اصلحي من ذاتك .. ليش ؟

[فيّ العصر]

السلام عليكم و رحمة الله و بركاته

موضوعي ناتج من التفكير بالشخصيات المختلفة و المتناقضة الي اشوفها كل يوم

و اتم و اقول ليش ؟
و بعدين يعني ؟؟
:eh_s(4):


شخصيات مختلفة نقابلها كل يوم ..
انا لذاتي
كنت في يوم من الايام احدها !!:eh_s(2):

على صغر سني اتخذت خطوة تغيير جذرية في حياتي
حتى صرت انسانة مختلفة بكل المقاييس :ggdw:

و في اصعب مرحلة من حياتي زادها صعوبة بعد والدتي عني
بدال ما اعيش الحالة الي تعيشها مراهقات هاليومين
و افلام الانتحار و الانحراف
نضجت :eh_s(9):
و كبرت من عقلي
حتى اصبح عقلي اكبر من بعضهن

ايي !! لا تستغربون
اقصد بـ " بعضهن " :eh_s(1):
حريم كبار و متزوجات و معيلات
و حتى يمكن محفدات
يعني ما شاء الله تبارك الرحمن عندهم عيال و احفاد

ما امدح بنفسي و اعطي فكرة غلط لأن >> مداح نفسه يبيله رفسة
و يبيلة طراق بعد يوعيه من السكرة الي اهو فيها :eh_s(14):

بس الي ابي اوصل له
اني ودي
ودي
ودي
ودي

يتغير تفكير بعض البنات او الفتيات او الحريم و يصير مثل تفكيري !!

بعد ما كنت مثلهم تماماً

استغرب بعض الحريم الي يقولون :
فلانة ما حضرت عرس ولدي .. ماني حاضرة عرس ولدها

فلانة ما وجبتني و يات عزومتي ما تستاهل :eh_s(10):

فلانة ما يابت لي هدية بعيدميلادي ماني مودية لها هدية :rgewrg:


لحضة ستوووووب !!

فعلا فعلا غريب امرهن !!

من متى تنقاس علاقاتنا بعرس و الا بعزومة و الا بهدية

كأننا نقول احنا نعبد رب العالمين عشان يعطينا !!:eh_s(4):
احنا لو فكرنا شوي و قلنا راح نعبد رب العالمين عشان يرصى علينا
الله راح يدهشنا بعطاءه !!

و جذي علاقاتنا مع باقي البشر

لو كانت صداقاتنا و علاقاتنا مع الناس اعطيج و تعطيني ما فلحنااا

و لو كنت بعيش و اقول فلانة ما زارت و فلانة ما يابت و فلانة ما سوت
ما بعيش حيااااتي
و بتعععععععب
بتم طول عمري اراقب الناس هذي شسوت و شماسوت !!

احنا لو لدقيقة شفنا اعذار الناس و سألنا عنها بنلاقي الف عذر يسد حلجنا

و ليش لأ ؟

ليش ما نحط لخواتنا سبعين عذر و ناخذهم على سبعين محمل و ما نظن فيهم السوء

حتى لو اعذارهم ما تقنع الواحد .. بس سبحان الله
احنا ما ندري فلانة حالتها المادية شنو و ظروفها شنو ؟؟

الله انعم علينا بنعمة النسيان

ليش انتم طول عمرنا حاقدين و شايلين بقلبنا على وحدة ما عطتني و ما زارتني

و ليش ما نبتدي بتغيير ذاتنا عشان الي حوالينا يتغيرون
ليش ما نعطي بدون مقابل و لا حتى ننتظر كلمة الشكر

جذي بيكون ثوابنا عند الله اكبر

ليش ما نبتدي نصلح من ذاتنا قبل ما نصلح المجتمع الي حولنا
لان في اصلاح الذات راحة نفسية
و الي نفسيته مرتاحة يواجه المجتمع بروح قادرة على العطاء اكثر من الأخذ


ليش الحريم لما يتيمعون يحشون بوحدة لبسها مو حلو و الا جيكرة و الا و الا و الا اشياء وايد لو نذكرها ما نخلص !!

