اعتبروها صدقة ..!

[Mrs.H]

السلام عليكم ورحمة الله وبركاته

شلووونكم بنات؟؟

بنات عفيا اكيد كل وحدة منكم حتى رفيجة حامل او اخت او بنت خالة او زميلة..

بنات حاولوا تعطونهم فكرة حلوة عن الولادة وتزرعون ببالهم الاشياء الزينة مثل الادعية والهدوء..

انا وااايد من اللي اعرفهم خرعوني لدرجة اني اليوم بالفحص قعدت ابجي مابي احد يفحصني ومابي اولد ماتتخيلون شسويت بسبب الخرعة -مو بسبب العوار-

مع ان الفحص كان عادي لكن الخوف اللي فيني ماكان عادي.. طبعا هالخوف بسبب الكلام اللي سمعته والتهويل والمبالغة

بنات حتى لو ولاداتكم كانت فلم رعب حاولوا تخففون من الوصف خاصة مع الحوامل

مساع قعدت ابجي وسويت مناحة مع اني للحين مادشيت ولادة ولا ادري شالسالفة!!

وتذكروا ان الكلمة الطيبة صدقة

وادعووولي حدددي خااايفة:eh_s(2): الله يساامحهم اللي خرعوووني

 

[Dalo3at Rayli]

يَ حياتي ايي والله صدقتي بهالشي ،

تخيلي انا من الحين الكل بدا يخوفني : ( ..
اولهم الوالده لان ما تبيني اولد طبيعي تخاف علي تقولي بعدج صغيره !

المهم حبيبتي دايما حطي فـ بالج ..
انج مو اول وحده وله اخر وحده راح تولدين ، هاذي سنة الحياة !

بعدين فكري بـ بعد الولاده تحضنين ولدج بحضنج و تخيلي شعورج ..
حسسي نفسج انج مشتاقتله و تبين تشوفينه و مستعده تتحملين كل شي عشانه !

زرعي هالشي بداخلج و طبعا لا تنسين الادعيه و سورة البقره راح تهديج وايد
انا علي طول اية الكرسي ما تطيح من لساني و انتي بعد خليج نفس الشي !

صدقيني انا من الحين افكر بهالافكار ..
و احس متحمسه للـ ولاده لان ابي اشوف ولدي بحضني : $ ..

الله يسهل عليج و علي كل الحوامل يَ ررب ..
توكلي علي ربج و لا تنسين الادعيه و اية الكرسي :eh_s(17): ،


​

 

[bnt_kwt]

طبعا قصص الولاده والدراما والمآسي ما تحلى الا لما تكون وحده حامل بين القاعدين
ويزيد التخرع وتزيد المحاتاه
الله يسهل ياااارب

 

[.:lady bug :.]

ياحياتي عسى ربي يهوت عليج
وماعليج من حجي الحريم
كلها دقايق وسبحان الله تقولين واي حلم
الحمدلله ماكو خوف
ولو صاجين بعضهم مايابو عيال
الحمدلله توكلي ع الله امر هين
وادعي واقري قران تر كله تساهيل من رب العالمين

 

[Aloe Vera]

وي ليش جذي عاد

انا وحدة امي ربتني من وانا صغيرة و علمتني ان الولادة شي جميل و حلو
و فهمتني انً اجمل ولادة هي الولادة الطبيعية بدون ادوية يعني ناتشورال
و اهي والدة في امريكا و حيل متثقفة بهالشي
و نقلت هالثقافة حقنا
و انا كلش ما اخاف من الولادة
ولدت مرتين و الثالثة بالطريج و الحمدلله ولاداتي سهالات و بدون لاكمام و لا ابرة ظهر و الف الحمدلله
و من اسرار هالشي اني انطر الطلق الطبيعي لايمكن ادخل طلق صناعي او اخذ خروع او العب بنفسي
اخليها طبيعية من الله

و اذا حابة احد يساعدج انصحج تتواصلين مع جمعية birth kuwait عندهم ناس يساعدون و يثقفون الحوامل و يعلونهم عن الولادة

الله يسهل عليج

 

[أحلى فروحه]

عسسى الله يهون عليج ويقومج بسلامه ...

