اطالع فيني.......

[أميره بحزني]

مساء الخيرات


خلوووني أقولكم شفيني أنا كنت قاعده مع رفيجاتي بالدوام وفيه وحده تسولف معانا وماطالع فيني أطالع برفيجتي ياربي وأي سالفه أقولها تقعد أطالع برفيجتي شنو قصدها بنات والله ظيقت خلقي يعني كل البنات طبيعيين يطالعون فيني وأطالع فيهم لما نسولف بس هذي موفاهمتلها أطالع بالبنات لما تسولف معاهم بس أنا تقعد أطالع برفيجتي وبنظرة عينها كأني جذابه أو أنا سامعه عنج حجي نظره غريبه وصرت لما تسولف معاي قمت أكره أسولف وياها ....ولاتقولون أحاجيها اخاف تقول أنتي شفيج أو أنتي ماعندج ثقه بنفسج و يتهيألج خو أهي كله أطلع نفسها العاجل وأنه الناس يتهيأ لها ...



وسلامتكم​

​

 

[iLLuMinaTion]

مشكوره على المعلومات

 

[قطوه دايخه]

رد : رد: اطالع فيني.......

مشكوره على المعلومات

مادري مافهمت شي من ردج بس الله يعطيج علي قد نيتج للرد ..


تبين النصيحه مظايقتج سحبي عليها ووايد تحصلين عاهات بالداوم وناس مرضي نفسيين انتي واثقه من نفسج لاتسولفين وياها

 

[Tom ♥ Jerry]

.



يمكن حوله
خليها يمكن محتره منج أو منبطه جبدها منج : )
عطيها آكبر سكب و لا تبينين لها انج مهتمه انهآ تطآلعج

 

[فوقهن و تسواهن]

رد : رد: اطالع فيني.......

.



يمكن حوله
خليها يمكن محتره منج أو منبطه جبدها منج : )
عطيها آكبر سكب و لا تبينين لها انج مهتمه انهآ تطآلعج

امبيييييييييييييه لوووووووول سبقتيني والله الظاهر جذي حبي دربها خظر و انتي اذا تكلمتي معاها لا تطالعينها بعد سوي مثل ماتسوي فيج

 

[تيناا]

اي معلومات؟

 

[Ray.Bana =$]

رد : اطالع فيني.......

عطيها نفس النظرات اللي تطالعج فيها

 

[أسيرة_أحزاني]

رد : رد: اطالع فيني.......

اي معلومات؟

هههههههههههههههههه :krkrkr: :krkrkr:

صاحبة الموضوع عادي ياما بتعيشين وتشوفين :rgewrg:

 

[كويتيه مذهله 87]

يمكن موقصدها شي
,,,

 

[جذابه بنت ذيابه]

رد : اطالع فيني.......

صدقيني غيرانه مننننج


احقريها بس


:tek:

 

[Esraa.a]

رد : اطالع فيني.......

طنشييها لا تعطينها اهتمااام .. سولفي جنها مو موجوده

 

[أمل q8]

لاتسولفين معاها والله أنا معاي بالداوم وحده جذيه بس أنا أللي معاي أشكره توري للناس أنها محتره علي لكلمه توقفلي وتحاول اطفرني بسوالف يهال

 

[الأميرة جوري]

رد : اطالع فيني.......

انتى بينج وبينها شيء صار بينكم تش ؟؟

تصدقين يقولون اللي مايطالع لثاني لها معنى ....انا اذكر اذا الوحده تسولف وماطالع بالي تتكلم معاه معناها سالفتها فيها جذب ههههههههه بس اللي مستمعه وماتحط عينها بعين اللي تكلمها معناها وبنظري ما عندها حسن الاستماع للغير <<<يبيلها تثقيف هالشيء يحرني بصراحه

 

[ماعرفتك زين!!]

رد : اطالع فيني.......

هههههههههههههههه
الله يعينج ذكرتيني بالعاهات اللي اصادفهم بدوامي لوووووول
حبيبتي اكيد محتره منج هاذي اخذيها ضماااااااان لان انا كنت قبل نفسج كذا وحده لما تكلمني اطالع رفيجتي او اطالع للطوفه وكنت اتعب واتضايق مع اني اعاملهم كلهم بالطيب بس مع الخبره والممارسه>>>يعني اسكت لووول
اكتشفت انه اللي في نفسه مرض الله يشفيه >>>>والجزاء من جنس العمل عامليها مثل ماتعاملج او احقريها ريحي بالج مثل ماهي مومحترمتج ولااطالعلج انتي سوي نفسها ولاتفتحين معاها مواضيع بلعنتها زين
بس تعبت لووول

 

[FeShinGoOo]

رد : اطالع فيني.......

يمكن عاجبها ستايلج او شخصيتج معاي وحده جذي بالدوام كله تخز فيني وساعات تبتسم بينها ولين روحها واهي اتطالعني عاد مره قتلها اشفيج تبتسمين جان تقولي طريقتج بالكلام اتشووق احب اشوفج وانتي تتكلمين *

 

[A L L U R E]

رد : اطالع فيني.......


لاتفتحين معاها مواضيع اكيد محتره منج ~

 

[گـحِـلْ |~]

رد : اطالع فيني.......


أنا خليت الموضوع وأبي اعرف ..

شنو المعلوومات !!

الموضوع مافيه أي معلومه !!

 

[catwiti]

هاذي فيها شي اكيد يا محتره يا سامعه حجي او في شي صدقيني واضح يبين التصرفات واظحه انه اكو شيي
عموما حاولي ماتعطين مشاعر حق هالشي عشان ماتتظايقين ولاتهمج والله يكفيج شرها ويمكن يبين مع الوقت اهي شنو فيها وليش تتصرف جذي بس انتي خلج مثل ما انتي وواثقه من نفسج

 

[متي أركد]

يامعوده طاااف أحيانا فيه حريم تصرفاتهم تصرفات يهال سكبيها

 

[سيدة المنزل]

رد : اطالع فيني.......

ما تسأليها ولا تتهمي كأن شي ماصار