اطفالنا ومهارات الطريقة الترفيه ؟؟ ووين ؟؟

[leza_q8]

السلام عليكم ورحمة الله وبركاته ...
خواتي وحبايبي الامهات شلونكم وشخباركم ؟؟ اتمنى لكم ايام سعيده في زحمة الدراسه والواجبات لكثيره الله يكون بعونا احنى واعيالنا وهديهم لنا .. آمين وقر عينا ونشوفهم من احسن الناس وانجحهم

بنات انا حاب اعرف طريقة كل ام في تعاملها وترفيها او طلعتها للعيالها ومكافأتهم وطبعا لتخفيف من الضغط الدراسه والواجبات

راح اسرد بعض الاسئل بشكل نقاط والبعض الاخر راح اخليه مفتوح للنقاش والسوالف والاستفاده ان شاء الله

على الخير نبتدي .....

الاسئله :_
1- شلون طريقتكم بالتدريس اليوميه ؟؟
2- وكم ساعه تاخذون باليوم ؟؟
3- شنو المكافئة اليوميه للطفل اذا انجز ماعليه من وجبات ودراسه ؟؟
4- واذا تملل وزهق وتمرد شتسوين له علشان يرجع يهدى ويسترخي ويرجع للدراسه ؟
5- الساعه جم ينامون باليل للمدارس ؟؟ وساعه جم يقعدون ؟؟
6- هل النومه بالعطله او الويكند تحتلف او نفسها ؟
7- مكافئتكم لهم كطلعه تكون بس اخر الاسبوع بالعطله الويكند ؟؟
8- او ممكن تطلعونهم في وقت ايام الاسبوع ؟؟
9- وين الاماكن الي تطلعونهم لها ؟؟
10- وشلون نظامك ومن الساعه جم الي جم ؟؟؟
11- ما تحسونهم انهم ملوا من الاماكن الي انوديهم دايم رغم ان انجدد فيها ؟؟

اقتراحاتكم على الموضوع اذا وجد او نصايح ؟؟


وانا بجاوب اول وحده
1- شلون طريقتكم بالتدريس اليومية ؟؟
من يرجعون من المدرس يشوفون التلفزيون ويلعبون وبعدها نتغدا وبعدها انام وريح اشوي بو ساعه واقعد على الساعه4 او 5 ونبدي حل واجبات ودراس الي الساعد 7ونض وقت العشا
والساعه 8 باليل اهم معسلن وبراشهم اجباري مافي احد يقعد الي فوق 8 بالليل
طبعا ممكن يتخلل هالفتره نص ساعه ستارحه او شرب حليب وبسكوت بريك اذا تمللوا يعني يطقون دوره بالبيت ويرجعون

2- جم ساعة تاخذون بالدراسه ؟؟
وقتنا المحدد من 5 الي 7 ونص

3- شنو المكافئة اليوميه للطفل اذا انجز ماعليه من وجبات ودراسه ؟؟
مكافأت متنوعه ( استراحه انلون فيها شوي + نقول قصه + او نلعب المدرسه والتلاميذ بالصبوره + او نقعد نسولف واحنى نشرب الحليب والبسكوت والكيك + واذا صاروا اوكي باليل اقولهم قصة قبل النوم ونتعلم شي جديد من حكتيات الماما __ احم احم الي اهي انا + او اندش نسبح كلنا قبل النوم ونلعب بالماي

4- التملل وزهق وتمرد الي يحوشهم ساعات شتسوين له علشان يرجع يهدى ويسترخي ويرجع للدراسه ؟
اتباع بعض المهارات الي فوق وساعات اعصب وشد 

5- الساعه جم ينامون باليل للمدارس ؟؟ وساعه جم يقعدون ؟؟
الساعه 7ونص متعشين وخالصين تغسل و8 اهم بالفراش وقعدون اللصبح الساعه 6:30 او 7 صباحا

6- هل النومه بالعطله او الويكند تحتلف او نفسها ؟
طبع تحتلف بحكم الوزاوره انتاخر الي 10 او ساعات اذا كانت طلعتهم الاسبوهيه الترفيهيه كانت باليل وتاخرنا ولكن العادة احب اطلعهم امبجر وارجعهم امبجر

7- مكافئتكم لهم كطلعه تكون بس اخر الاسبوع بالعطله الويكند ؟؟
والله احنى ما نطلع الا بالويك اند والعطله طبعا لذيق الوقت وان لازم ينامون مبجر وقعدون نشيطين ومصحصحين
بس ساعات اذاشفتهم متعسرين وزهقانين من البيت وفي وقت رحنا الجمعية الحديقه الي بالمنطقه يعني بو ساعة ونرجع

8- او ممكن تطلعونهم في وقت ايام الاسبوع ؟؟
ممكن بس نادر
9- وين الاماكن الي تطلعونهم لها ؟؟
الالعاب ستي سنتر – الشعب – المثنى – البحر – مطاعم – سوق يعني – يوم البحار – حولي بارك
(بس صدقون بنات عندي مشكله بالاماكن احس ازهقوا منهم ولا قاموا يعرفون قيمتها وكل يبون شي جديد  والله اتعب على ما اختار المكان)
ساعات كل ما قلت لهم انروح مكان يردون ما نبي ملينه مو حلو 