هذي المرة و هذي طبيعتها
يمكن ما كان عندها احد يعلمها تلبس و تتكشخ و اهي على نياتها

فعلاً في وايد من البنات بخير و نعمة و مثل ما نقول " فلوسهم سادة عين الشمس " و الحمدلله بس ما يعرفون يلبسون ..

لهالسبب احنا دورنا كصديقات او اخوات ان نحش من وراهم و الا نساعدهم يتسنعون ؟

صفات وايد قاعدة تخرب على بنات شحلاتهم فلقة قمر بس من داخل خراااااب !!

اييي ذاتهم خربانة
شكل بدون مضمون


كلآم وايد بقلبي .. و اشياء وايد قاعدة اشوفها تخرب مجتمعنا و تنخره من كل جانب

و حرااام يا بنات تخلون هالافكار تخرب على علاقاتكم

عطوني رايكم و خل انتناقش :eh_s(17)::eh_s(17)::eh_s(17):


سامحوني طولت عليكم :ch12:
و لي عودة مع جزء ثاني:eh_s(8):

 

[روان المطيري]

اي والله صح السانج ...
اشكثر اشوف حريم كبار بالعمر بس عقولهم نتفه @"

 

[RO0O7Y KUWAITYA]

دررر ... اتحسين ودج الانسان يترفع ع توافهه الامور ....

 

[PuPa^^SWeeT]

تغيرت نظرة الناس لبعضها


وقامو يقيسون المصلحة وحدة من مقاييس الصادقة و الترابط



قامو يتصادقون لاجل المظاهر


ولاجل الانتفاع و المصلحة

صاحبة المناسبات تصادق و صاحبة القيم تعادى


صاحبة اللبس و الماركات تكسب و صاحبة الاخلاق و المبادئ تخسر




و هذا الشي غلط


و للاسف الاغلب جذي


الله يكملج بعقلج


و يوفقج




ويهدي الجميع

 

[سوسو حبيبتى]

موضوعك جميل

شوفي حبيبتي انا اكتشفت الموضوع من بدري نفس حالتك

وكان السبب اعمامي اخوان ابوي

كله يدققون وانت كلمتني وانت ماكلمتني !!

تخيلي اخوااان ويقاطعون بعض عشان سالفه تليفون واتصال وزياره

قلت بيني وبين نفسي لو كبرت مش هااكون زيهم

وفعلا لما كبرت مابقيتش زيهم

بسال على كل الناس وحتي الى عمرهم مايتصلوا بيه بسال عليهم

وحتي الى يسال مرة وعشره لا بسال عليهم

واكتشفت ان النوعيه الى بتقول لك انا اتصلت وانتي ما رديتي اتصالي هما اكتر نوعيه بتتغير من ناحيتك لما تسالي عليهم دايما

ومرة بمرة بيتغيروا فى تعاملهم معاكي

مثال : عندي جارتي ما تسالش عليه الا لو ليها مصلحه مني

او اني اكون متصله بيها فا ترد لى الاتصال

انا اخدت فتره اعمل معاها الاتي والحمدلله ربنا قدرني :

كل مااطبخ طبخه ابعت لها ..مش شرط تكون اكله مبالغ فيها عااادي نفس الاكل الى انا باكله

ومكنتش بستني منها المقابل

كل مااروح اشتري لبنتي مثلا كرااس تلوين اشتري لبنتها من عمر بنتي لاني احبها نفس بنتي وطفله مالها ذنب

باختصار مشيت على مبداء تهادوا تحابووا

لغايه ماهي اتغيرت وبقيت كويسه معايا .. وهي اصلا من جواها انسانه كويسه بس محتاجه الى يفهم شخصيتها ويعاملها صح


اتممني ان تجربتي تفيدكم ... واسفه لو طولت هااطرح مثال تاني

فى واحدة تانيه كانت كل يوم تتصل وتسال عليه وتكلمني ..

