اشلون اعلم ولدي على الحمام وافطمه من المميه..خبرتكم

[fatma-84]

السلام عليكم
بنات ولدي اسم الله عليه عمره تقريبا سنه ونص
وايد يقولون لي من صجج ماعلمتي على الحمام وانا احس توه صغير وماني عارفه اشلون اعلمه
وما ادري متى افطمه من المميه اهوا ينام عليها اشلون انومه مادري اللي عندها تجربه وخبره تفيدني تكفون

 

[ميما الاموره]

بنتي بعمر ابنك
بالنسبه للمميه بدري تفطميه لانه بحاجه الرضاعه
اما الحمام ابدي معاه بانك تشيلي الحفاضه وكل نص ساعه وديه الحمام ولما يعمل على حاله خليه يشوف شو عمل وحببيه بالحمام او استعملي النونو عشان يعمل فيها بدك طوله بال وصبر لانه مو بسهوله بينضف
انا الي فتره بعلم بنتي ولليوم ما نضفت كله تعمل على حالها بس لازم انضفها قبل الشتاء​

 

[ملكة الفرس]

أي والله ياليت أهل الخبره يقولون لنا شلون يعلمون عيالهم على الحمام
و الله تعبت و شايله هم هل الموضوع ...

شلون تعلمونهم على الحمام...

 

[PuPa^^SWeeT]

الحفاضة اذا اهو شوي فيه فطنة ابدي شيليها

اذا مافيه لاا توالناس عليه


بس الممية رسمي منعيها


اذا عيا الحليب بقلاص عطيه روب لبنة جبن و جذي


لين ينسى الحليب بعدين ابدي وياج وانتي اتريقين حطيلج كوب انتي و كوب اهووو

 

[fatma-84]

بس حزه النوم شلون
يعني اعطيه بقلاص وبعدين انومه احس ماراح ينام

 

[PuPa^^SWeeT]

حزة النوم حطيها مع كورن فليكس الكاوكاو خليها دافية الحليبة << علشان يدوخ

 

[رفاعيه]

لا تفطمينه من الحليب بس غيري من المرضاعه لي القلاص الي ايي فيه مسكه وراس بلاستيك

 

[رفاعيه]

 

[حلاتي بندرة وجودي]

ومنكم نستفييييد

يسلموووووووو

 

[الوردة المكنونة]

التعليم على الحمام

اولا تشترين السراويل اللي من داخل قطن ومن برا نايلون

ثانيا منع تجول اول اسبوع

ثالثا قيصريه صغيره من مذركير او اي مكان

الحين نبدي

اول اسبوع من اول ما يقعد من النوم يفصخ الحفاضه ويلبس السروال اللي ذكرته فوق كل ١٠ دقايق او ربع ساعه تودينه الحمام طبعا بتذمر وبقول مافي قوليله ما عليه نجرب نشوف في ولا مافي وتمين جذي مدة اسبوع كامل مافي حفاظه بالنهار بس وقت النوم في الليل ضروري ومهم جدا ان مايلبسها نهائيا في النهار لان قلناله انت كبرت والحفاضه حق البيبي لا تقولون يوم ما يفرق او نطلع كم ساعه لا ما ينفع

ثاني اسبوع يفصخ الحفاضه بالليل والاهم ان بهالاسبوع تبدون اطلعونهم مشاوير صغيره ويكون في حمام وكل ربع ساعه تذكرونهم بالحمام

بعد هالاسبوعين خلاص يكون تعلم

نصيحه صاحبة الموضوع ولدج بعده صغير صعب يتعلم الحين

وبالنسبه للحليب لا تفطمينه قبل سنتين لان صعب يتعلم يشرب في القلاص وراح تقل كمية الحليب اللي يشربه ويضعف

وهذي تجربي الشخصيه مع ٣ بنات وأي استفسار انا حاضر

 

[miss swan]

اشتريله السليب القطن المتان من مذركير اخذي واحد يشوق واخذيله الكرسي اللي يوصخ فيه هم يشوق وقوليله انته صرت كبير لازم تسوي نفسنا بالحمام
وكل شوي وديه من غير مايعطي اشاره
بس الصراحه ولدج اصغير عطيه ثلاث اشهر خل يفهم الكلام على الاقل​

 

[^noonaa^]

والله انا اشوف تو الناس علي هالسوالف

يعني الحفاضه فكري اتقطينها عنه يالله بعد السنتين وحتي الحلييب لانه حرام صغير للحين مايفهم عدل علي هالسوالف

 

[عيالي ذيابه]

انا عمر ولدين سنتين ونص وتوني بديت اعلمه والحمدالله تعلم
بس للحين ينام فيها لانه مازال يشرب المميه
طريقتي شريت له سليبات سبنج بوب وبن تن شخصيتين يحبهم حييل
اول فتره يسويها علي نفسه لازم يحس بالبلل
وصرت اقوله شفت زعل منك سبنج بوب او بن تن
وصار يخاف يزعله وتعلم بس اوقات يلعب وينسا نفسه
لازم أسأله لانه يندمج وينسا
والمميه للحين ماقطعتها بجرب ويشوف القلاص اللي راس بلاستك

 

[fatma-84]

بعد قلبي ماقصرتو
يعني تهقون صغير وتو الناس
والله الناس حسسوني انه لازم اعلمه بس انطر جم شهر احسن
ومشكورين حبايبي

 

[Al.Nooor]

الحليب تو الناااس
بس الحمام انا بديت بولدي بالسنتين و 9 شهور
كنت اخذ الشخصيه اللي يحبها الحمام مثلا بارني و اقوله شوف يبي يروووح الحمام فيصيير يبي يقلد و جذيي
و طبعا دمر نفسه كذا مرة و خذت مني هالعمليه اسبوعين و نظف

 

[الدنيا غير]

انا اسم الله عليهم ثلاث صبيان و صراحه امي ساعدتني باثنين فيهم و علمتهم ع الحمام تعبت اول شي بس الحين وايد ارتحت اما الحليب حولت من مميه الى قلاص و الحمدالله عودتهم الثالث عمره سنه فتو الناس عليه .. بس الحماام شوي شوي راح يتعلم تتعبين بالبدايه بس بعدين تتاحين .

 

[ماحب اتدلع]

صغير بعده واعلية بالنسبة للممية اكو اكواب اشكال وألوان بعضهم مع مزاز وبعضهم ابو فتحة بس الثاني للأكل احسن مثلا السيريلاك انا بنتي اعطيها الي بالمزاز وعلية رسمة دورا تستانس عليها شوفي شنو يحب ولدج اخذي له او خلية اهو يختار وبس سهلة الحمام الي يتعب خليه يكمل سنتين وجم شهر