10- وشلون نظامك ومن الساعه جم الي جم ؟؟؟
عادة تكون الطلع يا من ال12 الطهر وتشمل الغداء والألعاب ونظل الي باليلل الساعه 6 او 7 ونتعشى ونرجع تعبانيين
او من 6 المغرب ونروح نلعب وطلعتنا وانتعشى بره ونرجع

11- ما تحسونهم انهم ملوا من الاماكن الي انوديهم دايم رغم ان انجدد فيها ؟؟
اي وايد احسهم زهقوا من الاماكن وما قاعد ترضيهم حتى الالعاب والهدايه ما قامت تونسهم ولها قيمه عندهم
معني مو من النوع الي ما يشري وكود ما اشتري اللعبه الا ولها مناسبه ومعنى
وهذا ما في دلوي  وانتظر مشاركاتكم 

 

[leza_q8]

احم احم وينكم وين تفاعلكم ؟؟؟

نبي نستفيد منكم ومن خبراتكم ؟؟ وين الناس ؟؟

 

[رفرف]

1- شلون طريقتكم بالتدريس اليوميه ؟؟

اعطيها الدفتر واقولها كتبي
بس احط صبعي على الكلمة او الحروف او الشي اللي تبي تنسخه اوريها بصبعي شلون اكتبه او مرات اكتبه لها بدفتر ثاني بس تشوف الطريقة وهي تكمل ..
واذا عندهم وورك شيت اقرالها بس لأنها ماتعرف تقرا واخليها تحل .. واذا غلط اشرحلها ليش غلط وهي تصلح بروحها
هذا حق حل الهوموورك ..
اما الدراسة .. عندي دفاتر شكثررررر عن الحروف العربية والانجليزية ودكشناري مصور حق فوكابلري الانجلش ونلعب بالسبورة طبعا اتفنن بموضوع السبورة عندي كل الانواع ..
وما اشد معاها كلش ولا اعصب وان حلت غلط ناخذها ضحك وغشمرة وانمسح ونرد نحل علشان لا تتحبط خاصة بنتي سريعة الاحباط ..
وحتى اللعب لما نلعب لازم لازم ادخل لها شي عن الدراسة يعني اللي يفوز مثلا يسأل الثاني سؤال ..


2- وكم ساعه تاخذون باليوم ؟؟

دراسة بس ؟ مو وايد بالكثير ساعة توها روضة ..
دراسة ولعب .. طول اليوم

3- شنو المكافئة اليوميه للطفل اذا انجز ماعليه من وجبات ودراسه ؟؟

مكافئات معنوية غالبا ..
ومرات اذا بنطلع تكون اهيه المكافأة بس انا ما أكافئها ان حلت الواجب خل تدرس ان هذا شي مفرووض مو من كيفها
بس وايد وايد اكافئها على سلوكها ..


4- واذا تملل وزهق وتمرد شتسوين له علشان يرجع يهدى ويسترخي ويرجع للدراسه ؟

احاول وانا ادرسها ماخليها تتملل ونضحك ونلعب وان ملت العب معاها شوية مو وايد تالي ناخذ قشنا ونطلع نحل مثلا بالحوش او بغرفتي او داخل الخيمة مالت الالعاب يعني نغير المكان ..


5- الساعه جم ينامون باليل للمدارس ؟؟ وساعه جم يقعدون ؟؟

تنام 6ونص او 7 .. وتقوم قبل الساعة 6

6- هل النومه بالعطله او الويكند تحتلف او نفسها ؟

اخليها على راحتها متى ما داخت تقولي بنام وعموما انا ما أتاخر بره وهم معاي حتى بالويك ايند واذا تأخرت اهيه تكون لاهيه مع اليهال ماتبي تنام اخليها على راحتها وتقوم متى ماتبي بس تكون متأقلمة بروحها تلقينها تنام مبجر وتقعد مبجر حتى بالويكيند ..
بالعطلة نأجل شوي النوم يصير 9 او 10 ..

7- مكافئتكم لهم كطلعه تكون بس اخر الاسبوع بالعطله الويكند ؟؟

لا انا ماطلعهم اخر الاسبوع كله زواير ..
طلعاتنا بالغالب نص الاسبوع

8- او ممكن تطلعونهم في وقت ايام الاسبوع ؟؟


اي ..


9- وين الاماكن الي تطلعونهم لها ؟؟

كل مكان حديقة ممشى العاب مولات

10- وشلون نظامك ومن الساعه جم الي جم ؟؟؟

من الظهر نتغدا هناك لي وقت نومهم ونحل الهوموورك هناك بعد

11- ما تحسونهم انهم ملوا من الاماكن الي انوديهم دايم رغم ان انجدد فيها ؟؟

لا ما يملون ما اكرر الاماكن على فترات قريبة كلش


اقتراحاتكم على الموضوع اذا وجد او نصايح ؟؟

اذا تذكرت شي بكتبه ..
حاليا احس روحي كتبت كل شي