اشلون علي المرضية اذا كانت العمليه خارج الكويت؟

[طير الحب]

بنات حبايبي

الحين الي تسوي عمليه بره الكويت اشلون تاخذ مرضيه وجم يعطونها

عفيه ابي شي اكيد

يعطيكم العافيه

 

[سـما]

حبيبتي
شي اكيد ..


تروحين الدوله اللي تبينها
تكونين ماخذه اجازه دوريه من دوامج

المهم
ان اليوم اللي تدخلين فيه المستشفى لاجراء العمليه
بهاليوم تنحسب الطبيه وقبله ماراح يحسبون لج شي

واذا بس فحوصات وتجييك بدون عمليه ترى ما تنحسب طبيه

طيب
سويتي عمليه فعلا،
قولي للدكتور ان يكتب لج مرضيه لمده شهر ويوقعها ويختم عليها
وتكون مطبوعه وليست بخط اليد

سواها لج وخلصتي
تروحين للمكتب الصحي بالدوله
ويختم عليها ختمنا الرسمي ويكتب :
علاج بالخارج على نفقتها الخاصة
وتعرض على المجلس الطبي بالكويت


هالجمله مهمه جدا جدا جدا
وبدونه ترىا بالكويت ماراح يعترفون بمرضية دكتورج
اذا المكتب الصحي اللي بنفس الدوله ما وقع عليها وختمها وطلب تحويلها للمكتب الصحي


اذا جراحه عادي ترى الشهر يعتمدونه بسهوله
لا تحاتين

 

[سـما]

الاجراءات اللي كتبتها لج
كانت بلندن

وانا سويتها



الدول الثانيه مادري شنو اجراءاتهم
واي سؤال تبين انا حاضرة

ترى المكتب الصحي جننوني وقالوا مالنا شغل
وبيدزوني للسفارة والسفارة تقول مالتا شغل بالعمليات
ودزوني للخارجيه والخارجيه تقول انا شكو ورجعوني للمكتب الصحي

جان ادش على مدير المكتب الصحي
قلت شلون يعني
قال انا ما اعتمد طبيات
بس اعتمد تقارير

قلت لا تعتمد طبيات من قال لك اعتمد طبيات؟
الطبيات يعتمدها المجلس الطبي بالكويت

انت بس وقع لي ان ورقتي حقيقيه مو جايبتها من الشارع !!

بس اختمها لي واكتب لي علاج على نفقتها الخاصة
وتعرض على المجلس الطبي للاعتماد وهم يعتمدونها هذي شغلتهم

بس ماراح يعتمدون ورقه جايه من الخارج
بدون ختم اي جهة رسميه كويتية بنفس الدوله !



وفعلا كتب لي الجمله المهمه ووقع وختم عليها

 

[دانة الدنيا144]

حبيبتي الدكتور الي تشوين عنده العملية
يعطيج تقرير بحالتج وبالعمليه و عليها الختم
وواهوا يكتب لج كم يوم تحتاجين راحه