اعادة البكلريوس

[Shasawi]

انا معدلي مال البكلريوس موعاجبني وانا متخرجه من جامعه الكويت هل ممكن اعيده ويعالدولونلي بعض المواد مثلا؟

 

[سلالام]

مادري
ان شاء البنات يفيدونج

 

[ON_LY]

انا خريجه الحقوق فاذا انتي متخرجه من الحقوق مثلي وتبين تعيدي مواد بالحقوق

يصير بشرطين :

1/ مايكون لج اكثر من سنتين من تاريخ تخرجج
2/تدفعين مبلغ 50 دينار على كل وحده دراسيه
3/حسب الاحتياج و الكراسي المتاحه

بمعنى اذا ماده اربع وحدات عليها معناته 200 دينار وانتي طالعه بهالطريقه

فتاخذين مواد الي طلعتي فيهم تقدير d وتعيدينهم وتدفعين فلوسهم

 

[GofiSho]

اضافة لكلام حبيبتي اللي فوقي .. !

تقدري تدرسين تخص ثاني . و يعادلون لك المواد لو تبين ..

موفقة

 

[ON_LY]

قوفيشو

اذا هيه حقوق فنظام كليه الحقوق بالكويت سنوات مو كورسات

وهي تقول معدلها مو عاجبها معناته اكيد مواد طالعه فيهم تقدير d

فشلون تاخذ مواد تخصص ثاني ويعادلون لها؟؟؟

اتوقع تصير فقط تعيد المواد الي درستهم انها تعيد اما تاخذ مواد جديده وتزيد بعدد وحدات التخرج الامر الي يؤدي الى تقليل فرص زياده المعدل؟؟

فانصحها تقلل بعدد وحداتها وماتاخذ مواد غير المواد الي طلعت فيهم d وتحاول ترفعهم مع ثبات عدد وحدات التخرج انه مايزيد
ويرتفع معدلها

بس المسأله عالكراسي المتاحه والمبلغ المهول الي تطلبه جامعه الكويت لكل وحده 50 دينار واذا الحقوق نظام سنوات اقل شي لازم 30 وحده تاخذينها للسنه الدراسيه الواحده

معناته 30 وحدة نضربها ب 50 دينار يطلع لازم تدفعين عشان تعيدين من خمس الى سبع مواد لسنه كامله 1500 دينار

 

[Shasawi]

اناا راضيه يامعودييييين بس خنعدل هالمعدل الفاشل اللي يفشل اهه ياقلبي لا متخرجه تقريبا 3 سنين زين وين اسال عشان اعرف؟؟

 

[Shasawi]

رفع بليز دلووووووووووني وين اسال

 

[Sara-1985]

بنات انا تخصصي تكنولوجيا التعليم وصارلي سنتين متخرجه شلون اذا بدرس تخصص ثاني داخل التربيه الاساسيه

 

[Ba6oo6a-Q8]

Up
up

 

[عادت ذكرياتي]

أب


أب

 

[ON_LY]

shasawi

تبين تتاكدين اكثر راجعي القبول والتسجيل بالشويخ هناك وهم يقولون لج

وكسبي اجر بالبنات الي رفعوا موضوعج لانهم بيكونون ناطرين ردج وشنو قالولج

تقبوا مروري

 

[شهر العسل]

انا متخرجة من جامعة الكويت ... تخصصي كلش ملش مو عاجبني ... قبل فترة اتصلت عالجامعة سألت اذا اقدر أدش جامعة الكويت مرة ثانية عشان اخذ بكاليريوس بتخصص غير عن تخصصي و يعادلولي المواد المشتركة مثل تاريخ حضارة عربية اسلامية و ثقافة اسلامية و غيرها
قالولي لا مايصير كل شخص له الحق انه يدرس و يتخرج من جامعه الكويت مرة وحدة بس ...

ونصيحة اذا تبين اي استفسار اتصلي عالجامعة عمادة القبول و التسجيل و سئليهم أم روحيلهم اذا عندج وقت....
اهما المصدر والمرجع الاساسي حق اي استفسار ....

 

[اللاندكروز]

اب اب اب

 

[strong namla]

اب تب موضوع مهم

 

[Shasawi]

اوكي ان شالله اسال واردلكم خبر بس خل اعرف منو اسااال ولازم اروح بنفسي بالتلفون ماتوقع يردون ولا يعطون ويه اصلا

 

[maryam22]

صج يصير ؟؟
انا بعد اعاني نفس مشكلتج وودي ارفع معدلي بس انا خريجه دفعه 2009 يمدي؟

 

[ناتشوو]

زين ممكن
سؤال
شنو تستفيدون من رفع المعدل بعد التخرج؟
هل مثلا في وظايف تتطلب معدل معين وتبونها؟

 

[maryam22]

الهدف اني بكمل ماستر بجامعه الكويت ومشكلتي المعدل

 

[maryam22]

انزين مبني عماده القبول والتسجيل بس عند اي قسم بالضبط؟!؟

 

[ناتشوو]

امم فهمت
الله يوفقج وييسر امورج ويقدر لج الخيرة من امرج