اعتماد الطبيات

[شوشوكوكو]

مرحبا

من وين اجيب ورقة اعتماد الطبيات ؟؟؟

رحت المدرسة قالوا في المنطقة التعليمية قسم الاجازات والدوام

رحت المنطقة قالوا متوقفة ومافيه شئ خلي المجلس الطبي يعتمدها لج

رحت لموعدي في لجنة المجلس الطبي قالوا شلون نعتمدها وانتي ما عندك كتاب اعتماد طبيات ؟!!!!
قلت من وين اجيب الاعتماد ؟ قالوا من المجلس الطبي بالصباح

رحت هناك قالوا من المنطقة

بصراحه دخت وما ادري هالورقة من وين احصلها او لها اسم ثاني وانا مدري ؟؟!!!!!

لان عندي طبيات لازم اعتمدها عشان مايصير خصم
فياليت اللي عندها خبر ترد علي الله يجزاها الجنه

على فكرة انا تبع منطقة الاحمدي التعليمية

 

[أم شيــ@وخة]

رد : اعتماد الطبيات

يعني شنو اعتماد طبيات انا اول مره اسمع عنها
انتي مسوية طبية بمستشفى خاص؟

 

[بينك وورد]

يمكن قصدج تصديق طبيات ؟؟؟؟؟؟؟؟؟

اذا كانت طبياتج من الخاص لازم اتصدقينهم من الركز مال وزارة الصحه مال تصديق الطبيات والتقارير الطبيه

 

[هـآيـدي]

اب

اب

 

[شوشوكوكو]

لالالا مو تصديق طبيات

انا طالبه مجلس طبي وعلى ما عطوني موعد بعد شهر ونص

انا ما داومت وماخذه طبيات خلال هالشهر والنص فلما رحت للجنه المجلس الطبي طلبت منهم يعتمدون طبياتي قالوا
لازم كتاب اعتماد طبيات عشان يعتمدون هالشهر والنص ومايصير فيها خصم
لان المجلس الطبي ما يعطي اجازه إلا من يوم مقابله اللجنه

اتمنى انكم فهمتوا قصدي

 

[ام صاالح]

رد : اعتماد الطبيات

لازم تاخذين ورقتين من دوامج
الاولى اعتماد طبيات سابقه
الثانية منح اجازة براتب

بالنسبة لاعتماد الطبيات لازم من الدوام قسم الشؤون الاداريه( انا مدرسه وسويت جذيه)
وعقبها توقعينها من المنطقة النعليمية وتروحين فيها للمجلس الطبي بالصباح عشان يطبعها لج في ورقة خاصة وتاخذينها لموعد اللجنه عشان يعتمدونها
وعقبها بعد النتيجة تودينها للوزارة عشان ما يخصمون من الراتب
عرفتي حبوبه

 

[شوشوكوكو]

طيب ام صالح

قسم الشئون الإدارية هذا في المنطقة صح ؟؟
لان سكارتاريا المدرسة حاست في الكمبيوتر وتقول ما عندنا نموذج اسمه اعتماد طبيات !

 

[أنفاسي دخون]

ما عندي فكره

اب لعيونش

 

[LiL MaMa]

رد : اعتماد الطبيات

و الله مادري انا مو موظفه بس

up
up
up

 

[راقية باخلاقي]

up
up

 

[خزااامى]

انا اوقاف
اخذته من الوزاره نفسها

 

[bluegg]

حبيبتي هذي لويتها لويه انا توني مسويتها

شوفي تروحين المنطقة التعليمية قسم الاجازات وتقولين ابي ورقة اعتماد طبياتي حق المجلس الطبي مع العلم المفروض هالاجراء اهم مسوينه لج على طول لان غياباتج اكثر من شهر
المهم بعدين توقعها الناظرة وبعدها تراكضين فيها بالمجلس الطبي اللي بالصباح تروحين من الصبح وتاخذين رقم وتنطرين دورج وتدخلين وتشرحين لهم ان تبين اعتماد واهم راح يعتمدونها ويحطونها بملفج لي موعد المجلس الطبي
والله يعينج على اللويه لان صج راح تتعبين