اول ماتعرضت لظروف واهملت ف سوالي عليها تغيرت جدااا

وبسبب اني مارحت جاملتها يوم ما ولدت اشتكت عليه كل العائله!! طيب يابنت الحلال يمكن انا ظروفي ماتسمح

وحتي بعد ماعرفت ظروفي مازالت تشتكي وزي الى ماسكها عليه غلطه ومشيلاني العيبه

رغم انى اتاسفت لها ووضحت لها ظروفي الف مررررة بس هي شخصيتها كداا

باختصار فى نوعيات ناس بينفع معاهم الحسنه وفى نوعيات لا

 

[Huda alotaibi]

تلك هي العقول الصغيره بل العقيمه


للاسف الوحده كل مايهمها الطرف الاخر تشقي نفسها بس عشان الاخرين
وهذا خطآ فادح من نساء اصبحوا بالهاويه بسبب عقولهم وافكارهم حتى بليس تبرى منهم
لان تفكيرها مصدي ومنتهي وتقليدي كل همها الحشششششش نعم احتلت المرتبه الاولى

 

[WAAAW]

اي والله صاااااااجه الله يهديهم يارب

 

[Pinky -cat]

اهيا الدنيا ماشية جذي ومثل ما انتي تبين احد يوصلج وما يكسر فيج بمناسبة ولا بموقف اهما بعد نفس الشي اتوقع لو

الواحد حافظ على علاقته ويا الناس ووجب وياهم وان ما قدر يوجب في اعتذار عن الحضور او تبرير موقف عشان

لا تخسرين الانسان اللى وياج ولا تجريحنه او تخليه يفكر بتفكير مو حلو وبجذي تسكرين باب الزعل نهائيا وتكونين

سويتي اللي عليج وبيتني لغيرج انج كان عندج ظروف لكن يخلص الموقف وانتي ساكتة ولا تقولين شي واذا عاتبوج

ولا قالوا شي تقولين التمسوا العذر ، زين بادري اول بالتبرير ولمن ما ينقبل عذرك كيفهك ذيك الساعة تكونين


سويتي اللي عليج ورايتج بيضا

 

[بحرانيـه]

ههههههههههه يقولون عنا احنا الحريم نص عقل مادري صج ولا لا لووووووووووول

 

[فيّ العصر]

اهيا الدنيا ماشية جذي ومثل ما انتي تبين احد يوصلج وما يكسر فيج بمناسبة ولا بموقف اهما بعد نفس الشي اتوقع لو

الواحد حافظ على علاقته ويا الناس ووجب وياهم وان ما قدر يوجب في اعتذار عن الحضور او تبرير موقف عشان

لا تخسرين الانسان اللى وياج ولا تجريحنه او تخليه يفكر بتفكير مو حلو وبجذي تسكرين باب الزعل نهائيا وتكونين

سويتي اللي عليج وبيتني لغيرج انج كان عندج ظروف لكن يخلص الموقف وانتي ساكتة ولا تقولين شي واذا عاتبوج

ولا قالوا شي تقولين التمسوا العذر ، زين بادري اول بالتبرير ولمن ما ينقبل عذرك كيفهك ذيك الساعة تكونين


سويتي اللي عليج ورايتج بيضا

كلآمج صح حبيبتي بس انا هني اتكلم عن صنوف الناس الي تحكم بدون ما تنتظر عذر
الحمدلله انا للحين ما نحطيت بموقف جذي بس من الي قاعدة اشوه حواليني و كلام الناس و حديتهم في هالتوافه .. غلط الي قاعد يصير !!
الناس الي ماشية بالرسميات و الناس الي ما تفكر الا بس بنفسها


اشكر حضورج نورتي :eh_s(17):

 

[شادن33]

يحليلج عاقل ماشالله عليج

 

[فيّ العصر]

بحرانية

waaaw

huda alotaibi

سوسو حبيبتي

pupa^^sweet

ro0o7y kuwaitya

روان المطيري



اسعدني مروركن
نورتو المكان بآرائكن

 

[فيّ العصر]

شادن 33


فديتج :eh_s(22):


و هذي بوسة للحلوين :* :eh_s(7):

 

[فجر 1]

كلامج صح ميه بميه عقليات الحرم صاير غير موكل الحريم طبعا بس الاغلب .... اهم شىء تسوين شىء تكونى مقتنعه فيه ... ويكون صح
الله يكملج بعقلج العقل زينه ..

