اعيالي و المدرسه الخاصه و زوجي :(

[أم عواشي]

السلام يا بنات عندي 2 بمدرسه خاصه و الثالثه السنه الجايه :|
زوجي بدا اعصب و يتحلطم :| بطلعهم انا ضايق خلقي الصراحه و هم مايبون بعد يطلعون :"""( بس هو يقول مايقدر يدفع حق مدرسه هالكثر مع العلم انا اساعده بس يقول كل شي صار غالي وورانا بيت و اليهال افهمو و يبون اسافرون و و و و ...
ودي و ماودي :::: بليز اللي مرت في نفس اللس قاعده امر فيييه تساعدني مليت من التفكير :0bee2e8d89:

 

[mr000]

أختي أم عواشي عيالج صغار وإلا شويه كبار يعني تقدرين تكلمينهم ويتفهمون كلامج؟ لازم تفهمينهم إن الدراسه وراحتهم النفسيه بمدرسه زينه ومدرسين يعاملونهم زين أهم من السفر والشكليات..والله إنهم لو يجربون الحكومه من عقب ماتعودوا عالخاص صدقيني من أول شهر راح تتعب نفسيتهم ويقولون لج ردينا الخاصه..وأنتي أدري بظروفكم الماديه إذا موقادرين تدفعون لهم وتوهم صغار خلاص طلعيهم قبل لاتتوهقين أنتي وأبوهم لما يوصلون المتوسط والثانوي واهم بعد يتوهقون بدراسة الحكومه من بعد ماقطعوا شوط طويل بالخاص وتعودوا عالدراسه فيها والرسوم ترى تزيد سنه عن سنه..وإذا هم حابين مدارسهم ومرتاحين فيها ومايبون مدارس الحكومه لازم تتفقون على تنظيم ميزانيتكم وتحطون رسوم المدرسه في الأولويه ومن بعدها الشغلات الثانيه السفر والترفيه..آنا معاج إن طفلين وثلاثه مو شويه لما تدفعين لهم ووراج التزامات ثانيه..بس الموضوع محتاج تنظيم الميزانيه وتحديد الأولويات..آنا ولدي بمدرسه خاصه ومتقاعده وعندي التزامات ومصاريف ومدرسة ولدي ب 3 آلاف دينار بالسنه وراح تزيد بالأربع سنوات اليايه لأنه بيروح الثانويه..بس الأولويه عندي رسوم مدرسته..والله يوفق عيالج ويسهل أموركم..ولايضيق خلقج..تفاهمي مع زوجج..وان شاءالله توصلون حق حل يكون بمصلحة العيال..

 

[sara999]

السلام عليكم
شلونكم امهات


اول شي يا حياتي كل ام وابو ودهم عيالهم يدخلون احسن المدارس ويتعلمون ويتميزون ما اختلفنا بس تدرين ؟؟؟؟ لو ان تعليم عيالي بمدرسه خاصه بخليهم بطول عمرهم يعيشون بشقه اجار مو لازم والا اذا مصاريف مدارسهم ماراح تخلي حياتهم متوازنه مو لازم

انا ولدي الحين مدرسه خاصه وان اادري اني اقدر وابوه يقدر بس فوق انه احنا نقدر لو انه اشوف في يوم من الايام انه خلاص صار وقت ما اقدر اخليه يكمل راح اطلعه واوديه حكومه ولكن احوله مبجر يعني كل واحد يعرف شنو بيسوي السنه اليايه ويخطط من اليوم انا ماشيه على تخطيط واذا ماصار لازم اقدم تنازلات


اذا اهم صغار وتحسين تحويلهم ن خاص لين حكومي ماراح يأثر على مستواهم الدراسي حوليهم ولا تخسرين بيتج ومكانج
لان الريال اكره ما عليه فلوسه تقل والا يكون عنده التزام يزيد كل سنه يعني لو انه قرض يعرف متى بيخلص بس مشالله ربي يخليهم 3 وكل سنه بيزيد السعر ويمكن ربي يرزقج برابع وماراح تخلينه يهتلف عن اخوانه بعد بتفعين له ..... انا والله اشوف اذا يمدي حوليهم عادي ويصير عندج بيت لج ولعيالج وتعيشين عيشه طبيعيه خاليه من الهموم والمشاكل

 

[الطيب والعود]

بس حبيت اشور عليج ان دشو حكومة انتي اهتمي بتقويتهم عن طريق المعاهد نوادي او اي طريقة تشوفينها مناسبه


فديت عواشة بس

 

[milkey way]

مراحب
حبيبتي واذا قلتلج ان بنتي من كي جي لي سابع واهي بمدرسة خاصة ونقلتها السنة بثامن شفتي اشبون النقله والله ما كنت ابي انقلها بالعكس ابيها اتكمل بالخاص لكن المدرسة وايد كان فيها مشاكل وما اعجبتني حسيت ان الفلوس رايحه على الفاضي مع العلم ان ابوها اهو اللي يدفع لكني حسيت بالذنب مع انها متفوقه لكن اهي اللي كانت تقولي ابي اروح مدرسة ثانية وفعلا رحت دسمان حطوني على الانتظار وكانت الطلبات فوق ما تصورين يمكن بالميات .

