اغرب هديه مني حق زوجي

[جوري الزبير]

السلام عليكم ورحمة الله وبركاته​

شلونكم حبيباتي يارب تكونون بخير

حبيت اشاركم باغرب هديه مني حق زوجي ولاني مقله وايد بالمشاركات وحتى الردود واتمنى الغاليات ما يزعلون مني بس اهو لويه العيال والبيت الي بعدتني عن احلى منتدى وعن احلى جمعه مع الطيبات 000
المهم ندش فالموضوع على طول 00
قعدت افكر شنو بهدي زوجي شنو00شنو 000 ابي شي غريب وشي ما يخطر على باله 00
زوجي من محبين الانترنت ويدش اكثر من موقع وله نك نيم او الاسم المستعار واغلب اصدقاءه ينادونه في لو اتصلو عليه 00
وانا بعد لي حبيت اتقشمر معا ناديته في 00
جان تخطر فبالي فكره جهنميه 00 رحت حق صايغ بالديره بسوق المباركيه يصوغ بالاحجار والفضه والذهب الابيض وعنده شغلات مو طبيعيه 00
جان اخذ نك نيم زوجي واقوله يصوغه لي بالفضه ويطعمه بالاحجار واخترت له مداليه يتعلق فيها وايد حلوه وكشخه بعد 00
ولي فاجائني اهو السعر واااااااااااااااااااااايد معقول واصلا الشغل يسوى اكثر بس السعر كان روعه كله كامل كلفني 30 دينار00
عاد تدرون انا قلت لكم قبل لا اعطي الهديه حق زوجي وابي اقتراحاتكم شلون بعطيها له وشنو اسوي يعني مابي احط العلبه جدامه وقوله تفضل عندي اكثر من فكره بس ابي افكاركم معاي ويارب اكون افدت بشي حق المزوجات الي مثل حالتي ولي ازواجهم من محبين الانترنت 00ناطرتكم اهو بيرجع من السفر يوم الاحد ابي احلى افكار من احلى خوات ​

 

[princesse X]

ان شاء الله البنات يفيدونج

 

[دلوعة روحي]

تقدرين تطرشين له ايميل في خريطة

و تكونين خاشة الهدية بمكان

خليه يمشي على الخريطة و يوصل لمكان تكونين حاطة فيه ورقة توصله لمكان ثاني و جذي و لما يلقى الهدية

مممممممممممممممممممممممممم

اذا لقيت شي يديد اقولج

 

[شيخة الغراشيب]

مرحبا الساع
هلا غناتي اول شي قرة عينج بشوفت زوجج ياربي ربي يسعدج ويوفقج وياه
غناتي فكرتج حلوه بس لو خذتي مجموعة عطور + فنايل+وزره+غتر +بزم+ساعه+صندوق المندوس
هالمجموعه من الهدايه تودينها المحمصه هو يزينها لج وياريت لو تخلينه يكتب لج على الشوكولاه اسم ريلج
( أحبك يا .... ) وتخلينه ينثره على البكس اللي مسويتنه ويزينه صدق بيكلفج بس بتطلع هديه غاويه سوتها
اختي حق زوجها استانس كثييير عليها وحطي النك نيم في صندوق المندوس والله بتطلع روووعه وان شاءالله
قدرت افيدج ربي يسعدج

 

[مسك حياتي]

فكرتج وايد حلوه و انا اقترح تقدمينها له بورده :tek: و المداليه تكون داخلها و الله يسعدكم

 

[جوري الزبير]

princesse x شيخه الغراشيب مسك حياتي miss-crochet
يسلمووووووووووو على الرود الروعه والتفاعل رفعتو معنوياتي هههه
حياتي شيخه انا وايد اسوي حقه جذي امور فيها ككاو وله سلال وجذي قلت ابي اغير شوي بس تسلمين وفديت افكارج الحلوه
miss-crochet فكرتج وااااايد حلوه وجديده بعد تسلمين غاليتي

 

[نيولوفر]

تره سعره غااااالي هذا اللي مسويه عنده انا اعرف واحد كله اسوي عنده و سغله ارخص من جذيه بواااااايد اذا تبين رقمه راسليني ع الخاص حبيبيتي ...

