افتتاح بودل الخبر للأجنحة الفندقية تقرير زيارتي (بالصور)

[يتيمة العقـد]

افتتاح بودل الخبر للأجنحة الفندقية تقرير زيارتي (بالصور)

قررنا أنا وأبو العيال نسافر الخبر 3 أيام بعيد عن إزعاج العيال والدوامات
وقررنا انه نسكن بالراشد ريزيدنس مثل العام ، ومتفقين وخالصين ولما وصلنا الخبر إلا الصدمة الراشد ريزدنس فل مسكرين حجوزات لأسبوع ولما تضايقت قالي زوجي الله راح يعوضج خير، أنا حابه الراشد لان بالمجمع نفسه المهم قرر زوجي أنحجز بالمريديان اللي على الكورنيش وبطريجنا إلا مبنى عجييييييييب واضاءاته حلوة وبنيانه مو مثل مباني الخبر شكله ملفت كأنه (بيوت لندن ) وقال زوجي شكله حلو خلينا نستكشفه ولما نزل وتفاهم مع الرسيبشن جاني يضحك ويقولي : اليوم مفتتحينه شفتي أشلون الله عوضج خير وحجزنا 3 أيام ادري متشوقين للصور اللحين بحط رحلتنا الممتعة ...

هذا صورة موقع (بودل) بتخطيطي ( متعوب على الألوان ) .....

بالطريق ماجلان صديق الرحلة ...

وصلنا هذا الرسيبشن والحلو انه مفصول عن السكن ....
..



وهذا مبنى من 3 مباني نفس الشي وبالوسط حمام سباحة...

وهذي المصافط داخلية في بوابة خارجية للفندق حماية ...

وهذا باب غرفتنا ...

وهذا المطبخ التحضيري على يمين الباب ...

وهذي طاولة الطعام مقابل المطبخ ....

وهذي صالتنا والحلو إن اللابات معانا لأنه في نت مجانا ...

وهذي التسريحة يم البلكونة ....

وهذا السرير وكانوا حاطيلنا حبتين ككاو بس ماذقناهم ... خفت

وهذا حمام سباحة ننزله بالليل ...


وهذي الكراسي اللي حول حمام السباحة القعدة فيها عجيبة
زوجي يسبح وانأ قاعدة اقلب عويناتي فالنت ....

وهذي بعض صور الفندق ...





وهذي بلكونتي ....

واهني طريق العودة إلى دولتنا الحبيبة وفاتحه على منتدانا الغالي

وهذا طريق العودة ... أترككم بحفظ الرحمن ...
​

 

[أم الفلافل]

حفظك الله أختي في حلك وترحالك ........ وحياك الله في بلدك الثاني ...... لكن عندي ملاحظة قلت أن الشقق حاطين كاكاو ضيافة وأنك ( خفت ) عزيزتي تذكري إنك بالسعودية وهنا الفرق ؟!!!!!!!!!!!! حفظك الله

 

[منيرة خالد]

الحمد لله على السلامه

عاد انا دايم اروح الخبر بس ولا مره حصلت شقق فندقيه فيها حمام سباحه وناااااسه لليهال >>> بجم حجزتم اليوميه ؟؟ وجم غرفه الشقق ؟؟

 

[غنوة ستايل]

على جم ياقلبي انا وااايد احب بووودل احسه نظيف وسعره معقووول

 

[سلايل نجد]

سبحاااااااااااااااااااااااااااان الله

 

[queen pink]

الحمد لله على السلامه

عاد انا دايم اروح الخبر بس ولا مره حصلت شقق فندقيه فيها حمام سباحه وناااااسه لليهال >>> بجم حجزتم اليوميه ؟؟ وجم غرفه الشقق ؟؟

نفس سؤالها ؟؟؟

 

[T R F]

ياهلا وغلا فيك اختي الغاليه .... ونورتي الخبر ... عاد شدراك إن هالشقق قريبه من بيتنا .... وكنت ميته ابي اشوفها من الداخل

وماقصرتي ياعمري ... صورتيها لنا .... عليكم بالعافيه ... ومن عوادها إنشاء الله

وفيه بعد شقق فندقيه روعه .... شقق تابعه لفندق الهوليدي إن ... قريبه من الموفنبيك ... على وشك ينتهون منها على ماعتقد

وفي الخدمه لكم دايم

 

[جلاديلياس]

الحمدالله على سلامتكم حبوبه وتسلمين عالصور الحلوه

 

[جنون العشق]

ووواو روعه عاد مخططه اجي الخبر قريب وخاطري اجي برمضان مادري ليش




بكم الشقه وكم غرفه ؟؟؟

 

[ألماسه]

رد : افتتاح بودل الخبر للأجنحة الفندقية تقرير زيارتي (بالصور)

عليج بألف عافيه

بجم الليله ؟

مشكووووووره

 

[يتيمة العقـد]

مشكوريين على الردود حبيباتي ...