قاع ندورج بالتجمع ..

الله يقر عينج بضنااج .. ترى الولاده تساهيل ي قلبي

 

[<<الأميره>>]

صاجه الحريم ماعندهن غير التخريع
ولايراعون مشاعر اللي قدامهم
الله يهديهن

 

[عبق الزمن الجميل]

تعالي عندي أنا من النوع اللي أهون الموضوع هذا
حبيبتي مالك من كلامهم شوفي لو كان الألم لا يتحمل ماكان خلفنا الثاني والثالث سبحان الله الم مثل اي الم
فكري بالجوانب الإيجابية يعني كم اجر بتحصلين من رب العالمين وبجد إحساس ررررروعة لما تحسين بالبيبي ينزل تنسي كل شي صار لك بلحظة ما تشوفينه وتشمي ريحته وكمان تحسي بتعب والدتك سبحان الله الولادة بالنسبة لي شي حلو كانها تطهير للمرآة واكبر اجر بس دائماً كوني ادعي ربك يسهل أمورك ووقت الولادة لاتصارخين اذكري الله وادعي
الله يسهل لك ولكل الحوامل

 

[ملكه الحطب]

سبحان الله صدقيني اختي تساهيل الولاده وانتي وقتها وكلي امرج لله من الخرعه بولادتي هذي كان يجيني عوار الطلق بس ماابي اروح الطبيب ماابي اولد من الخرعه والقصص وزين اني ماولدت بالبيت تخيلي بس الحمد الله توكلت على الله ورحت وتسهلت سبحانك يارب وكانت ولاده بدون كمام ولا ابره طهر ولا تخدير

 

[مشتطـه]

قسما بالله العظيم ان نص للي قالو هالكلام فيهم نجاسة بقلوبهم


طول عمر الحريم يحبون التهويل

انا بجر وكنت حيل مستانسه وطاقة هالعقليات البايخه بالطوفة

ما اصدق احد


ولاني ما اهتميت لهم لا الفحص عورني ولا الولادة تعسرت

لاني توكلت على ربي و وثقت فيه انه بيسهلها لاني دايم ادعي
الفحص مصاخه بنات ما يعور ولا شي


شدعووووووووووووه عليهم عطيهم اكبر طاف

والله ثم والله ما اطبطب عليج

ترى صج الولادة ماتخرع تونس تجربة يديدة وبس يطلع الياهل تنسين

كللللللللللل ششششششششششي

 

[@أم يوســـف@]

الله يهون ويسهل عليج وتكون اسهل ولاده يااارب وتعيدينها كل سنه&#55357;&#56841;

 

[راقية بذوقها]

الله يسهل علينا يارب انا والله حيل خايفة بس عسى ربي يهونها علي وعلى كل حامل يارب

 

[أبكاني ذنبي]

ماعليج من كلام البنات

والله من طلعت من غرفه الولاده وانا اتصل ع ريلي واحط قلوس وكريم خفيف


ولبست قميصي وعادي الوضع وفرحااانه واتصل عليهم اييبون ولدي


والحمدلله حملت مره ثانيه ياربي لك الحمد الوضع طبيعي

 

[الأميرة جوري]

بعض الحريم يجذبون لتخريع لووووووول

 

[نور دنياه]

الله يسهل عليج وعلينا

شوفي انا مابجاملج ولا بطبطب عليج، في بنات يبالغون بالوصف وفي بنات يقولون من واقع تجربتهم ترى ! يعني اذا انتي الفحص ماعورج غيرج يعوره! انا المره الاولى ماعورني وحسيت انه البنات يهولون بس المره الثانيه وااايد عورني الدكتوره كانت دفشه.. يعني احس يعتمد على طاقتج بالتحمل في بنات من شكه الابره تبجي وفي بنات لاء! يمكن الي كتبت تجربتها تكون من النوع الاول الي مايتحمل ، وانتي يمكن من النوع الثاني الي يصبر .. فمااظن البنات الي كتبو تجربتهم جذابين بس يختلف من وحده للثانيه

