اعلانات التاجرات .. عمت عيوننا !!

[-:|Fdaitney|:-]

السلام عليكم

طبعن كلنا نعرف ان التاجرات عضوات حالهم من حالنا
يعلقون على المواضيع ويتناقشون فيها

وبعضهم داشين عشان يعلقون
وبعضهم داشين بس عشان ينزل توقيعهم

حبايبي
التوقيع 3 صفحات ليش ؟؟؟
اقعد ساعة انزل الماوس ترا مو حلوة
الارزاق من الله
عندج منتجات وايد اوكي صغري الصورة وسوي لج بوستر
مو شرط تعرضين كل بضاعتج بالتوقيع
ومو شرط تحطين تفاصيل البضاعة كلها بالتوقيع
السعر والحجم والنوع والالوان المتوفرة ومادري شنو

ارد واقول الارزاق من عند الله

المشرفات ياليت يكون في شروط حق مساحة التوقيع للتاجرات

(الكلام عن بعض التاجرات مو الكل)

 

[Om_Ksha]

صح كلامج ..

 

[[[ عيون جابر ]]]

وياج انا بعد تزعجني لأنها وايد طويله تاخذ مساحه من الصفحه

 

[مندوبة ام بندر]

انا ليكووون مزعجكم توقيعي

 

[ام عفاف الكويت]

حبيبتي شوفي انا بشيل خاصيته التوقيع
لكن مو بكل شي بشيل
ترى مو كلنا قصدنا نعرض صديقني احنا بشر
ندش نسولف ونضحك ونفرفش
اما اللى تقصدين فئه اللى يعرضون سأليني
مساكين تاجرات يكتبون يتبع شنو تفهمين من هالكلمه انه نطرواا ؟
التاجرات فوق 5 تاجرات
موفقة
موفقة
موفقة
مسكينه تسلسل الموضوع كلح راح وساعات صادفتني تجيني مسجات ام عفاف نبي القميص الفلاني
ادز ياعمري مابيع تقول شفته قلت دوري الموضوع شسمها
ومره جاني ابي كفر النفاس قلت ياحياتي انا ماحملت عشان اسوي كفر
واللى تقولج ابي حبوب الفلانيه اليوم صارت قلت لها ماعندي
يعني مشتتين ذهن الزباين

هالشي متعبني حاولت اقلص توقيعي بحيث نفس العضوات ساعات توقيع العضوه يووووووووووو قصه قصه قصه لوووول

وساعات نفسج ياحلوهم صغار ومرتبين

بس ياعمري التاجره اللى بتترزق مو معناها ترز توقيعها هالكلام موجهه للكل
وفي تاجرات ياحلوهم وياحلو تواقيهم

شرايج بتوقيعي << اسكتت لوووول

انا اهم شي بالتوقيعي وليدي وبس

 

[om MaRyooM]

رد : اعلانات التاجرات .. عمت عيوننا !!

قمت احاتي لايكون توقيعي طويييل ومزعج


بس عاد صج بعض الاحيان من ادش موضوع ماشالله تبارك الرحمن اتم انزل وانزل وانزل وللحين نفس التوقيع لوول

 

[Ga6waah83]

رد : اعلانات التاجرات .. عمت عيوننا !!

ويي ليكون توقيعي مضايقكم
عاد والله احاول اختصر فيه قد ما اقدر

 

[اللهم الجنة]

عدل كلامج

 

[قطوووة]

رد : اعلانات التاجرات .. عمت عيوننا !!

تقدرين تشيلين خاصية التواقيع من لوحة التحكم

او تسوين مثلي

اي توقيع اضغط على page down

 

[ام علي84]

اووووووف صج صج بردتي قلبي صجججججج مزعجة بعص التواقيع ومشكوورة على الموضوع اختي ^_^

 

[أم حمودي**MALL**]

حبايبي ترى حتى تواقيع بعض العضوات طويييييله وتنرفز
مايبقى شعر ما تحطه ما يبقى حكمه ما تكتبها
حتى شنو ريوقها اليوم تحطه!!

 

[جذابه بنت ذيابه]

رد : رد: اعلانات التاجرات .. عمت عيوننا !!

حبايبي ترى حتى تواقيع بعض العضوات طويييييله وتنرفز
مايبقى شعر ما تحطه ما يبقى حكمه ما تكتبها
حتى شنو ريوقها اليوم تحطه!!

معاها

 

[كادي_كادي]

أنا عاد توقيعي على قدي وإذا مزعج قولولي عاد أشيله من المواضيع

 

[شطانه طفله]

رد : اعلانات التاجرات .. عمت عيوننا !!

صج صج يعطيج العاااافيه جد هالموضوع حيل مزعج

انشالله يطبقون نظام على المساحه والحجم لان مؤذي واوفر

 

[أم الطيب]

رد : اعلانات التاجرات .. عمت عيوننا !!

صااااااااااااااااجه

وهالشي يخلي النت بطئ

ياليت التاجرات يحطون اعلان بدون صور ورابط ينحط فيه شرح للاعلان بشكل تفصيلي

ومشكوووووووووره صاحبة الموضوع

 

[g76aniya]

صدقتي حبوبه ...
لا ومو بس جذي ..
في بعضهم .. ياخذوون توقيعهم بالعرض .. عااد تعالي انتي وروحي بالصفحه يمين ويسار ..
غير انه طوووويييييل على غير سنع ..

جنها تقول غصب طيب اشتروا مني ..

 

[لوازم العائلة]

سلامة عيونج

 

[FeShinGoOo]

رد : اعلانات التاجرات .. عمت عيوننا !!

اي والله صاجه التوقيع عن 5 مشاركات طوال شنو هاذا اتمنى من الاداره تحدد جم التوقيع عشان لحد يتظايق

 

[kuwaitya-frawla]

اي والله صاجه

 

[-:|Fdaitney|:-]

رد : اعلانات التاجرات .. عمت عيوننا !!

مشكورين كل اللي ردو

والتاجرات حبايبي انتو ما تقصرون تواقيعكم على قدكم

اصلن اللي الكلام عنهم ما يدخلون يعلقون على شي مو من صالحهم

وحبيبتي ام عفاف
احنا العضوات العاديين في عندنا مساحة معينة حق التوقيع
حتى التاجرات لازم يكون لكم مساحة للتوقيع
ما يصير جذي
كل وحدة ماخذة راحتها
تحسسني انها قاعدة ببسطة وفارشة بضاعتها على الارض