اصبعي المقطوع..والخطأ الطبي!!!!

[لميس]

مشكلتييييييييييييييييييييي مو بسيطة واحتاج مشورتكم بسرعة!!!



الله يسلمكم ا
كنت اقطع اللحم بالمطبخ وفجأة قطع السكين اصبعي(الابهام)من الخلف!!

ونزفت بشدة ...رحت بعدها للمستشفى(كنت خارج الكويت)

دخلت الطوارئ وهناك عملت لي الطبيبة خياطة على الجرح!!

صار لي اسبوعين الان والالم مازال يتزايد والادهى ان اصبعي لا يتحرك ابدا!!

هنا ..خفت ورحت لمستشفى هادي( بعد وصولي للكويت)

دخلت على طبيب الجراحة فأكد لي ان الوتر القابض للعصب مقطوع مما يجعلني لا استطيع تحريك اصبعي!!!!
وان الطبيبة التي عالجتني خاطت الجلد فقط ولم تنتبه للوتر المقطوع!!!!:eh_s(14):

وانه يجب علي الذهاب لمستشفى الرازي وعمل جراحة من جديد يتم فيها ربط الوتر المقطوع وخياطة الجرح من جديد!!

وانا والله خااااااااااااااااايفة من العملية..ومن مستشفى الرازي ومن الاطباء كلهم!!1:eh_s(1):

احتاجكم بشدة ..فلا تتركوووونييييييييييي!!!!!

 

[*سكون*]

الله يعينج حبيبتي .. بس ما أعتقد أحد فينا عنده خبرة كافيه بهالموضوع

انا رايي تروحين أكثر من مكان ولا تعتمدين على كلام طبيب واحد روحي حق اخصائي جراحة يد وأعتقد بالرازي دكتور طالب اذا مو غلطانه وسألي وان شا الله خير

ما تشوفين شر حبيبتي .. أجر وعافيه

 

[NoWay2know]

الله معاج يكون، وانشالله يخفف عليج اللي فيج،، وتلقين العلاج الصحي السليم
في دكتور اسمه د.سامي وايد زين، مادري اذا للحين موجود أو لاء

وماتشوفين شر

 

[لميس]

مشكوريييييييييين على المرووور!!

بس الدكاترة اللي ذكرتوهم موجودين بالرازي؟؟؟؟؟؟؟؟؟؟؟؟؟

 

[غربــــة اِحساس]

روحي الرازي وشوفي لج دكتور يشخص حالتج وسوي العملية

الله يشفيج ويعافيج ويجعل ما اصابج كفاره

طمنينا عليج ..

 

[NoWay2know]

دكتور سامي (مصري) بالرازي،، بس انشالله للحين موجود

 

[قرمزيه]

لا تخافين اخوي مسويهااا عادى عمليه جراحيه عاديه بس للامانه ماقام يقدر يحرك ايده حيل مثل اول وماتشووفين شر

 

[*دنــيـQ8 ــا الوله*]

الله يعينج ويشافيج انشاء الله

 

[قطاوي]

:001:

حياتي فديتج ماتشوفين شر ان شاءالله ياقلبي












يـبـيـلـه
مـيـاو:001: مـيـاو
يـامـيـاوتي

 

[softlady]

سلامتح حياتي ماتشوفين شر







بعد قلبـ قلبكمـ

مع تحياتيـ SOFTLADY



.

 

[كويتيات]

ما تشوفين شر واستشيري اكثر من طبيب ولا تخافيــن قوي قلبــج ولا تهملين نفســج

 

[التجارة شطارة]

ما تشوفين شر

وروحي للرازي وهم ان شاءالله بيسولج الازم


وبشرينا عنج

 

[لميس]

مشكورين واااايد...على الوقفة الاخوية!!!

بحاول اسوي العملية واقوي قلبي على قولتكم!!!

بس اذا مت سوووا لي تمثال مع مشاركاتي!!!هههه

 

[مرت حمد]

سلامتج يالغاليه

 

[مها احمد]

سلامات يالغاليه ---------ماتشوفين شر

 

[لميس]

الله يسلمكم اجمعين....
اخيرا قررت اسوي عمليتي في مستشفى المملكة في الرياض لوجود استشاري خاص فى الاوتار والاعصاب!!
دعواتكم..........

 

[غربــــة اِحساس]

^ ^

الله يسهل امورج وينجح العملية

لاتنسين الدعاء والصدقة

وطمنينا عليج : )

 

[أدووويا]

الله يشافيج حبيبتي و ما تشوفين شر

 

[ريم الشمــال]

سلاااامتج وماتشوفيـــن شر ، وان شاءالله عدوينج

 

[لميس]

ابشركم سويت العملية.........تخدير موضعي تعبت حيل بس الحين احسن!!!!