ورحت مدرسة فايزة الخرافي بس تلددت علشان الطريج تخيلي انها غابت عن بداية الفصل الدراسي ثلاث اسابيع واحنا ننطر المدارس ترد علينا قلتلها اشرايج اوديج حكومة بالبداية عارضت قلتلها جربي واذا ما اعجبتج اردج للخاص .

وفعلا داومت ابيه شي يديد عليها كل شي غير لكني ساعدتها وسجلتها بالتقوية ويبت مدرسين والحمدالله مشت لكن تخيلي ان الفصل الاول كانت راسبة بالرياضيات وضعيفة بالعربي والعلوم ولين يانا الفصل الثاني الا اهي من المتفوقات وواقفت على ريولها والحين تقولي ياريتني من زمان هني ولا رحت مدرسة خاصة .

وعلى قولتج يبون لبس وسفرات وشاليهات وطلعات وفوق هذا مدارس خاصة .

 

[أم عواشي]

رد : اعيالي و المدرسه الخاصه و زوجي

مشكورين على الردود اللي تثلج القلب :*
حدي محتاره اعيالي بالابتدائي ... و ريلي مره اقلون خليهم ومره يتحلطم

 

[mr000]

إذا حاسين أنكم موقادرين تدفعون لهم طلعيهم من ألحين قبل لايوصلون المتوسط وتتوهقون تزيد الرسوم عليكم وهم يكون صعب عليهم النقل..أو اتفقوا من ألحين انكم تعطونهم الاولويه بالميزانيه وتكنسلون الاشياء الثانيه..

 

[ريماا]

رد : اعيالي و المدرسه الخاصه و زوجي

دااام اهم بالابتدائى يعنى تأسسو اذا زوجج حاس انة هالسنة مايقدر على مصاريفهم معناة السنة للى بعدها راح يزيد اصرارة انة يطلعهم الان كل السنة يزيد المبلغ
حدديلج سنة دراسية كل واحد من عيالج يوصلها ينتقل بعدها لحكومة ومن يتاسس الطفل هذى اهم مرحلة ودوريلة مدرسة حكوومة نموذجية او ادارتها سنعة
وكل شى خيرة من رب العااالمين

 

[عشق]

رد : اعيالي و المدرسه الخاصه و زوجي

كلام ريلج عدل مصاريف دراسه وبيت وسفر
الله يكون بعونه
حوليهم حكومه والله ما كثرالمعاهد شركيهم بعد الظهر يستفيدون

 

[كويتيه وافتخر]

رد : اعيالي و المدرسه الخاصه و زوجي

والله الحكومه زينه مافيها شيء لاتزعلين زوجج

واخذي نص مصاريف الخاصه وحطيها بتقويتهم الدراسيه

انا ولدي عنده مدرسه عربي ومدرسه انجليزي واتبع معاه باجي المواد وومتاز حمدلله

اهم شيء الام والبيت وتأسيسهم لاحكومه ولاخاص تنفع اذا مافي متابعه من البيت

وبالتوفيق

 

[mr000]

أختي كويتيه ..عاد تصدقين لو أقولج الخاص يبيله متابعه أكثر من الحكومه..أنتي يمكن ماجربتي الخاص آنا ولدي ألحين وصل صف 9 بمدرسه أمريكيه..ماتدرين اشكثر يبيلهم متابعه..امتحاناتهم اسبوعيه وواجبات يوميه ووسائل وبروجكت ومجله وبحوث..شغلهم وايد خاصه من يوصل المتوسط واللي تشوفينهم مايتابعون عيالهم هذيله يحطون لهم مدرسين خصوصيين أو يكون الطالب ماشاءالله وايد ذكي ومتفوق ومومحتاج متابعه ..وفي منهم الطلبه اللي درسوا بره بأمريكا وبريطانيا لما كانوا أبهاتهم يدرسون بره..هذيله يمكن يمشي حالهم بدون متابعة الاهل والدراسه سهله عليهم..بس فكرة أن عيال المدارس الخاصه مايحتاجون تدريس بالبيت ولا متابعه هذي مو صحيحه..وآنا هم كنت أعتقد جذي لما دخلت ولدي مدرسه خاصه وجربت..

 

[حجيه هيونه]

ترا ناس وايد جذي يدخلون عيالهم اول شي مدرسه اجنبيه ولي تأاسسوا انجليزي حولوهم مدارس عربيه

وعادي يعني يمشون

انتي بس هونيها وتهون واذا على العيال توهم صغار راح يقتنعون ان شاء الله باجر يصير عندهم ربع وتحلى بعينهم السالفه