#اطباق فتافيت المجربة مني وبس حصري جداااا لايفوتكم #

[ام انوفة]

مشكورة على هالفكرة الحلوة وياريت تحطين وصفات حق سمر بالخليجي

 

[صدى الأفراح]

يااااريتني ماعلمتك عن موقع تحميل الصور حرااااااااااااااااااااااااااااااااااااااااااااااام والله متت قهر والله الصور بتلعب دووووووووووووور تسلم ايييييييييييييدك أيوه هييييييييك رووووووووووووووعه صار الموضوع يلااااا استمري وأخربي بيتنا يلااااااااااا

 

[ايمانو حلوة]

حبيباتي كويتيات مشكوووورين على الردود والتشجيع وانشالله باجر راح انزل خبز الدار على طريقة حورية المطبخ مع الصور

صدى الافراح فديييييييييييييتج الموقع حدددددددده روووعة والتحميل فيه وااااايد سهل ماقصرتي بعد عمري وانشالله بخرب بيتج بس للأحسن عشان زوجج واهلج يمدحووووونج حياتي

 

[Killer^Girl]

ماشالله عليج شاطره
تسلم ايدج

 

[<<لمار>>]

تسلم ايدج وانشاالله بجرب البودنغ بسابى حلو الكورن فليكس المقادير وتوضيح اكثر

 

[زهرااا]

ثاانكس

 

[athora]

تسلم ايدج وناطرين المزيد_03ba:

 

[ايمانو حلوة]

ثانكس رعلى الردود حبيباتي

وبخصوص حلو الكورن فليكس يعني ماعتمدت على مقادير بس اذا تبين مقادير استخدمي كوبين كورن فليكس رايس يعني علبتين صغار وكوبين كورن فليكس العادي 1 مارس 2 آرو وربع كوب كاكاو الصيداوي او اي نوع كاكاو ممكن اتذوبينه وكيسين كاكاو مالتيزرز و4 اصابع كتكات كسريهم تكسير خشن الكتكات والمالتيزرز وضيفيهم لخليط الكورن فليكس وذوبيي الكاوات بالمايكرويف مع 2م ط ك زبدة و2 م ط ك حليب وبعد مايذوبون خلطي الكورن فليكس مع الكاكاو السايح واخذي منه مقدار قفشة كبيرة وحطي بقوالب الورقية وزينيه بخطوط من الكاو الابيض السايح والحلاو الملون المبشور ينباع بقسم الحلويات والكيك بالجمعيات ومركز سلطان وبالعااااااااافية

 

[بدون هويه]

الله تسلم الايادى دام انتى من متابعى برنامج فتافيت انا شريت كتاب لهم بس اكثر الحلويات مكتوب فيها (( طحين السعوديه )) هذا وين احصله لان وايد شغلات حلوه بالكتاب 0

 

[ABEER FLOWER]

موضوع رائع
تسلم الأيادي
لا يوقف

 

[بدرووووووووووه]

مشكوووورة

 

[ايمانو حلوة]

مشكورييييييييييين عالرد ماقصرتوا

حبيبتي الل تسأل بخصوص الطحين استبدليه بطحين الكويت العادي

 

[شقاوه صمت]

وااااااااااااااااااو ماشاء الله عليك فناااااااااااااااااااانه

 

[ايمانو حلوة]

شقاوة صمت بعد عمري مشكووووووووووووووورة

 

[ايمانو حلوة]

حبيباتي سويت اليوم عيش بولاو مع الدياي على طريقة كليوم شيف



هالطببق حلو وسرييع ومكوناته بسيطة ويعتبر طبعا وجبة رئيسية



اول شي ييبي الدياية قطعيها وشيلي عنها الجلد ونقعيها بشوي مالح وملح عشان الزفرة وخليها على كتر وفرمي ثووووووم وخليه على كتر وبعد نقعي مقدار 3 كوب عيش ابماي نص ساعة وفرمي بصل شرائح حق الزينة وحمريه بالزيت


الحين ييبي جدرج وحطيه على النار وحطي 4هيلات مع 3مسمار وعود قرفة وحركيهم بالزيت دقيقة وضيفيلهم ثوم مهروووس او مفرووم تقريبا انا حطيت 3 فصوص ورشيتهم بفلفل حار بودرة وقفشة وسط بابريكا وحركي وضيفيلهم الدياي المقطع تبليه ابملح وفلفل اسود وحركي الين يتحمراشوي وبعدين بالتدريج ضيفي قوطي روب قفشة وحركي قفشة وحركي الين الدياي يتشرب الروب وحطي العيش المغسول ورشي زعفران وشوية من بودرة الزعفران وقلبي عدل مدل وتالي صبي مقدار 5كوب مرق دياي وخليه يطبخ ن طبخة وشخليه وحطيه على نار هادية ونجبيه وزنيه بالبصل المحمر

اليوم الظهر سويت هالطبخة ابيت اهلي


بالعافية

 

[ام سلومd]

اشلونج ايمان اذا ثبتي في برنامج في فتافيت 5 ديقائق على ما اظن حطوا يداي شواها على دهنها و ظاعت مني لوصفة عفية اذا تذكريها

 

[ايمانو حلوة]

هلا حبيبتي ام سلووم


حبيبتي مادري بالضبط مانتبهت بس اذا قصدج الدياية المضغوطة اللي شواها اول شي بالمقلاة وتالي حطهخا بالفرن ؟؟


وعموما اذا مو اهي الاعادة اليوم على 2 بليل تقريبا وفي اعادة الصبح بعد واذا بتعرفين التوقيت بالضبط دشي موقع فتافيت وتاكدي

 

[78MariMar78]

تسلمين حبوبة على المجهود الجميل

 

[ايمانو حلوة]

مشكوورة ماريمار على الرد حبيبتي

 

[ايمانو حلوة]

خبز الدار بطريقة حورية


حببيت هالنوع من الخبز واينن مع الشوربات

المقادير:
٥٠٠ ج طحين
٣٥٠ ملل ماء دافي
ملعقة كبيرة ونصف الملعقه خميرة خبز
٢ ملعقة كبيرة زبدة
١ ملعقة كبيرة ملح
١ حبة بيض
١ ملعقة كبيرة حليب بودرة
نصف ملعقة يانسون
نصف ملعقة حبة البركة
٢ ملعقة سمسم مطحون ومحمّص


الطريقة:
يوضع الطحين مع الزبدة الذائبة ويفرك جيدا ويخلط مع باقي المكونات والماء
يعجن لمدة ١٠ دقائق ويترك ليتخمر نصف ساعه أو أقل حسب درجة حرارة الغرفه
يشكل ثم يترك ليتخمر مرة اخرى
يدهن بالبيض (حسب الرغبة) مع قليل من الحليب
يخبز لمدة ٢٠ دقيقة على ٤٠٠ درجه فهرنهايت


وهذا تطبيقي

[/URL][/IMG]

[/URL][/IMG]