 

[سوسو حبيبتى]

اهيا الدنيا ماشية جذي ومثل ما انتي تبين احد يوصلج وما يكسر فيج بمناسبة ولا بموقف اهما بعد نفس الشي اتوقع لو

الواحد حافظ على علاقته ويا الناس ووجب وياهم وان ما قدر يوجب في اعتذار عن الحضور او تبرير موقف عشان

لا تخسرين الانسان اللى وياج ولا تجريحنه او تخليه يفكر بتفكير مو حلو وبجذي تسكرين باب الزعل نهائيا وتكونين

سويتي اللي عليج وبيتني لغيرج انج كان عندج ظروف لكن يخلص الموقف وانتي ساكتة ولا تقولين شي واذا عاتبوج

ولا قالوا شي تقولين التمسوا العذر ، زين بادري اول بالتبرير ولمن ما ينقبل عذرك كيفهك ذيك الساعة تكونين


سويتي اللي عليج ورايتج بيضا

شوفي حبيبتي

كلامك عدل ميه بالميه :eh_s(15):

وفى اتيتكيت اسمه اتيكيت الاعتذار عن حضور المناسبات

الى حابه تقرا اكتر عنه تشوف بجوجل

ولكن فى نوعيات مهما تعتذري مش بتقبل اعتذارك

وعلى قوولتك بتكون رايتك بيضا

 

[فيّ العصر]

^^^


و في اوادم لا ييتي اعتذرتي منها

ابتسمت و سامحت و قبلت اعتذارج و لا جنه شي صاير
و قالت لج : لاا ويييه احنا خوات

و بس تطلعين من الباب ما تم احد ما قالت له


و لا فوق هذا كله تقول : و الله فلانة يات و ترجتني اسامحها ""
و تفلم و تزيد بهارات و كركم و كمون و فلفل ممن عندها


مآ أدري ليش يعني شبيزيد و شبينقص منها اذا ابلعت العافية و صفت النية

 

[روانتي 12]

فعلا معاج حق . . الناس تمشي على مبدا الي يعطيني اعطيه . . وسبحان الله في ناس حولي تحثني على هالشي لكن أنا ادخل الكلام مني و أطلعه مناك ما اسمع كلامهم كلش و لله الحمد أعامل ناس مثل ما احب انهم يعاملوني . . والي تكون ع نيتها يقولون غيبه و ما تفهم ولا العكس صحيح . . مجتمعنا حاليا غبي للأسف مؤ الكل البعض . . وانا الحمد الله مهما ماغلطو علي و ضروني ابد بسماح و تصير علاقتي وياهم سطحيه . . وربي يرزق كل انسان على نيته . . في ناس للأسف غيبه عندهم الي تهاوش و تأكلهم اكل هذي ذكيه و القرمه . . هههههههه يعني بصراحه تخلف بالله النبي وصى بهالشي ؟ الحريم مالفين كل شي ع كيفهم ولا صارو ع باطل يدورن أمية الف عذر عشان يطلعون صاجين الاعتراف بالحق فضيله ولف و دوران مؤ حل . . عقليات بصراحه مدري شقول عنها . . أحسن وحده تقتدي بالنبي والله راح تكون بعيون ناس افضل و اشرف و أحسن بنت . . بالأخير اقول عاملو ناس مثل ما تحبون يعاملونكم . . والي تقول هذا ما زارتني وهذي ماحضرت و هذي ما اعزمتني (( التمس لأخيك 70 عذرا )) هذا حديث . . اقتدو فيه لا تستهينو بشي من الدين . . وبالاخير الله يهدي الجميع .

 

[روانتي 12]

^^^


و في اوادم لا ييتي اعتذرتي منها

ابتسمت و سامحت و قبلت اعتذارج و لا جنه شي صاير
و قالت لج : لاا ويييه احنا خوات

و بس تطلعين من الباب ما تم احد ما قالت له


و لا فوق هذا كله تقول : و الله فلانة يات و ترجتني اسامحها ""
و تفلم و تزيد بهارات و كركم و كمون و فلفل ممن عندها


مآ أدري ليش يعني شبيزيد و شبينقص منها اذا ابلعت العافية و صفت النية

ههههههههه . .

صصصٌآجةة والله هالنوعيه شايفتها بعيني ما اقدر اقول غير الله يهديهم .

 

[فيّ العصر]

^^^ كلامج عين الصواب


نورتي الموضوع يا حلوة

 

[فيّ العصر]

up up up up up up



يلا بنوووتات ابي رايييكمممم