والولاده فيها رهبه بس انتي خلج قويه وثقي بالله واستعيني به وقولي ان شالله الله بيكتب لي الولاده السهله دايما رددي ببالج هالشي .. بس لاتفكرين شنو بتسوين انا كلللش مافكرت بولادتي ولا حتى شفت فيديوهات ولاده مابي اشوف شي ورحت على عماي وعدت الحمدلله
توكلي على الله ولاتسمعين للحريم وايد

 

[بنت الاحلام]

صادقه والله حتي انا بجر مت خوف واخر شيً سهالات الولاده والحمدلله
مو نفس ماقالو لي ربي سهلي حييل
ماعليج الحريم يبالغون حييل

 

[7alaty]

اسم الله عليج حبيبتي

مالج شغل بأحد الولادة سهالات من رب العالمين
حبيبتي اقري قران يوميا وادعي


يكفي اللي يشوقج للولادة شوفة البيبي هذا اللي يخفف كل الم


انسي الألم وفكري بالبيبي بس

 

[درة التاج]

الله يسهل ولادتك
اقري سورة الزلزلة
اكلي تمر والحين وقت الرطب ياسلام
بالعكس روحي شوفي ملابس البيبي الي شريتيها وحطيها علا بطنك
حزتها تقولين متا اولد
انا لما كنت حامل كان في بطني بنوتة ولما ولدت قمت اسال شنو يبت ؟ واكرر السؤال بقوة ودايخة:krkrkr:شنو ييييبت؟ جان تقول لي الدكتورة بنوته قلت زين وخخخخخخخخ نمت
ولما قمت سالت الممرضات شنو يبت؟ شنو يبت؟ هههههههههههههههه قامو يضحكون ويردون علي بيبي قيرل
الظاهر اني كررت السؤال بما فيه الكفاية
:eh_s(7):

 

[تبطي عظم!]

حياتي


الله يسهل عليج

الولاده ماتخوف هالكثر ولا ماشفتي وحده تحمل بعد الاربعين !

في مسكنات وفي كمام وفي ابرة ظهر كل هذول يخففون عليج ويصير الالم محتمل وفي بعضهم ماتحس بالالم كلش مع هالمسكنات


اقري صورة الزلزله ومريم امشي وااجد واكلي تمر


واحذفي ورا ظهرج كل هالسوالف انا لمن فحصوني ماحسيييت كلش !

مع انه حييل خرعوني نفسج

لا تحاتيين سهالات ان شاء الله خليج مع رب العالميين ماينساج

 

[امـ خــزامـى]

حبيبتي انا تعلمت من اول درس

الا وهو ليلة الدخله
كنت احس انه اذا صارلي الامر بمووووووووت
كان وسواس عندي لاني سمعت للبنات واللي للاسف اكتشفت انهم يكذبوون

والله ان وانا اجهز لزواجي وحده تسولفلي تقول شهر وانا اصارخ وصياح والم وبهذله
وبعد زواجي بفتره فتحنا الموضوع قالت من ثاني ليله والامور تمام انا طارت عيوني
قبل تقولي شهر وسوتلي فيلم رعب

من عقبها تعلمت الدرس ومااحكم على الشي الا اذا انا جربت
ويوم حملت ماشفت ولا مقطع فيديو للولاده
ولا قريت اي قصه
ولا ادري كيف هي الولاده اصلا

حتى الطلق الصنااعي اعرفه بس اسم بس ماادري كيف ينوخذ

وماشاءالله طلقي كله بس نصف ساعه الا بنتي طلعت للدنيا
صحيح ارتعععععععععععععععععععت وخفت بس لاني ولاده مبكره
وانزلت علي المويه من غير اي مقدمات وحتى ماشاءالله ماكان عندي مشااكل
السالفه بس رووعه والام الحمدالله محتمل والكماام مااخلاني احس فيه


والله اني كنت نااويه ادعي وانا اطلق لانه مستجاب بس من كثر اني مااحس بشي ودايخه
مااادعيت


الله يهون عليك وتولدين بالسلامه