اختي " ام فلافل " أنا وزوجي قصدنا انا ما فتحنا علشان لما فتحنا الكرتون شفنا الكاكاو ك؟أنه قديم ، لا يروح تفكيرج لبعيد ما اشك ابد وانا فهالديرة العزيزة على قلبي خاصة انها تحتضن مكة والمدينة والخبر
الخوات اللي يسالون عن سعر الغرفة 440 ريال مسوين خصم علشان الافتتاح والسعر الاصلي 800 ريال واهلي سافروا بعدي واحجزوا السويت الكبير ب 770 الليلة من اصل 1000 ريال ، هذي اسعار الافتتاح

وعلى فكرة مقابل حمام السباحة فيه كوفي خاص بالفندق امبين عندكم فالصورة 14 مبى جنب المسبح .

 

[يتيمة العقـد]

ياهلا وغلا فيك اختي الغاليه .... ونورتي الخبر ... عاد شدراك إن هالشقق قريبه من بيتنا .... وكنت ميته ابي اشوفها من الداخل

وماقصرتي ياعمري ... صورتيها لنا .... عليكم بالعافيه ... ومن عوادها إنشاء الله

وفيه بعد شقق فندقيه روعه .... شقق تابعه لفندق الهوليدي إن ... قريبه من الموفنبيك ... على وشك ينتهون منها على ماعتقد

وفي الخدمه لكم دايم

أختي كل كلامج عجبني:fun22: بس كلمة ان شاء الله تكتب بهذه الطريقة وليس كما كتبتيها تعالى الله عن الانشاء ، الانشاء معناها يخلق والله خالق لا يخلق لذا اقتضى التنبيه :eh_s(8):وشكرا ​

 

[ترتر زري]

والله مكانها بالسنتر وجديده بس الشقة غرفة نوم وحدة ولا ثنتين يمكن نروح الأسبوع الياي

ومشكورة

 

[يتيمة العقـد]

والله مكانها بالسنتر وجديده بس الشقة غرفة نوم وحدة ولا ثنتين يمكن نروح الأسبوع الياي

ومشكورة

هلا والله حبيبتي اصغر شي عندهم الاستديو ( غرفة مفتوحة على الصالة ومطبخ تحضيري وحمام ) اللي اخذناها :friends:

في اكبر​

​

:eh_s(9):

 

[هنـــد]

عليج بالعافيه

 

[أم الفلافل]

مشكوريين على الردود حبيباتي ...

اختي " ام فلافل " أنا وزوجي قصدنا انا ما فتحنا علشان لما فتحنا الكرتون شفنا الكاكاو ك؟أنه قديم ، لا يروح تفكيرج لبعيد ما اشك ابد وانا فهالديرة العزيزة على قلبي خاصة انها تحتضن مكة والمدينة والخبر
الخوات اللي يسالون عن سعر الغرفة 440 ريال مسوين خصم علشان الافتتاح والسعر الاصلي 800 ريال واهلي سافروا بعدي واحجزوا السويت الكبير ب 770 الليلة من اصل 1000 ريال ، هذي اسعار الافتتاح

وعلى فكرة مقابل حمام السباحة فيه كوفي خاص بالفندق امبين عندكم فالصورة 14 مبى جنب المسبح .

سامحيني أختي على سوء الظن ماقلت الكلام هذا الا غيره على بلدي والا أهل الكويت على رأسي :q8: لأن بنتي وحفيدي فيها والله يحفظ الجميع

 

[يتيمة العقـد]

أفا عليج لا تحاتين عادي الخوات يصير بينهم سوء فهم عزيزة وغالية

 

[*ستايلي غييير*]

الجمدلله على السلامه 000والله يهنيكم 00000

 

[ستوؤر :)]

عليج بالعافيه

تتهنون

 

[هزة غضا]

زين والله
لان كنت مستغربة على كثر فروع بودل بالرياض (بكل شق فرع الله يقويهم هع) الا انو ماعندهم غير فرع واحد بالخبر ومو حلو كلش وخايس ومايقارن بالبقية هذا الكلام قبل سنة تقريبا..!
بجد كنت مستغربة! قلت وش هالأجحاف بحق الخبر على كثر زوارها وليش حاطين حيلهم بالرياض بس!
اثاريهم فتحوا واحد جديد هالأيام!

الله يجزاك خير يتيمة العقد..ان شاء الله اذا سافرنا للخبر نسكن فيه وندعيلك..:eh_s(8):