 

[so_what]

وايد حلوه الفكره موفقه حبيبتي

 

[جوري الزبير]

نيو لوفر يسلموووو حبيبتي واكيد برسلك على الخاص عاد هذاانا اتعامل معا من زمااااان وكان يسوي حقي اطقم احجار وفناتك حلوه الي تبي بعد تراسلني على الخاص 000
so_whatيسلمووو غاليتي على المرور

 

[حجيه هيونه]

اممممممممممممم

جربي تطرشين له رساله خاصه على الموقع الى دوم يشارك فيه

تكتبين فيه مثلا ابحث تحت الطاولة

او تجيبين له كرتون ماوس مثلا او شي له علاقه بالكمبيوتر وتحطين له فيه الهديه

يعني شي جذي خدعه

 

[ريـمــاس]

مرحبا الساع
هلا غناتي اول شي قرة عينج بشوفت زوجج ياربي ربي يسعدج ويوفقج وياه
غناتي فكرتج حلوه بس لو خذتي مجموعة عطور + فنايل+وزره+غتر +بزم+ساعه+صندوق المندوس
هالمجموعه من الهدايه تودينها المحمصه هو يزينها لج وياريت لو تخلينه يكتب لج على الشوكولاه اسم ريلج
( أحبك يا .... ) وتخلينه ينثره على البكس اللي مسويتنه ويزينه صدق بيكلفج بس بتطلع هديه غاويه سوتها
اختي حق زوجها استانس كثييير عليها وحطي النك نيم في صندوق المندوس والله بتطلع روووعه وان شاءالله
قدرت افيدج ربي يسعدج

حبيبتي انا اايد شيخة الغراشيب بفكرة الصندوق بس هاااااا شوفي لج صندوق بمفتاااااااح وحطي داخل الصندوق صورتج بس وكتبي رساله خلف الصوره مثلا(احبك مووووت وحشتني يالغالي وكتبي اسمج بالدلع طبعا ..فطومتك او مريومتك دلوعتك انتي وذوقج... وقفلي الصندوق وركبي المفتاح بالميداليه الي انتي مسويتها وخشي المفتاح وخلي الصندوق جدامه عشان يستغرب من الميداليه لمن يلقاها ويقول بنفسه هذي اهيا المفاجأه عيل شنو خاشتلي بالصندوووق ؟؟؟؟ (لا او تكتبين له على ورقة داخل الصندوق شرايك بالميداليه عجبتك؟؟)
ولزقي ورقة تحت الصندوق ابحث عن المفتاح ؟؟؟ بس حلاته انج تسوين هالمفاجأه وماتكونين باليت يعني تحطين الصندوق وتطلعين وتخلينه يحتاس واهو يدور يعني مو من اول يوم يرجع خليها حق ثاني .. واول يوم قدمي له وروود او عزميه عالعشاااا او حجزي فندق ليله براحتج ياقلبي ..واتمنى عجبتي فكرتي

 

[جوري الزبير]

حجيه هنونه تسلمين غاليتي وصج افكار رووووووووووووووووعه واااااي فديتكم والله وفديت الاذواق الي وحده احلى من الثانيه 00
ريماس واااااايد حلوه وكيوت فكرتج 00 اهو حنه عندنه مكان سري حقنا خاص بعيد عن العيال 00 قلت احط الهديه فيه مع بعض الحركات الي اقترحتوها ربي يسعدكم كلكم ويقدرني اساعدكم بافكار مثل افكاركم 00

 

[fdeetni]

البنات ماقصرووو

 

[جوري الزبير]

مشكوره حبيبتي فديتني وجودج اسعدني

 

[viva la glam]

خوش فكره

 

[خلود للابد]

8
8
8

 

[جوري الزبير]

مشكوره حبيبتي فيفا 00 مشكوره خلووود اسعدني تواجدكم وردودكم

 

[& حبات اللولو &]

امممممممممممممممم