اشلون تنومين البيبي?

[om mesho0o]

السلام عليكم بنات اشلونكم ...
محتاجه مساعدتكم وودي اخذ رايكم واستفيد من تجاربكم
انا قاعده اجرب طريقه يديده مع بنتي عمرها 9شهور بس ماادري اذا كنت اللي قاعده اسوي صح او غلط ???
وقت النوم ابدل لها وارضعها واحطها بفراشها اهيا لها غرفه خاصه بروحها اشغل القران واخليها بروحها يعني ماانومها لا اخليها بروحها تبجي لما تنام بالعاده تبجي 5 الى 10 دقايق وبعدين تنام
انا قريت دراسه تقول ان الطفل طبيعي يبجي20 دقيقه
بس هم خايفه
اخاف ياثر عليها اويخلي عندها خوف ماادري اشرايكم

 

[هيبة الطاووس]

رد : اشلون تنومين البيبي?

كل ياهل قبل النوم يبجي عادي بس ليش بروحها تنام بغرفه
ماعجبتني الفكره

 

[شوق الجازي]

حبيبتي طريقتج مااعجبتني

الافضل تحضنينهاا وتغااغين معهااا لحد ماتتعب وتغفي بين ايدينج

بالحضن والحب افضل من انهاا تبجي بروحهاا ولاحواليهاا احد

وداايماا حسيسهاا انج قريبه حتى لو كانت بغرفه بروحهاا

والله يحفظهاا لج ياارب

 

[حـنـيـن 83]

رد : اشلون تنومين البيبي?

خمس دقايق بجي عادي هذي بجيت نحاسه النوم اغلب اليهال جذي
انا نفس طريقتج احطها بالسرير واطلع وان بجت اقعد العب بشعرها اشغل لها لعبتها لما احسها هدت طلعت من الغرفه وتنام
بس يمكن لان توج معلمتها علي هالطريقه فتبجي مع الوقت بتتعود *

 

[moltencake]

بالعكس طريقتج ما فيها شي بس يبيلها صبر ومع الوقت البيبي تتعود و تنام بسرعه. بس اذا تبين طريقتج تنجح لا تشلينها اذا بجت لانه اذا عرفت انه مع البجي راح تشيلينها ما راح تسكت و راح تزيد في البجي.

 

[دانة بعين بحاري]

فعلا طريقتج حلوه بالعكس جذي احسن بس لا تخلينهابروحها قصدي اذا بجت مسحي على راسها وكلميها عشان تهدي وتنام بس لا تشيلينها
والله يخليها لج

 

[opera]

رد : رد: اشلون تنومين البيبي?

حبيبتي طريقتج مااعجبتني

الافضل تحضنينهاا وتغااغين معهااا لحد ماتتعب وتغفي بين ايدينج

بالحضن والحب افضل من انهاا تبجي بروحهاا ولاحواليهاا احد

وداايماا حسيسهاا انج قريبه حتى لو كانت بغرفه بروحهاا

والله يحفظهاا لج ياارب

نفس اللي كنت بقوووله

انا ماتعجبني طريقه الام اللي تقط الياهل بالسرير وتخليه ينام بروووحه


لحظه النوم اهي من اروع لحظات الحنان وتحسس الطفل بالامان

انا ولدي بيصير عمره 3 سنوات لي يومج اقعد معاه عالسرير اقراله قصه مصوره او اغنيله اغنيه لين يغمض عيونه وينام

 

[ســتارز]

9 شهور صغيرة حيل على فهم الدرس

برنامج سوبر نانا كانت تقول عن الاكبر مو اللي بالاشهر

انا عادتي اغير لها والبسها بجامتها واهدي من الاضاءة واعطيها حليبتها لين تنام واوديها لسريرها

بالنظام هذا رح تتعود وتعرف انه موعد النوم

 

[لومية]

انا طريقتي احطه بالفراش واعطيه ممية لين ينام بروحه

 

[موجة ~ بحر]

انا احطه بفراشه واشغل موسيقته لين ينام او بعض المرات يبجي وينام بس اكون يمه منسدحه بسريري