اعلم امي ان فيني طلق ولا اروح لحالي

[girl k.s.a]

هلا كويتيات اخباركم
بنات انا ثني والحين فيني الام طلق ومحتاره حيل اعلم امي ان فيني طلق لاني في بيت اهلي
ولا اسكت وانتظر لين يجي زوجي واروح شقتي واذا شتد الطلق رحت وياه بدون علمها
مررره محتاره ودي اعلمها لانها بتبخرني وتدعي لي وتساعدني في بنتي
وودي اسكت واروح مع زوجي وودي بنتي عند ام زوجي بس اخافففف ماقدر بدون ماعلمها لانها بتدعي لي اكيد
مع انها بالبكريه اهي ودتني لان زوجي مسافر مع الدوام
شرايكم
انتو تعلمون امهاتكم ولا تفاجئونهم ؟

 

[الـفـجـر الـبـعـيـد]

قوليلها بس لا تخوفينها قوليلها آلام بسيطه

وروحي مع زوجج اذا فيج ولاده بلغيهم

 

[توحه1]

علميها اهي تتلهف لهاذي الساعات اكثر منج وتدعلج بس اقول صبري الحين واقري قران وايد واكلي تمر حسيتي زاد بلغيها والله يسهل عليج

من عسرج لي يسرج ان شاء الله

ادعيلي

 

[girl k.s.a]

توحه ربي يسهلها عليج وتولدين بالسلامه
وسكلي بقول لها لان مالي غيرها الله يحفظها لنا

 

[roz8_121]

قولي لهاااا أنا باخر حمل لي ماقلت حق امي وزعلت علي وتضايقت
قولي لها احسن عشان تدعيلج بعد
الله يسهل عليج ياااارب.

 

[* ملكني الخوف *]

ازم تروح معاج لان ماراح يدخلون زوجج بس حريم وانتي محتاجة ان احد يكون يمج وبعدين لاتروحين الا اذا اشتد الطلق

 

[حياتي زوجي&ولدي]

علميهااااا. بتدعيلج وبتشجعج بس احسن نطري شوي لين يزيد عليج الظلق
والله يسسسسهل ويهوووون عليج

 

[ام الحلوااات]

مـــــاكــــــــو احــــــــد يـــفــــرح لـــج ويــــدعــــــي لـــج ويــــروووح مــعــــاااج ويــــوقــــــف يـــمــــــك مــــثـــــل امـــــــــــــك
انـــا اقــــــول عـــلـــمـــيــــهـــــا وااايـــــــــد احــــســـــن لــــج تــــدبـــــرج وتتـــصــــــرف بــعـــقــــــلانـــيــــه اكـــثــــر مــنـــــج لانــــج مــتــــوتـــــرة مـــــن الــطـــلــــــقــــــوووووق
واللــــــــــه يــــهـــــــووووون عــــلــــيـــــج ويــخـــــلــــــي لــــج اــــج​

 

[ام عفاف الكويت]

دعوه الام تسوي
قولي لها لاتزعلينها
بتقول قلت لام زوجج وانا امج ماقلتي لي

 

[سكر فتافيت]

قوليلها حبيبتى ربنا يقومك بالسلامه
ويرزقك الطفل السليم المعافى
وطمنينا عليك

 

[ريـــ205ـــم]

اكييييييد لازم تقوليلها وربنا يسهل عليج ويقومج بخير وسلامه​

 

[فلافل وبطاط]

ما يبيلها تسئلين اصلاً
انا هذا ثاني حمل في بجري كنت فبيت اهلي وامي اللي جابلتني
من اول طلق ليما اشتد وكانت تقولي شسوي وشنو اشرب وشلون
اتصرف ولي باب الولاده واقفه تدعيلي واتذكرني اقرا قرآن وادعي
حق اللي اموصيني بالدعاء ...

وحملي الثاني ماعرف اشك خيط بابره بدون شورها وبس ادش شهري
بروح بيت اهلي .. وهي اللي اتوديني ان شاء الله .. ريلي مايخليني يكون
معاي .. بس امي غييييييييييييير ...