افتتاح سبا السمج Fish Nail Spa بالجابرية

[thalia2008]

قوة بناات شلونكم ... اليوم يايبتلكم خبر عن صالون يديد فاتحينه بالجابريه حق الاظافر و المميز فيه انه عندهم السمج للى ياكل الجلد الميت و ينعم الريل و هالصالون متخصص بالسمج هذا و الصراحه مبين شكله راقي و هادي
بس عاد انا للحين ما جربته شفت بنت كاتبه تجربتها عن هالصالون بالبلوق مالها و الصراحه من شفت الصور حدي تشوقت اجربه و قلت اييبلكم الرابط حق للي تبي تجرب:

http://bunchofrosesq8.blogspot.com/2011/07/fish-nail-spa.html

بس شكله لازم حجز قبل
رقمهم : 97781159:eh_s(9):
شكله حلو لا يطوفكم

 

[سالم الروح]

وناااسه

مشكوره

 

[DN~DN]

مشكووره

 

[۞ ؏ﯥـون الﺤﺐُ ۞]

وااااااااااااااااااي يمه شلون حاطه ريولها بحوض السمج

لو شنو ما احط ريولي

 

[بنت السلطآإآن]

اي هذا قديم بس الكويت اول مره يفتحون فيها


بتايلند دفعت لهم وكل شي ويوم صارت الصجيه خفت وقلت خلاص مابي


لوووول مال تايلند بعد احلى ومايحطون سمج شكثر نفس جذي لا يحطون رجلج بحوض يجنن ويسوولج مساج استرخاء تحسين ريولج منظر من روعة الحوض لوووول


هذا يخرع



ومشكوووره يا عسل

 

[ANGEL CAT]

ههههههه نفس القصه بنت السلطان وانا بماليزيا دخلت وخلاص توكلت بس قلبي ما طاوعني لووووووووول


مشكوره صاحبه الموضوع

 

[✿فيْۈنڪْہ✿]

مشكـــووره حبيبتــي ...

واللــه يعطيــج العافيـــه ...

 

[انثى عاشقة]

انا قريت عن هالنوع من السبا حيل مفيييييد
​

 

[قـطوه وايليه]

وين عنوانه وبجم؟

 

[thalia2008]

هااي بناات ... انا اليوم رحتلهم الصراحه المكان وايد حلو و راقي و انا بعد كنت مثلكم متردده اجرب السمج
بس قلت الالالالالالا اجرب
و اول ما حطيت ريلي قمت اصارخ بعدين صار الوضع عادي
تحسيين جنه شي يدلدغ ريلج
ولمن خلصت صارت ريلي حدها ناعمه
و على فكره اهما عندهم غير السمج كل شي حق الاظافر بديكير منكير منكس اكريلك و فيه بعد مساج و تان رش
عنوانهم حق للى تسال وايد سهل بالجابريه قبال بنك بيري و ستاربكس بالضبط

 

[miss-3oba]

خوش خووووش.
لوووووووول ذكرتيني لماليزيا أمبي حده يدلدق

 

[miss angel]

اي هذا بتايلند بكل مكان لووووول

مشكوره حبيبتي

 

[baby.bunny<3]

لااااا تجربونه !!!! و الله جربته برة و كل يوم ادعي على هالسمج !!!! لووول و الله صج اهم بهايم ما يعرفون وين ينظفون ياكلون و بس سوو بريلي حفر و هالحفر صارات جلد خشن حيل حيل !!! و انا بالاصل ريلي ناعمة توني صغيرة عمري ١٨ بدعوا فيني حسبي الله عليهم من سمج الحين ريلي خشنة و فيها جلد يابس اب اماكن محددة جذي منتفخ و خشن و مايروح بالبديكير ينرفز جنه مسمار لحم بس مو مسمار لحم الله لا يوفقهم من سمج

 

[ام عفاف الكويت]

بماليزيا ماسويته انحشت
والقريه العالميه اللى بدبي كل القريه تسمع صراخي من الخوف ههههههههههههه

 

[حلاتي غير]

وااااااااااااي وناسه بس ماعتقد اقدر اسويها انا بديكير ومن يحكحكون ريلي اتكركر

 

[الغاليه نونو]

يمممه اسم الله علي عقلي سمج ياكل رويلاتي والله علي قص ارقبتي ماسويها وبعدين هالسسسسمج ياكل من كل ريل نتفه بالله شبع وانتر ست بطنه ويااا دوري واهوة شبعان اشلون بينظفها هههههههههههههههههههههههههههه


انا ماحب التبربس اشزين رنيم وشغلهم يهبببببل اخر دلع