اشلون تعلمونهم الصلاه

[Om_RayooMa]

السلام عليكم
بنات ابي اعلم بنتي الصلاه
اشلون اعلمها اكتب لها والا اصلي واهي يمي
عفيه كل واحده تكتب اشلون علمتها عيالها الصلاه
ومشكورين

 

[عيش و مرق]

المدرسه يعلمونهم وانتى اذا شافوج يبدون يقلدون اول شي شوى شوى اذا كبرو لازم يحفظون التشهد وكم سوره من القران عشان يبدون فيها هذه الى اعرفه لان عيالى صغار ماوصلو عمر الصلاة

 

[unapproachable]

مادري ولدي ليلحين صغير .. بس امي تصلي وتخلي اخوي يكرر وراها الايات

 

[Om_RayooMa]

مشكورين

 

[**(فـيـلا دانـتـيـل)**]

فديتج انا بناتي قبل لايدخلون الابتدائي
يعرفون الصلاه والتشهد

شاريتلهم ثوب وسياده
واخليهم يفرشون يمي

اكبر واصلي بصوت مسموع
الحين الله يحفظهم يعرفون الصلاه عدل مدل

ولدي الله يحفظه بكمل سنتين .. حاطتله سياده إذا بصلي افرشله يمي
ويعني بصلي وينسدح ههههههه


هذي طريقه الوالده الله يحفظهاا

 

[رفرف]

انا قاعدة اعلم بنتي حاليا عمرها 6 ونص ..
شاريتلها جنطة فيها ثوب وسيادة ..
ندخل نتوضى يميع ونصلي يميع انا اصلي بصوت عالي وهي تقلدني
ومرات اخليها تصلي جدامي تقرا بصوت عالي وانا اصحح لها اذا غلطت
مرة على مرة تتعلم

 

[أم يزيد &سديم&]

انا ولدي لسا صغير على الصلاة بس دايم يروح مع أبوه المسجد للصلاة
وخصوصا المغرب والعشاء عشان يتعود
والحين ما شاء الله عليه حافظ الحركات وسورة الفاتحة وقصار السور ويعرف شنو يقول في الركوع والسجود
لكن التشهد لحد الآن ما حفظته إياه لا كبر إن شاء الله علمته
وأنا اللي علمني الصلاة أخوي العود أكبر مني بسنتين
أقرأ يصوت عالي وهو يصحح لي
والله ما انساها له الله يجزاه أل خير
مرة كنت قاعدة اقرأ بعدين في وسط الصلاة قلت له صح ولا خطأ
يهال أيام زمان

 

[مسك81]

نصلي يميع مع بعض وبصوت عالي
الله يحفظهم ويهديهم