اشياء مميزة من مكة المكرمة

[ام عفراء]

السلام عليكم ورحمة الله وبركاته

.....

بعرف لما تروحون مكة شنو الاشياء المميزة والحلوة اللي تشترونها من هناك وتحرصون عليها ؟؟

لانه بروح ان شاء الله العمرة قريب

ومابي وقتي يضيع بالسوق .. فودي أعرف الشغلات المميزة اللي عندهم .. عشان اختصر روحتي للسوق


وابي صوغة حق حريم كبار .. محتارة شنو اخذ لهم من هناك

لانه مابي اجيب لهم عطورات ..

اذا عندكم اي اقتراحات .. ياليت تفيدوني فيها



وشكرا:eh_s(7):

 

[البنت الحلوهـ]

مركز مكه: لايطوفج محل الشرقيه للعبي شغلهم مميز ومالهم فرع ثاني إلا بالمدينه المنوره

عندج بعد كشكات مركز مكه فيهم اكسسوارات حلوه وسجاجيد مميزه بالدور الثالث

قزاز بخوره حلو ولايطوفج كحل قزاز معروف وإذا تحبين الخام عندج محل العامودي

فيه أقطان عجيبه ممكن تشترينها للحريم الكبار وفيه كذا محل غيره هم فيه سيد إجنيد

والمصباح فيه عطورات حصريه ما تنباع بمكان ثاني .



برج زمزم: كله حلو فيه الماجد عطورات عجيبه مثل المملكه ورسمي وحاكم دهن العود الخاص رووووعه



أصغر علي عطوراته مو جوده عندنا نصيحه إخذي فره فيه

​

وإذا تذكرت شي أبشري

 

[عمار يا كويت]

للحريم الكبار اخذيلهم خام العمودي تلقينه فوق بمركز مكه وتلقين بالكشكات اساور حلوة ورخيصة >> يحبون الشذري
من الشرقية اخذي ملافع اللي عاى توقيع الشرقية وملافعه الملونة حلوة بعد
خلطات البيت عند حامل المسك بمركز مكة والمحل اللي يمه عنده مبثوث حلو للبيت
جناط الشاي والقهوه من بن داوود وشمغ للرياجيل
ومكه حلو سوقها بس من تمشين تشترين لا شعوريا ولا تنسينا بدعواتج الحلوة وعمره مقبولة

 

[ام عفراء]

ردود تشرح القلب

كفيتوا و وفيتوا حبيباتي

وعطيتوني خوش افكار للصوغة



جزاكم الله خير

 

[HmS al JaLiD]

الحريم اخذيلهم خام عمودي
واذا تبين اخذي ملفع من الشرقيه يهبلون

 

[ام عفراء]

الف شكر يا نبع الغلا

زين بنات كلكم قلتوا عن خام العمودي

الحين العمودي هذا اسم المحل ؟ والا اسم نوع الخام ؟

وبكم المتر تقريبا .. اخاف ينصبون علي هههههه

 

[manoooram]

عندج محلات العبي والشيلات عندج مزاج - المتحجبه - بدون اسم - الشرقيه أنا حبيت الفاخره واخذي لهم شيله سودة فيها شغل خفيف بالأسود
طيب أو بخور من أصغر علي
علبة عجوة المدينه بالمكسرات والهيل تلقينها عند تمور العلواني

 

[<miss botamba>]

اممم ماكو شي مميز بس ان يعني اشياء لها نكهه مكه

عندج المول الي مال الهيلتون

فيه كل شي

حجابات - عبي - بن داوود (مطاطير - فلات - فوط - اكواب - اكسسوارات - جناط - كاكاوات) - محلات عطور - مكتبات اسلاميه - مسابيح - اكسسوارات - شمغ - دشاديش

في هم محل المتحف واايد راقي يبيع سجادات صلاه و مفارش و كوشيات حتى غالي مو رخيص




وعندج الي بالساحات

مساويج و حنه و سبال


عندج الصالحيه مال التمور وحتى زمزم فيه محلات يبيعون تمر وهالسوالف


وفي مول تروحين له بالتاكسي

جنه اسمه الحجاز

حق هم سوالف عبي و ملافع