اظافري مخرعتني ومخليتني اوسوس !! شوفوا الصوره

[L a w y e R]

السلام عليكم

بدخل بالموضوع دايركت

بنات انا صارلي فتره الاحظ ظفري ، غير عن باجي اظافري

جنه محفر بسايز راس الابره وينقال له بالعربي ( الاظافر المتموجه )

وهذي صوره من النت ، نفس ظفري

قعدت اقرا بالنت وماحصلت شي يريحني ولا يرسيني على بر

ودورت بالسايتات الاجنبيه وعرفت ان ينقال له Rippled Nails

والحمدلله مو فطريات ولا شي ثاني ..

.

انا الحمدلله وايد اهتم باظافري ، واعقم ايدي واغسها دايما وارطب اظافري ماخليهم جافين بس فجأه جذي صار بظفري ، والحين بادي يصير بظفر ثاني

.

كلش ماحب روحة الطبيب وحدي قاعده اوسوس

من عندها فكره ومتاكده عن اسباب واعراض هالمرض وكيفية علاجه ؟

ادعولي بنات ان الله يشافيني ويعافيني وينولني اللي فبالي

ولكم مثل دعواتكم واحسن انشالله بهالشهر الفضيل

مشكورين

 

[L a w y e R]

ظفري نفس اصبع الوسطى بالصوره اللي فوق

الاصبع اللي بالنص

 

[احساس ملكه]

غريبه؟

يعنى بدون سبب معين ؟ ترى الظفر نفس الشعر يمكن انتى كلتى قبل فتره ادويه ا و مضادات حيويه اثرت علي الاظفر

روحى سوى تحاليل وراجعى الدكتور اريح لج

والله يشاافيج

 

[nono18]

نفس مشكله اظافري وماعرف شنو السبب !! انشالله اذا لقيت حل اقولج ^^

 

[Fashion Falls]

اجر عافيه محاميتنا ماتشوفين شر وان شالله ماكو الا اللي يكن بالج
توكلي علي الله وروحي للجلذيه اهم اللي بيطمنونج
وطمنينا:eh_s(17):*

 

[عطورات المطيري]

ماطلعت لي الصوره
بس اذكر من فترره كان عندي نقص فيتامين طلع بظفري بقع بيضا
ولاتحاتين روحي الطيب وانتي اتقولين مو فطريات الحمدالله

 

[..فروحه..]

لاتخافين روحي الطبيب وان شاء الله مافيج شي واصلن ماراح يسويلج شي اللهم بيشوف اظافرج ويعطيج ادويه هذا اذا فيج شي

 

[ياحُبِي لِلكويت]

اختي بعد نفس حالتج موعارفه شنو السبب . اتوقع نقص فيتامينات ...

 

[L a w y e R]

بعد عمري مشكوورين كلكم :*

 

[د.شريفة]

اتوقع نقص فيتامينات

 

[caramella <3]

الله يشافيـــــــــــــــــــــــــــــــــــــــــــــــــــــــــــــج و يعافيج حياتي و لا تخافين ماكو الا العافيــــــــــــــــــــــه ان شاءالله ,, و الله يا زميلتي هذا شكله نقص فيتامينات و عادي شي مألوف جداُ و مالج الا الطبيب لان اهو ابخص ,,

 

[L a w y e R]

مشكورين وماقصرتوا

 

[شندوخه]

هذا من نقص الكالسيوم شربي حليب وروب وان شاءالله مالج شر

 

[الأميرة جوري]

انا اقولج شنو السبب وعن تجربه انا فجاه صار لي جذيه واكثر عمق وانتشر بكل اظافري وانا ايدي تلفت النظر تخيلي شافتهم وحده وقالت حطى عليهم زيت زيتون مقري فيه او روحى لشيخ ماتصدددددددقين مرتين مادري 3مرات حطيت زيت زيتون مقري فيه قران اختفي حدي انصدمت يعني عين اختى وانتى اكيد ايدج حلوه .....حبيت احط تجربتى والله يشافي جميع المسلمين

 

[L a w y e R]

شندووخ حبيبتي مشكووره وماقصرتي :*

الاميره جوري مشكوره حبيبتي ويزاج الله خير

 

[معلمة علوم]

لا تحاتين اكيد نقص في فيتامين معين اذكر مره ليمن كنت صغيره كانت عندي اكزيما مدري صدفية اظافر ايدي طارت متموجه جنها سلم بس لا تفكرين وايد روحي لدكتور يطمنج و ما عليج الا العافية

 

[L a w y e R]

مشكوره

 

[noorq8]

أنا عندي نفس المشكله وكنت خايفه لاتكون مرض من القطاوه( مع ان قطاوتي مطعمين) ورحت سويت فحوصات وخذوا عينه وحللوها وطلع سليم فقال لي الطبيب ممكن يكون سايد افكت مال أدويه اخذتها أو قاعده آخذها فتطمنت بس الحين عقب ماقالت وحده من العضوات عن زيت الزيتون بجربه لأن مره كنت حاطه حنه الغامجه اللي تصير كأنها صبغ أظافر على أظافرايدي وريلي وكنت مطولتهم وشافتني وحده جان تقول وناسه انت وااايد معتنيه بأظافرج ومن عقبها لاحظت هالشي :eh_s(16):والعين حق

 

[L a w y e R]

صاجه

الله يشفيج انشالله

 

[nono18]

تفضلي ^^

http://exam.bloguez.com/exam/page2/58506

وروحي الطبيب احسن وانا هم بروح ^_^

​