اشلون طريقه الطلاق بالكويت عفيه لحقوا علي

[دكتوراه أنوثه]

بنات سالفتي سالفه زوجي متزوج ثانيه والحين طلقها بس اللي يقهر ان ورقه الطلاق اللي يابها لي مكتوب طلقه أولى وله مراجعتها مادامت في عدته .....

قلتله لا مابي جذي أبي ورقه طلاق بائن 3 طلقات ماتحلك كلش ......قال انا رحت المحكمة واستدعوا زوجتي المصريه وقالي انت لازم تلفظ الطلاق قلت وراه طلقت زوجتي فلانه وبس بعدين عطوني هذه الورقه اللي فيها طلاق طلقه أولى .....

انا بنات ماأصدقه تكفون صج هذا الطلاق جذي بالكويت والا لازم طريقه ثانيه انا احس زوجي مجذب علي لانه بيردها يمكن ...

قالي رحت ثاني يوم قلت بطلقها بائن قالولي لازم حضور زوجتك وتتنازل عن كل حقوقها .وبعرف شنو حقوقها اللي موراضي يسوي طلاق بائن ...

لأني بروحي منغثه منه وأكرهه كره موطبيعي وقاعده على الميهاف يعني أبي أحد يدزني علشان أخليه وأروح عنه قولولي الصج اللي تعرف عن الطلاق ....

انا اتوقع يصير يطلق بائن عادي .........بس عقدني

 

[([عطر رومانسي])]

ماعندي فكره والله يكفينا شر الطلاق

 

[دو^ري^مي^]

مادري اسالج بس لايكون حامل منه وحزتها لامفر بتشاركج حتى بادق الاشياء

 

[دكتوراه أنوثه]

لا اهي مو حامل منه أكيد 100 بال100

 

[دكتوراه أنوثه]

ماصارلها شهر متزوجها بس انا هددته انه يطلقها ويردلي اذا مايبي يطلقها انا اتطلق اخاف قايل حق المحكمة شي انه مجبور يعني جذي لان احس يحبها مادري ليش

 

[قاهره عذالي]

رد : اشلون طريقه الطلاق بالكويت عفيه لحقوا علي

اللي اعرفه
الطلاق البائن يعني 3 مرات طلاق
واللي صار بالمحكمه هذا الصح شرعا

 

[قاهره عذالي]

رد : اشلون طريقه الطلاق بالكويت عفيه لحقوا علي

يعني حتى لو الرجال قال بجلسه وحده طالق 3 مرات تعتبر وحده

 

[دكتوراه أنوثه]

رد: رد : اشلون طريقه الطلاق بالكويت عفيه لحقوا علي

ليش ماطلقها 3 مرات ليش طلقه أولى عفيه علموني

 

[دكتوراه أنوثه]

يعني صح طلاقهم الله ياخذهم

 

[دكتوراه أنوثه]

في مراجعه بعد ثلاث شهور يبين فيها اذا اهي انمسحت من اسمه الله يمسحها من الوجود

 

[** باربي **]

حسبي الله عليه وعليها
يخلون الكويتيات بنت الاوادم السنعه بنت الاصل والفصل والي تصبر علي خياسه وخياس اهله

ويروحون حق الخياااس

حبيبتي هاذي مصريه تلاحقي عمرج
لا تخلينه لها الجلبه
ترى مصريه تقلبه عليج عدل الفرعونية

 

[دكتوراه أنوثه]

اذا في مراجعه حلو اذا مافيه والله الحين بسوي جنطتي وافتك من الهم اللي عايشه في

 

[زااجل]

رد : اشلون طريقه الطلاق بالكويت عفيه لحقوا علي

السلام عليكم
حبيبتي بقولج شغلة اهوة رايح رايح ليش ماطلقهاااا 3 مرات لان المعروف بعدين ماتحليلة وبعدين المبين اكيد اذا طلقة واحدة ممكن يردها بنفس اليوم لانهااا للحين بالعدة ولاتنسين حتي لو طلقهااااا طلاق مبين لارجعة فية اهية بطلبة بنفقة ومتعة
نصيحتي ديري بالج واللة يارب يهديكم ويصلح حالكم واسالي محامي حتي لو دقين علي المرينا اف ام عند المحامي ابو عمر تراة شاطر واستشارتة حلوة وعندي رقم المكتب

 

[دكتوراه أنوثه]

رد: رد : اشلون طريقه الطلاق بالكويت عفيه لحقوا علي

زاجل حبيبتي عطيني رقم المكتب ..........

لا ولما راح يطلق اول شي يبون يصلحون بينهم بعدين طلقها

 

[ScarletteO'Hara]

حبيبتي خليني افهمج شغلة
الطلاق البائن يتم بعد ثلاث طلقات
بس حطي فبالج ان بين كل طلقة و الثانية لازم يرجعها قبل انتهاء عدتها شرعا و اهي ثلاث قروء بودن عقد زواج يديد
و المقصد بالقروء ان لازم نمر عليها ثلاث دورات شهرية
فيعني الحين تبين يرجعها عشان يطلقها مرة ثانية؟
خليها راح تبين منه بعد انتهاء عدتها
اهي ما تنازلت عن حقوقها الشرعية المتمثلة في نفقة عدة و نفقة متعة و ممكن اذا لها مؤخر صداق
لو انها متنازلة جان تغير المسمى من طلاق الي مخالعة و هذي المخالعة تعتبر طلاق بائن
شنو خسرانه؟
صبرتي خليها تنهي عدتها بعيد يصير طلاقها بائن بينونة صغرى
يعني لو يفكر يرجعها لاوم بعقد يديد و مهر يديد

 

[خذاني الشوق]

حبووبه صح كلامه هذا الطلاق وغير جذي زوجج خايف لاترفع عليه نفقه وغيره

 

[G!RLooNa]

اللي اعرفه كلمه طالق طالق طالق غلط يعتبرونها طلقه وحده

 

[ايمانو حلوة]

يالله زيييين تردين حق ريلج الله يوفقج ويبعد عنه حريم بليس ويهديييييييييييييييييييه يارب

 

[دكتوراه أنوثه]

لا اهي ماتبي مشاكل على قولتها ماعليها مؤخر موحاطلها ( أول خل يعطيها مهر مهرها عشر دنانير مالت عليها )

لا ماتنازلت قالوله المحكمة اذا تبي طلاق بائن لازم تتنازل عن كافه حقوقها

 

[دكتوراه أنوثه]

والله جنطتي يمي مبطلتها على الطريف ........أبي أهزئة صح والله ناطرة نفسيتي ترتاح واعرف اتصرف حتى مع النذله اللي خذاها أحلى شي رقمها عندي ورقمها المدني وعنوانها ........