك واحدغريب
ولا منطقيا اسال اي وحده تدش علي المحل انتي ليش تبين تشترين ملابسج ووين بتلبسينهم وحك منو ؟؟

بالعقل شنو هالمنطق ؟؟

في الدين في تعاليم وقواعد وشروط واضحه و معروفه ومتعارف عليها انا امشي عليها وسير حياتي عليها بالحلال

عاد اذا واحد اخطأ وعصى وزل انا اتحمل اثمه على جذيه اعاقب المحسن بالمخطأ واقول سمحوا لي يا عرايس ماراح امكيجكم لنه ممكن يكون مو حك ريلج وممكن واحد غريب يشوفج بالطريج وغيرها من اشياء واندش بدوامه وتحكم وتدخل مالا داعي ويضايق

انا اقول ما نخلي الشين يعم على الزين المفروض الزين يعم وتكون في صالونات اسلاميه بعيده عن النمص والتوصيل وكشف العورات من حمامات مغربيه وغيرها

والي تبي اتسوي هالاشياء تسويها على مسوليتها وتروح صالون مو اسلامي ذمته وسيعه وكل شي عنده حلال

 

[أسيرة موني]

مشاركة: افتح صالون حرام و لا حلال

ام السنع هذا الي بغيت اقوله ,,

الحين احنا لم نبيع سجينه نبيعها بحسن نيه مثل قميص النوم

اما الصالون ممكن انه يساعد على انها تطلع زينتها وانا ساعدتها على هالشي ,, العروس تبين يعني معقوله وحده تبي تروح ليالي حمرة لابسه لبس عروسه و ابيض والحاله حاله واهلها حولينه ,,

يعني الشي يكون معروف لهالشي ,, يعني تقدرين تميزين شدعوة

مرة مامي قالتلي بودي المجلات الي عندنا حق صالون ,, قلتلها اذا وديتيها ممكن وحده متبرجه تشوف قصه تعجبها و تسوي مثلها و تطلع جدام الناس وتكونين انتي السبب

بعدين خيتو الصالونات ترس الديرة ,, و في افكار وايد حلوة حق مشاريع ممكن انج تسوينها ,,

والله يوفقج ويهديج للخير يارب

 

[HoNeY_GirL]

مشاركة: افتح صالون حرام و لا حلال

انا مع البنات ابتعدي عن الشبهات والله يوفقج بشيء احسن منه
شوفي لج مشروع تكسبين لج اجر من وراه
وبالتوفيق

 

[أسمى حب]

مشاركة: افتح صالون حرام و لا حلال

أختي تذكري شئ واحد


من ترك شئ لله أبدلة الله خير منه

 

[fulla]

مشاركة: افتح صالون حرام و لا حلال

صح السانج يافيض الايمان
والله يعطيج على قد نيتج انشالله

 

[sadan]

مشاركة: افتح صالون حرام و لا حلال

حبيتى الجورى

ماقصروا البنات وعطوج النصايح وبما انهم اسألوا شيخ دين فأخذى برايه

والله يوفقج بمشروع مفيد ان شاء الله

 

[كويتية أمورة]

مشاركة: افتح صالون حرام و لا حلال

أختي تذكري شئ واحد


من ترك شئ لله أبدلة الله خير منه

نفس اللي كنت بقوله

ويزاها الله خير ام السنع كفت ووفت

 

[أوركيد]

مشاركة: افتح صالون حرام و لا حلال

سمعت مرة قالوا عن صالون لاليك انه صالون اسلامي بحت ...

يعني مافيه مكياج ولا نمص ولا شبهات ...

بس للامانة آنا ماجربته ..